📌 間唔中會聽到有啲拍咗
共 50 條紀錄
間唔中會聽到有啲拍咗拖5年以上嘅情侶分手
其實如果開始拍拖嗰陣個女仔廿零歲，到分手嗰陣都可能已經30歲...
有人話女仔過咗30歲已經無市場。就算有，年齡相近又單身嘅男性都一定有啲red flag位咁樣...
所以我都好驚如果有一日真係分咗手之後會唔會呢一世都係一個人過...
有無靚女接近/過咗30歲分手之後搵到真愛
可以分享吓點樣識到依家嘅另一半？
19一齊29被分手
我覺得自己仲好有價值
但唔急住揾另一半
照顧好自己、重新認識自己先
覺得將來會遇到真正適合自己、互相珍惜嘅另一半
你當自己係貨，仲要係覺得自己會過期嘅貨
冇人接收就會世界末日嘅貨……
😤😤😤
冇人有責任令你幸福快樂，請自行負責
愛情唔係人生嘅重點，但你唔自愛有幾多段愛情都冇用
一個人過日子其實冇嘢好驚，只係你自己眼界狹窄而唔知一個人有好多可能性
我係接近30先識到宜家既男友
佢亦都係最愛我果個
（已經準備緊結婚）
後生果陣係多啲人追既
但有時多又唔等於好
加上我細個又唔太識睇人
試過好多次遇人不淑
又比男人呃過錢 又遇過暴躁男
又遇過超級小氣男
現任男友算係靈魂伴侶
無論三觀 人生觀 都非常契合
我有諗過如果早啲遇到佢
可能大家又未必咁啱
正正係因為大家都有番咁上下人生閱歷
先會發現到雙方係咁適合
我覺得老咗遇到既男人更大機會係真愛
因為唔再係靠年輕肉體去吸引對方
我27歲時同拍拖6年嘅男朋友分手，一直以為佢會係我老公，唔會再遇到更好。之後5年間喺App識人同過幾個人拍拖都無疾而終，到32歲因為去學野識到而家男朋友，32歲尾先一齊，33歲情定終生變成未婚夫了❤️之後講返先發現未認識前原來我地已經擦身而過，佢曾經想走過嚟識我..🌝
所以話，有緣嘅點都會遇到，即使你哋錯過一次，最終都會一齊❤️未開花結果，只係因為花期未到🌸
咁你拍拖係為左咩
咩叫有無市場
當自已雞咁賣？
單身30歲男性就red flag?
咁死得人 原來拍拖佔人生咁大價值
快啲叫教畜局更換必修內容
要同啲學生哥講做人30歲前一定要拍拖其他野都擺埋一邊先
姐姐我就是例子，當年好多人追，以為揀好另一半，點不知真係到30歲分開了，宜家無人問津😂😂
通常執着30歲前結婚生仔嗰啲人都係冇乜自信同唔夠優秀
寧願箍住對方泥漿摔角好過驚冇人要🤣
老實話你聽 女人足夠優秀根本自己一個冇問題 想生仔借精都搞得掂 講完
31歲跟拍7年男朋友分手，由19歲開始跟唔同人戀愛到31歲，我終於可以唔洗再討好任何人& 改變自己，達到真正既自由🫶🏻
真係唔洗同其他人比嫁🥴一個女人唔洗以結婚or 生小朋友做人生目標🎯 識到岩既就拍，唔拍都無所謂。
Main point !!!點解一定要選同年齡or 大過自己既男仔？ 想選就選年下男啦🤩 有青春有體力有時間🤓
我之前都係同6年男朋友散左，唔到最後唔知邊個Mr. Right
其實30-34歲都仲係黃金期
唔駛太焦慮
主動識下人就好
呢個歲數搵嘅伴侶，比較大機會足夠成熟地開始一段長久關係
34歲識咗我現任老公，拍拖一年就結婚，今年結婚第七年。
34歲前拍過無數拖…
幾個四五年、短既幾個月….
