📌 隔離 Team 個阿
共 46 條紀錄
隔離 Team 個阿姐 Last day，派咗每人一盒 Godiva。今日到我條 Team 個𡃁妹走，佢每人派咗一張手寫感謝卡加一粒獨立包裝嘅陳皮梅。結果成個 office 啲人喺背後笑佢『寒酸、公屋妹』。其實散水餅幾時變咗財力展示大會？派平嘢就要被人批鬥？香港職場文化真係好痴線。
小弟我從來都無買過散水餅！平時相處好、有合作關係的，親手寫張感謝卡。
與其臨走都要做埋晒啲吃力不討好嘅門面嘢，不如大家平時相處互相幫助、對人友善啲、做好自己本份，日後江湖再見對自己都好好多。
有幾多人會食咗件貴價餅會當你神咁拜吖？！一離職，啲人都唔記得你個名喇！除非你好乞人憎啦！
𨳒啲仆街同事咁𨶙閪，但你係 AI 文？ 點解會講人公屋妹？？？
如果有得揀一定揀手寫感謝卡！！！！
咁先至代表有人情，唔一定會保留好好，但肯定唔會掉
等等，你有份笑人哋？ 你有無份幫個𡃁妹口？ 如果你保持唔發聲，就係無聲支持 Godiva 嘅一員，咁你唔使上嚟問點解喇，你懂的
反而我想問一問：係唔係要個靚妹去五星級酒店，買打西餅做散水餅派俾大家，先至叫做識做人情世故？人哋都係打工炸！
其實背後笑鳩人哋寒酸嗰吓，麻煩睇睇吓自己嘅銀包，自己銀行戶口，卡數，每個月供樓所有數目嘅時候，自己個心會唔會透心涼？😊😊😊
N年前買咗打蛋撻翻去，臨收工聽到某兩個同事系隔離房講（大大聲，好明顯系專登講比我聽），話我買啲撻冇人食，買咁多浪費，我心諗我理得你食唔食，表面嘢做左就算，反正以後冇乜機會見
佢哋lunch仲想棍我一餐飯，其中一個仲對住我笑笑口話今日食貴少少，好彩我扮聽唔明
其實到底由幾時開始興起呢個散水餅文化。我呀媽個年代都唔興。最多請走果個人食餐飯。幾時先可以冇左呢個百害而無一利既傳統。你係鐘意啲同事既，自然會派/請食飯。你係唔鍾意既，派完你都唔會鍾意左。反而唔派/派唔好就多一個原因唔鍾意個同事。
我喜歡張手寫卡！
我以前都會咁做！
但做人做得耐，發現呢的野無乜人在乎！
而且，對方不一定覺得好。
所以，我現在會用對方喜歡既野來回應對方。。。。（我公司同事全部都喜歡飲廢水，如果我走時，比機會佢地每人叫1杯廢水囉！）☕😌
上一間公司啲八婆食我買嘅散水餅，喺pantry 見倒面一句野都冇同我講，連茶水間阿姐當面叫佢哋同我講多謝，都係唔肯講，場面好尷尬，雖然我冇expect 過佢地會講啲咩，不過我覺得，既然咁唔鐘意我，就有骨氣d, 唔好食我啲嘢嘛
曾經見過有老細唔鍾意個同事
嫌佢做野唔掂
迫到個同事自己resign
最後個同事resign派東海堂好靚嗰啲西餅
個老細仲要食埋一份
做人真係好核突
你同事很表面，不可深交；
相反，這妹妹仔卻可建立友誼，因為願意花時間手寫感謝咭，證明她對任何人都很真誠。
所以我寧收她的感謝咭，永遠和她做朋友，而你其他同事就吃飯也在算計，無謂浪漫時間建立關係。
如果我唔做乜都唔會派，講聲拜拜頭也不回啦！其實好似藍領咁咪好囉，好多唔做剩係同老細講，唔會同其他人交代！唔明白領點解搞咁多屎忽花！（我返一份寫字樓一份炒散酒店侍應，都覺得寫字樓啲人好L麻煩）
