真係㗎，25歲嗰時真係好好精力去歐洲，周圍去，而家10幾年後，個心都係想去，但諗長途機就怕怕
因為及時行樂好重要，唔趁後生多D去旅行見識，到年老嗰陣想去都未必有精力去，留低好多遺憾
我近呢幾年30歲，我真心已經覺得自己腰酸骨痛，我以前滑雪好唔錯㗎，依家搞唔掂， 仆一仆都嚴重懷疑自己骨折
我已經腰酸背痛
趕巴士跑兩下已經好喘氣
坐喺度幾個鐘 骨胳已經啪啪聲
明明中學嘅時候都冇嘢
我後生嗰陣，廉航！住hostel ！backpack！
而家，晏機去晏機返，最緊要酒店張床舒服，未夠10點打喊露，行一兩個景點就已經虛脫收皮搵位坐，再加埋有飛行恐懼症。唉！
將踏三字頭嘅我表示，真係架！
由22歲聖誕節人生第一次離開亞洲，住Hostel 同人傾計，周圍行，好似行極都唔攰，租單車喺倫敦周圍睇。
到2025都係同樣咁去德國幾個大城市⋯⋯但真係會好攰了😂
宜家有時會諗，老咗真係無咁嘅力氣🙂↔️好彩以前夠傻
今日唔知聽日事
想做又有能力做嘅事
就去做咗先 時間／身體都唔等人🥲
廿幾歲對所有野都有好奇心
去次日本咩都望一餐 去次歐洲搭個火車都覺得要唔訓睇風景
而家上車想訓咩都覺得無咩特別
食又食得少左 對好多野要求又高左
好似住咁 細個可以住hostel / airbnb
而家嘈少少 污糟少少都影響心情
因為有啲地方d野真係性價比高又真係超好食
沖繩→吞拿魚腩天婦羅，南鰭吞拿魚拖羅(較HK平又好食)，海葡萄，苦瓜苦得來帶甘
台北→土斬雞(冇乜肥膏)，海鲜粥，貝殼類，星乃珈琲店
曼谷→咖喱炒蟹，蟹肉炒飯，性價比高芒果糯米飯，榴槤，榴槤仲可以炸添
真架 Covid幾年後去返旅行最覺 行又快攰左 食又食少左
最慘係 好多人會因為年紀大左對世界失去好奇
趁後生去多d 地方，見多d 野，第日老左行唔到咁多 大把時間留係屋企休息啦 到時先黎後悔後生行得走得，又唔去旅行見多啲嘢
因為身體機能真係會下降，無論係老一輩或投身社會10年8年
剛剛畢業：有時間，有體力，無錢
有事業及家庭（子女）：無時間，體力下降，有錢
退休後：有時間，體力不足，有冇錢因人而異
呢三樣真係好難並存🥺已經未計有冇同伴，老咗就最好出遠門有同伴一齊，人在異地有照應好啲
我自己嘅結論係，剛剛畢業無咩錢就去近啲嘅地方，儲咗幾年錢可以諗吓去唔去歐美，到日後結咗婚有子女就有好多嘢顧慮，就算未婚都有機會拼搏事業無咩時間去
因人而異,我退休前的工作性質已經令我去過好多人呢世都未必會去的地方,所以我而家冇乜動力去旅行,耐唔中去日台泰已經滿足到我
40歲之後的人開始唔行得多路 （特別係平時無運動的人）
50歲啲人開始會不停跟團 上車訓覺 落車影相食飯再上車訓
伯伯雙陸 一個銅錢兩面 後生可以窮遊。睡火車站也試過，當年尚未有歐元還要到每個兌換上一個貨幣 。現在好在有行山攀爬鍛練 好不容易才應付到葡萄牙的大部份斜路 不過十幾公里外的現在call urber. 住 食就不會難為自己了 食好 住好
真係㗎~ 
有啲地方真係老咗體力唔好係去唔到
所以呢幾年我決定瘋狂去旅行
所以之前鼓勵咗呢度位3萬學生去瑞士,tomorrow never know,3萬唔是30萬,希望去完可以成為佢工作嘅動力,有心有力有時間探索世界啦！
吾老矣~
到左30就會發現旅行成日行下就要搵位坐／坐cafe 休息下飲杯野
都係㗎，而家過咗40歲，去旅行已經唔可以好chur
今年3字頭，上年轉兩程機攰到一個點，因為航空公司罷工，向機場狂奔由國內線再衝去國際線改機票，後生玩到1，2點，那怕今日返16個鐘parttime第日再返10個鐘都面不改容，依加出去玩，未到夜晚11點，已瞓覺，接受體力不及從前