陳曉東相隔26年再與Wyman合作
笑指新歌廣東話版暗藏粗口諧音
到紅隧口與個唱海報打卡甚興奮：「正唔正啊？」
陳曉東噚日去咗電台宣傳佢6月舉行嘅紅館騷，同埋近日出嘅新歌《致我們消失的超能力》！東東講到同Wyman黃偉文相隔26年再合作經過，佢透露今次邀請Wyman為新歌填詞，過程係充滿戲劇性：「我喺台灣跨年嘅時候send訊息畀Wyman，好想邀請佢。但嗰時佢可能未返嚟，佢有一個App嘅訊息唔係經常睇到，到佢返嚟嘅時候就同我講『哎呀，真係唔好意思，依家先睇到你個訊息。其實咁多年，阿東，我好想有機會，好想用心幫你寫一首』，所以2026年我哋把握機會一齊合作。」
東東亦分享錄音時嘅小插曲，佢透露新歌廣東話版歌詞中有一粒音聽起上嚟同粗口好似：「有一個字，我哋喺黑膠碟度調整咗，調整返另外一個音。」佢笑言：「因為好似爆粗咁，依家派台版本我唔知有冇攞錯，總之呢個音，我喺黑膠碟裡面有調整。」
而東東日前就去到貼上個唱大海報嘅紅磡隧道口打卡，只見佢相當興奮，又話：「正唔正啊？行過都見到QR Code，快啲嚟支持我！」
笑指新歌廣東話版暗藏粗口諧音
到紅隧口與個唱海報打卡甚興奮：「正唔正啊？」
陳曉東噚日去咗電台宣傳佢6月舉行嘅紅館騷，同埋近日出嘅新歌《致我們消失的超能力》！東東講到同Wyman黃偉文相隔26年再合作經過，佢透露今次邀請Wyman為新歌填詞，過程係充滿戲劇性：「我喺台灣跨年嘅時候send訊息畀Wyman，好想邀請佢。但嗰時佢可能未返嚟，佢有一個App嘅訊息唔係經常睇到，到佢返嚟嘅時候就同我講『哎呀，真係唔好意思，依家先睇到你個訊息。其實咁多年，阿東，我好想有機會，好想用心幫你寫一首』，所以2026年我哋把握機會一齊合作。」
東東亦分享錄音時嘅小插曲，佢透露新歌廣東話版歌詞中有一粒音聽起上嚟同粗口好似：「有一個字，我哋喺黑膠碟度調整咗，調整返另外一個音。」佢笑言：「因為好似爆粗咁，依家派台版本我唔知有冇攞錯，總之呢個音，我喺黑膠碟裡面有調整。」
而東東日前就去到貼上個唱大海報嘅紅磡隧道口打卡，只見佢相當興奮，又話：「正唔正啊？行過都見到QR Code，快啲嚟支持我！」