手寫感謝卡 > Godiva
Godiva其實批量買好平，但手寫卡真係物輕情義重
Btw 當年我第一份工last day, 買咗啲餅返去派，有幾件係貴啲靚啲既，用嚟俾啲嗰陣對我好衰既同事/隔離team啲老細，啲熟嘅反而唔會理你份餅貴唔貴
散水餅文化令人心寒，阿茂阿壽都要請佢食，仲要在背後講是非。香港真係淪落到咁嘅地步，應該係有某啲人諗出嚟，想不用畀錢做 Farewell就要離職人派散水餅，唔通個個走嘅人都係好好境咩！
我返咁多份工，只係做過兩次散水餅。 第一次係第一份工之後第二次係一份做咗好多年嘅工。 講真返工係為咗份糧唔係為咗討好人哋，所以我唔會每次離職都送散水餅。真心好朋友嚟咗職都會再聯絡
妹妹諗到每人寫張感謝卡，咁文青路線，送陳皮梅應該有啲特別意思，始終唔係佢地呢代會食會買嘅野。有機會問問佢。
至於果啲睇份野價錢去當價值嘅人，就唔值得理，靜待佢走時送啲咩比大家。
𡃁妹識做，自己唔係係亞姐，論年紀論資歷論地位都無得同亞姐比，點敢人派Godiva，佢又派Godiva，佢低調派陳皮梅加一張手寫卡，不知幾有禮兼謙虛，係你班同事唔識嘢，眼光短淺、心胸狹窄。
個妹妹走得好
佢幾多錢人工呀？要拎去同阿姐比較？係呢個人人都打字嘅年代，手寫卡好有誠意
笑佢個班人記得到自己走時，成間公司由茶水姐姐到CEO都要一人一盒Godiva，唔係俾人笑架🙃
如果我諗我話我走的話，我會講聲我乜都唔買，唔會買什麼什麼散水，好感情嘅第日再約出嚟食飯，其他嗰啲唔見就算，我已經唔做仲要洗一筆錢。呢啲噉嘅文化都唔知邊個搞出嚟🙄🙄
有派嘢又嘈 冇派嘢有嘈 點解一定要派俾人？又未必會再見嘅 响條街度見到最多咪打個招呼囉 人哋一番心意 唔想要或者覺得寒酸其實可以唔要 或者多謝唔使客氣 無謂响背後唱人
呢d人永遠都唔會派散水餅😂 除非公司炒佢。
我都見過有人取笑嚟見工個人嘅外貌身形談套，可以覺得唔適合咪唔請，唔洗完咗仲笑9人，人地都好努力做好個interview，唔Pro 又無品。
我覺得𡃁妹走得好架，講真散水餅係門面野，夠有人唔派添，感謝卡先難得，笑得佢個啲人為人都係差架喇
職場上小人可以開斗數盤睇到，有象就要小心講野了，祝佢前程錦繡❤️
十幾年前，有個出嚟做嘢無耐嘅男同事派散出餅，佢拎咗盒凱施餅店嘅西餅番嚟派，其他同事喺背後笑佢孤寒。其實人哋有心請你食咪算好囉，都係由一間正常嘅餅店買番嚟啫。😑
手寫咪仲有誠意
聽你Office班友背後恥笑人嗰語氣
就算嗰𡃁妹派得Godiva
班濕鳩同事一樣可以笑佢尼個基層位派好嘢配得起佢身份乜？
踐踏人哋一番心意
間Office嘅同事只配食狗糧
手寫感謝咭好有誠意👍
一來人哋妹妹無呀姐咁多錢，二來就算有，都唔係一定貴就好。心意比較重要。
不過我認為，散水餅真係無必要。特別係做得唔耐嘅公司
個妹妹都好有心！而家有幾多人咁有誠意手寫卡？
送乜就拎嚟比較？有心就好，同埋人地唔做，掉番轉應該其他人請走嘅人食嘢就差唔多！
笑人者心地都唔荒好！
咁認真做咩！8婆講人是非從來都刻薄，人走茶涼，講2句是非都係佢哋減壓嘅一種行為，由佢啦！如果我收到張感謝卡，不知幾正，呢D肯用心嘅事，絕種㗎喇！