我覺得唔好俾年紀規限咗自己
最緊要好好裝備自己
係適當嘅時候自然會有適當嘅人出現。
聽姐姐講
30之後仲會遇到好多人
可以有好精彩嘅感情生活
反而有啲人20歲出頭Commit左，結咗婚先唔適合
30歲後離婚大有人在
唔好成日同人比較，最緊要自己活得開心
如果以想結婚生仔為目標嚟講，的確係越大年紀會越有難度
當30歲分手，要再識另一個合適嘅，一般起碼拍同觀察返一兩年先會考慮結，都起碼32 33，如果呢個都唔啱嘅，再重覆搵同拍呢個cycle, 搵到下一個諗結婚果時可能已經成為高齡產婦。(醫學上35歲就係)
所以難度未必係識人，而係時機會逐漸流失。不過就算係咁，搵個真正啱嘅人先係最重要，如果係為咗趕deadline 咁求其揀，之後日子可能好難過。
👋－齊8年，30頭分手，因為發現自己已經唔想同佢結婚。之後工作場合識到現任，細8歲，生活有活力好多。
30歲男red flag,30歲女就唔red flag?
你揀人，人揀你
當你有認同年齡近既男性都一定有red flag 位既偏見時 呢個已經係你最大既red flag 位 再思考下點解d人話
年近30 會無市場呢件事…😅
26歲同當時拍左兩年半嘅ex分手
之後玩app拍過兩次拖 最長半年
29歲同現任一齊 係舊同事
係公司唔熟 大家都離職後先曖昧一齊🫶🏻
Comment 係最好見過對方唔係追求異性果一面先再考慮發展
30歲其實仲好後生，男人30事業先真正起步。我32先識我老公，34結婚，36生B。非常好。
我身邊更有朋友36遇到佢男朋友，38歲結婚。其實唔急。好好享受單身。係你仲有錢淨係洗係自己身上既時候。踏入婚姻，就變做家庭支出。
19歲一齊 10年後發現對方出軌
之後都係單身
依加唔洗諗點樣攝啲時間比某個人
洗費都細咗 可以慳返好多錢
好輕鬆😆 想去邊就去
其實自己一個更開心(?)🤔 有啲爽🤣
1 9一齊，2 6分開，曾經分手時有諗呢個問題，後來自己吾知點解睇開左，結到就結，結吾到就算，可能去左加拿大，見到好多人都比我優秀，所以我決定都係寄情事業，或者再學多D技能，男女朋友既野變得不再重要
我30歲同拍拖6年既ex分手，4個月後識到新男朋友，佢性格外表年紀都比ex好勁多，同佢一齊都令我個人進步左好多，佢比到好多自信心我，每日都好開心
真係好開心分左手，到依家都覺得呢個係我成世人做得最啱既決定🤣
我29歲就同一齊10年既前任分開（其實回想最後3年佢同我就冇左最初既愛），係半年內就遇到現任，雖然經歷過磨合幾痛苦，但而家都算穩定，互相愛護🙂
我覺得始終唔可以靠年齡去斷定一個女仔有冇市場(?)，每個人都有自己嘅人格魅力，最緊要識得培養自己內在（多啲靜心、面對自己內在、睇多啲書咁）。相信總有人會識得欣賞你嘅人格魅力（順便吸引力法則😀：避開red flag男仔)
加上而加美容保健都好先進😂，定期做吓Facial、運動、飲食清淡啲，年輕外表我有信心30尾都仲可以keep到架😆
最後講多句：最緊要係同一個自己適合嘅人一齊：同伴侶唔係「談戀愛」，而係「係一段愛嘅關係入邊 互相扶持，彼此成長」
裝備好自己自然而然就會遇到一個同自己匹配嘅人💕
唔使理人點睇
最重要係保養好自己
多啲關心自己感受！
從來都係一個人來到呢個世上 再一個人走 睇來你仲未醒覺
如果驚分手唯有唔拍拖, 咁咪又係成世一個人
唔好咁擔心未發生嘅事, 努力做好自己先
如果性格無咩問題, 自己養到自己, 價值觀正常,
幾多歲都唔駛擔心自己搵唔到另一半啦
後生追你果個，可能初時係玩仔，今日不會知。
贏在利用忠誠優勢。但係人可以成長。
30飛左你走去溝靚妹，
咁佢即係不要得。
Next topic: 任何人若不幸，
29-33 出事嘅，建議 check 清楚電話有冇其他女，同埋講明一定要每個月比你check,
當然，check 2次已經估到有冇問題。
咁嘅年紀，仲係唔比check 電話，100% 一定有鬼。
-
我係男，千祈千祈千祈唔好聽其他人意見，
我好清楚男人係點。
-
30大把努力左一生，岩岩有少少收入，好想結婚嘅好男人。
28-35 非常心急想要小朋友既男士，好正路。
講明，35 男、仲講不中意小朋友既。一般係已經有partner.
