鑒於近日threads上chrome hearts的爭議，藉此我哋想作出以下回應。

近日好多客人都擔心我哋舖頭售出chrome hearts的真偽，而客人亦將我哋舖頭買到的貨拿去其他舖頭鑒定。當中有幾個客人到該店鑒定後被該店判斷為假貨，並且即時聯絡我哋退貨/回收。而我哋亦即時將客人嘅貨以7-8折回收，無一例外。我明白好多人睇完threads上的留言和帖子會好擔心，亦會立即將我哋舖頭嘅貨攞去其他舖頭鑒定。但我想同大家講如果大家真係唔放心或者擔心喺我哋舖頭買到嘅貨係假嘅話，其實並唔需要將我哋舖頭嘅貨攞去其他地方鑒定，亦唔需要俾幾百元找其他人鑒定，可以直接攞件貨嚟我哋舖頭即時以7-8折回收。

每間舖頭都有自己嘅鑒定方法和標準，大家去某間舖頭做嘅鑒定，其實市面上又有邊個機構/平台認可呢？坦白講客人攞住我哋呢幾間舖頭嘅保證卡/鑒定記錄，只係代表我哋幾間公司自己的鑒定，方便客人日後將其產品給我們回收和售後。其實這些鑒定卡/保證卡在市場上都係冇認受性的。因為個鑒定只係根據個別公司自己的準則去量度，並不是一個有公信力的鑒定。

如果客人真係擔心喺我哋舖頭買到嘅貨係假的話，其實並唔需要俾幾百蚊去其他公司鑒定，直接攞過嚟舖頭俾我哋回收就可以。我哋尊重每一間舖頭嘅鑒定和專業，亦唔會去詆毁或評論其他店，只係想客人理性分析事件。客人亦都可以選擇自己相信嘅店舖去購買產品，有問題或疑慮直接搵返該店負責就可以。

我哋開店三年以來第一次遇到這些問題，亦可能係因為影響到一些人的利益，令到呢件事有人不斷發酵，不斷地詆毁我哋舖頭。網絡上亦有很多人攻擊我哋舖頭，當中有幾多人係我哋嘅客人，又有幾多係打手/假account，我相信大家都識得分析，而我哋亦不會逐一回覆。

最後我希望大家可以理性分析事件，成件事當中嘅既得利益者又係邊個，相信大家都心裏有數。同時我希望客人如果真係因為呢件事而擔心真假問題，可以隨時直接攞上嚟我哋舖頭俾我哋回收即可。每間店舖都有自己的收貨標準和鑒定手法，而老實說市面上並沒有一間公司/平台的鑒定是百分百大家一致認可/有認受性的，所以客人可以揀一間自己信任的店去購買產品，遇到問題搵返佢哋就可以。謝謝大家。

點解唔係全額退返比人回收？
姐係啲客用2-3折價錢買假貨體驗卡？

假貨本來就應該要賠錢 你恰人唔識野7-8折回收 仲覺得自己呢個行為好清高 完全完美演繹咩叫人不要面天下無敵

師兄我建議你報自己海關，海關一定幫你 check

如果真金不怕紅爐火又真係可以喎

即係你都唔肯定件野係真定假. 就當真賣. 仲要驗到假7-8 折回收？

到底知唔知自己寫緊咩。。。
賣假野仲7-8折回收

假如同你買件1 萬蚊嘅假嘢。然後賣番比你哋收番$7000 ，你哋再張件假嘢再賣俾人，又再七折收番，扣左燈油火蠟，都唔係賺得好多。真係慘。

人地個鑑定就冇公信力. 你用圖搵校長鑑就有公信力？ 人地個鑑定點衰都衰唔過你搵張圖叫校長鑑掛. 仲要玩開都知校長出哂問題之前. 公關唔係禁做架大佬. 即係你而家賣緊件野你點confirm 真定假先. 唔好下下諗人地逼害你地. 不如認真睇下自己做緊盤野有冇咩不足. 如果搵圖搵校長監定. 其實唔洗搵你地買啦

我哋從來都冇質疑人哋舖頭嘅鑒定，只不過係個別舖頭嘅鑒定喺市場上邊流通唔到。我哋亦唔係只搵校長鑒定，呢個只不過係我哋同其他同行之間貿易嘅第三方鑒定。人哋舖頭嘅鑒定係佢哋舖頭獨立鑒定。我哋台灣同內地同行貿易係冇人會接受個別舖頭自己嘅鑒定，大部份都係以兩大平台鑒定作準。你可以隨便問其他同行，睇吓其他地方係咪都係雙平台鑒定。同埋你要知道佢哋嘅鑒定唔係淨係睇圖，佢哋亦都有實物鑒定。只要係睇圖唔確定嘅嘢，全部都要實物鑒定。

Cls我喺舖頭買到假貨仲要俾你哋用七到八折先可以回收？報消委會囉on99😂我仲要用錢買難受？

自己間鋪出咗假嘢 就用鑒證標準嚟搬龍門 最搞笑仲幻想人哋幾間舖頭去做鳩你一個😂
你身冇屎人哋點做鳩你都冇用嫁
Siu4

DLLM, click 入IG 睇佢d 相
全部都係假野
詐騙之都名不虛傳

想請教吓點樣分？🙏🏼

手上有專門店買嘅真野, 自然知佢係假
任何討論CH 嘅group 都唔會出post 教分真假, 否則等如教佢地d 冒牌做QC

無知一問。英專/法專嗰啲都做到假？

買二手 去日本Rinkan 啦 人地做CH起碼做左十幾年 香港果啲見CH當頭起 就開鋪 全部開左都冇幾多年 同埋CH咁多假貨 大家都係要小心為妙

呢個係乜L野PR😹😹 俾人驗到假貨當真賣仲想個客賠錢比自己🤣🤣

留名睇你收皮等賠錢😂

回收完又等下個on9仔買嗎？

溝貨賣 比人周到先話退錢比人重要退唔足
貴店生意應該月月爆數

上次條鏈 見你地入貨前都有Double check 係有鑑2-3次 但3次都搵同一個人鑑 不如另多間鑑好似重好

一律報海關

賣假野俾人捉到居然用7折回收😂😂

而家啲老千都開始擺款

已經正價炒貴成倍仲要賣假7折回收，完全剩賺，比人捉到唔使坐監已經好好，唔好炒貴賣假再出嚟害人

屌你都戇撚鳩，你唔發聲明話自己一定係真貨而係同人用返7，8成價收返？high撚大左? 即係自知賣緊假貨，可以報得海關，知道嗎？

第一次見買到假貨，仲要蝕兩三成俾商家

簡單嚟講『假嘢照賣 賣完7-8折收返』
都有賺

Ching 幾fun 我賣翻d鏈比你如果假既我9成同你收翻點睇

LM, what the fuck PR

新款搵錢方式
姐係賣假嘢，然後7至8折回收，跟住再賣俾下一個？

有料，賣假野俾人仲可以7-8折回收🙇🏿‍♂️

強帖留名，咁優秀既生意手法又學到野

賣假貨唔應該比你折頭回收,應該直接報海關

你賣假貨仲要退得7折？發達啦

打咁大段野，都無話肯定自己啲野係真，賣高疑似仿賣到你咁囂張玩7折回收你真係第一個

留友看痴撚線pr

即係將一件自己都唔肯定係真定假嘅貨當真貨賣？不如問下海關咁樣有無問題？

賺到笑啦

假貨用7成收？？？
嗰3成係咩？學費？？

黐線賣假嘢仲咁串