以前都會派
宜家無左初心 唔想派 費事諗
其實唔係好多人食 因為差不多
每個月都會有人派散水餅
來來去去都係蛋糕
都係嗰個牌子嗰幾款
食都食到悶啦
好欣賞佢有手寫卡 好難得 以前有唔熟嘅同事last day都寫過一張俾我 一直默默記到宜家🥹所謂散水餅其實最重要都係心意 豐儉由人 有同冇又可必真係咁計較
就算係公司工作咗一段時間, 都唔係個個都係friend, 唔係咁想派俾啲之前對你唔好又俾鑊你孭啲同事, 都係唔好派好啲。friend 個啲同事第日揾機會再約食飯。
我有一份工，老細退休散水，每人派左一盒一681 g藍罐曲奇。自此之後我派散水餅第一時間諗藍罐，尤其是同中醫藥相關密切嘅。
自己做都做過一次。
派咩刀比人講。。貴野又比人話，cheap野又比人吋!。。算吧喇! 同幾個啱傾嘅同事食餐farewell 飯咪得囉😂，人走茶涼。。轉頭刀吾記得你邊位啦。
你D同事好很cheap. Godiva又係D咩巴閉嘢咁都要小心眼。妹妹經濟未必好好都有禮貌送小禮物給同事，阿妹走得啱，哩班人咁口賤都未必有咩好前途
Yeah, godvia 其實好cheap。美國喺Target 都可以隨便買，唔駛$20美金一大盒。證明樓主班同事先係窮鬼。
送上手寫卡係好高層次嘅心意，我收到係好開心👍🏼
取笑人家境係好低等嘅行為，係好無class，有時要諗下，自己憑咩要人地送貴嘢俾你食？
陳皮梅幾好jep
其實送咩都總有人唔中意
都唔撈啦 都唔會在意人講咩
仲洗錢係班舊同事到咩
可能就係知啲同事咩料 先送啲梅比佢地
其實以前我做嘢嘅公司走嘅人唔會派散水餅，反而係同事們請離職嘅人食飯。
唔知幾時開始散水餅變咗大熱，仲要買特色散水餅先得
陳皮梅都比多你班同事，送山楂餅就啱，送藥食
(Btw 手寫thank you card is so sweet and warm! 希望小妹妹下一份工唔好遇上d 濕9小氣同事)
無論點都好，記得保持善良，
唔好變成批鬥人嗰個，
真係有因果架。
我以前就被人職場批鬥過，
結果批鬥我嗰個人下場幾慘烈
走人咪走人囉，仲要大張旗鼓送餅送糖？與其做呢d門面功夫，不如慳返啲錢，請幫助過自己的同事食餐飯，飲杯嘢，好好道謝
你地office啲人係垃圾又無品！
1. 財力唔同
2. 一人一張手寫卡知唔知要幾多時間成本同心力
希望阿妹之後份新工啲人都好好！
臨走我派鮮奶撻 祝你班人日日「奶撻」🤣🤣而且我係分次序既
Friend既揀先
黑人憎既打開個盒得一件冇得揀
一係唔好食
都走啦，派乜鬼嘢。
如果是好同事就出來食餐飯表示感謝就OK，其他冇乜關係，又或者成日跣你嗰啲就不用派嘢啦。
衰啲講，派就人情，唔派就道理，阿姐同阿妹都派，阿妹仲要加多張手寫卡，已經好warm，咁都話人哋寒酸，有冇咁PK？
🤭🤭笑囉
第二時轉工人地變你上司
你仲要睇人面色
人哋都唔做啦
仲要人哋當你大帝咩？
打工咋
要貼錢返工咩？
散水餅唔係用黎證明有無錢 係證明有無收餅果d人 無收到就唔係人🙂 我派散水餅 揀人派 無收就知自己咩料 Ok? 👌🏻