除非你係同路人，習慣自己一個已經ok
我27歲先搵到而家個老公俾人寵到變BB，唔使做家務，底衫褲有人洗，飲嘢永遠有人開定蓋俾我飲，去旅行完全唔需要攞行李。女人26歲打後先係黃金期，加油努力提升自己，一定會遇到適合你嘅另一半😆
30幾嗰陣開始淆底，為咗趕尾班車，開始有將就想法，調整好心態繼續搵正常人，不離地不將就，43歲結婚，而家差唔多50 ，屌原來仲好有Market。
可以試下decenter men, 你會開心D, 同埋單身有咩問題?
23拍到30分手。30之前就係一直覺得30係大限，人生所有規劃去到30就停咗，到咗30生日嗰日，先發現個世界先岩岩開始。
30歲分手轉工所有野重新開始。
35時發現原來30歲轉跑道時識既朋友係真愛，結婚後一直幸福美滿。
回想真係好彩23時無為咗追社會kpi亂咁做決定。
我係27,8歲分手，之後識到我老公冇耐就結婚，啱啱好30歲前，遇上對的人就自然會想結婚
我認為18-25歲開始的戀情，如果25歲後男方沒打算結婚，女方可以換人了！不要浪費時間。
26歲前嘅ex，個個把口都話打算結婚，但全部都係得個講字，正宗開空頭支票。
直到26歲同現任一齊，拍拖頭3個月就同我買定結婚戒指子，拍拖到今年12年先結婚都係咁。
覺得一個人會更開心更輕鬆，31歲時選擇同拍拖7年嘅ex和平分手。
30歲雖然係一個關口，但更加知道自己想要咩唔想要啲咩，亦都對將來方向更加清晰
然後一個月後，係交友app遇到依家男朋友。唔敢講係真愛，但遇見佢我成長更多，視野更加廣闊。重點學識如何去愛與被愛☺️
23歲被分手, 當時覺得晴天霹靂, 身邊有人已經結婚生小朋友, 但我仲喺到日日以淚洗面, 當時都以為拍左4-5年既男朋友係非嫁不可, 都當左係將來一定會結婚既對象, 覺得同佢分左手就唔會再遇到第二個更好既人, 仲好驚對住下一個都會放唔低之前既男朋友, 點知⋯ 好幸運咁遇上對我好好, 我地仲一見鍾情, 諗返起都覺得好痴線！！！曾經以為唔會放得低前度, 點知遇到現任之後, 已經完全無諗過前度既所有野, 真愛可能就係咁神奇♥️, 而我地拍拖第五年, 仲已經結埋婚, 做埋夫妻🥰🫶🏻
所以完全唔洗擔心, 要相信The best is yet to come✨✨✨
咁如果再拍拖拍到30尾又分呢，難道又叫冇市場，不論拍拖或結婚或單身，每個人都要努力提升自己，呢樣先係自己的核心價值，是永遠伴隨自己成長，其他事情不要過分擔憂⋯⋯
識大把人29/30歲甩拖（包括我自己）🤡
最後都嫁到人
至於點識人，咩方法都有，最緊要真係唔好太宅
其實你當關係係一份工咁，冇乜人係打一份工打到退休，有人入錯行到中年再搵過都唔少，有人中途會轉工。 所以我覺得人地話好嘅男仔女仔30歲前俾人mark 晒嚮e 個世代係冇乜可能，而且搵對象唔係條件好就岩，係講雙方適唔適合。
唔好焦慮
真愛好似外星人咁
你可以信 但唔一定會遇到
接受有啲人一世都遇唔到
咁掉番轉諗，點解唔可以係男仔到30分手而係一定有red flag先單身，好奇問🤔