鑑於近有多個0追蹤者的帳戶發起對本店追擊，本店係持有有效商業登記 ，屬於持牌合法，而從 kitying542 貼文中有誣蔑本店沒有持牌的意思，誣蔑本公司，因此已留底報案，以及交由法律程序處理。

至於anssychow，本公司喺新年期間使用PayMe派利是功能，本店亦有派利是的轉賬紀錄，誣蔑本公司做假，有損公司聲譽，亦會交由法律途徑處理。

本店再次澄清持有香港商業登記牌照，合法經營，受香港法律保障，絕不容許任何人誣蔑或誹謗本店，亦會就住以上證據留底，用法律途徑合法調查帳戶持有人等，本店絕不姑息任何有損本店聲譽之事情！謝謝！

近日有假帳戶話我哋「做假對話」、「呃流量」、「偷圖」。

我哋都有試吓企喺佢哋角度諗：點解要追住一間同自己無關嘅花店？

後來我哋明咗—流量高，自然有人唔鍾意。

關於圖片，我哋想坦誠講：發展初期，我哋用過供應商提供嘅圖片，而唔係淘寶拎嘅，都係供應商俾我哋嘅參考圖，呢個係我哋初期嘅做法，我哋承認，後來我哋亦都有一啲自己設計嘅花束，我哋亦都有po實物圖喺ig profile上，供客戶鑑賞！

而我哋亦都秉承住以客為本的方針營運，例如曾經有客人唔喺香港，冇辦法親自送到另一半手上我哋亦都冇加收佢運費送到佢另一半手上，有客人曾經激嬲另一半同我哋急買11支玫瑰，我哋亦都送多咗5支俾佢，希望整大啲令佢另一半會開心返，有一次客戶拎住99支玫瑰由沙田返荃灣西，店主順路亦都車埋佢返荃灣，以下全部都係真實案例！希望可以感受到我哋嘅人情味！

但而家嘅我哋，亦都慢慢設計新款而且性價比高嘅花束，除非客人指定要買參考圖款式才出售。
因為我哋深信：一間花店最重要嘅，係花嘅品質、服務嘅用心、同客人收到花嘅笑容。

我哋係嚟賣花嘅，唔係嚟辯論。
做好自己，就夠了。
多謝真正支持我哋嘅每一位🙇🙏

你又話唔係淘寶既 點解一模一樣既 係咪淘寶偷咗你張圖🤭🤭🤭