關於Project Hail Mary的翻譯，我覺得戲裡面好多語帶相關/搞笑台詞都好難譯（可惜我睇戲時專注睇劇情，忘記了港版譯者譯咩，有無人記得嘅可以講講🥹🙏🏻（或者其他地方的中譯是怎樣的？）
其中呢一句
"I put a "not” in the astronaut”
一直喺我個腦度，唔知點解每次諗起都想笑🤣
我自己諗咗好耐，如果譯做—>
「我對太空人的知識太空白了」得唔得？
（類似「我的普通話很普通」？）

仲有"Why on earth do we need so many astrophages?"
「我們到底（在地球上）為何需要那麼多噬星體？」—>因為我們是要在外太空用啊
呢個"on earth”可以點譯呢？有沒有港版或其他地方的中譯提供？（內地譯版好似無譯出pun）
（諗緊是不是要為了看台詞翻譯入場再睇多次）

最印象深刻除咗係呢個之外，我最記着嘅就係睇完套戲之後先知個戲名（計劃名）Project Hail Mary點得嚟
字幕譯個女長官話整個計劃可以講得上係孤注一擲（”as your Americans said, it’s a long shot)用孤注一擲去translate 「long shot」係最精警，因為係美式足球世界入面，有一種好常見嘅戰術就係用最大嘅力氣去擲超遠球，呢個戰術嘅名就係Hail Mary。That’s why Grace聽完之後秒get點解個project 名係呢個
如果字幕譯Long Shot做遠射或者係類此「搏一搏單車變摩托」呢啲係令觀眾唔明點解Grâce秒get，但係孤注一擲就容易得多，中曬long shot+Hail Mary兩個意思（前提係觀眾有留意美式足球）

港版和內地版都沒有譯出這句，有點可惜（不過真係好難）我記得好似見過threads上 @lots_in_translation 譯做「要靠聖母打救」，就有齊Mary同美式足球裡孤注一擲嘅意思。（「搏一搏單車變摩托」好似比較常見於內地？）

都啱。所以段對話應該係
「As your American said, a long shot」
（就好似你哋美國人咁講，要孤注一擲）
「Hail Mary」
（呼喊聖母打救）

“I put the not in astronaut!”
「太空是太有空的人才會去！」
我也忘記了字幕是甚麼，但我腦海裡的翻譯大概是這樣😆

Pun真的好難翻譯，但亦好好玩🤣你的這個也很棒！

真！啲Pun好正🤣
佢個香港字幕本身都譯得很流暢本土，之後如果有時間二刷會再留意下細節！

香港字幕有時會融入少少粵語口語，特別喺有啲搞笑/輕鬆的戲裡會特別多，好有趣。例如我記得開頭Grace問Carl買嘢做實驗“do we have event expenses?”（唔係好記得句英文原句用咩字，大概意思），港譯「可否入公數」就好smooth好日常，而內地譯「我們有沒有活動經費」就好似有啲文縐縐。

臺灣的翻譯是：「我們有經費嗎？」