📌 隔離 Team 個阿
共 51 條紀錄
隔離 Team 個阿姐 Last day，派咗每人一盒 Godiva。今日到我條 Team 個𡃁妹走，佢每人派咗一張手寫感謝卡加一粒獨立包裝嘅陳皮梅。結果成個 office 啲人喺背後笑佢『寒酸、公屋妹』。其實散水餅幾時變咗財力展示大會？派平嘢就要被人批鬥？香港職場文化真係好痴線。
笑人嗰幾個，根本連接受一督屎嘅資格都冇。同事呢家野，擰轉頭行咗出公司，連佢係乜水都唔記得呀。
阿姐同𡃁妹比？咁𡃁妹都派Godiva嗰陣，啲阿姐應該派咩？
因為你哋只值陳皮梅
而且唔會再見，都唔驚你哋講乜
手寫咪仲有誠意
聽你Office班友背後恥笑人嗰語氣
就算嗰𡃁妹派得Godiva
班濕鳩同事一樣可以笑佢尼個基層位派好嘢配得起佢身份乜？
踐踏人哋一番心意
間Office嘅同事只配食狗糧
N年前買咗打蛋撻翻去，臨收工聽到某兩個同事系隔離房講（大大聲，好明顯系專登講比我聽），話我買啲撻冇人食，買咁多浪費，我心諗我理得你食唔食，表面嘢做左就算，反正以後冇乜機會見
佢哋lunch仲想棍我一餐飯，其中一個仲對住我笑笑口話今日食貴少少，好彩我扮聽唔明
臨走我派鮮奶撻 祝你班人日日「奶撻」🤣🤣而且我係分次序既
Friend既揀先
黑人憎既打開個盒得一件冇得揀
一係唔好食
上一間公司啲八婆食我買嘅散水餅，喺pantry 見倒面一句野都冇同我講，連茶水間阿姐當面叫佢哋同我講多謝，都係唔肯講，場面好尷尬，雖然我冇expect 過佢地會講啲咩，不過我覺得，既然咁唔鐘意我，就有骨氣d, 唔好食我啲嘢嘛
陳皮梅都比多你班同事，送山楂餅就啱，送藥食
(Btw 手寫thank you card is so sweet and warm! 希望小妹妹下一份工唔好遇上d 濕9小氣同事)
其實幾時開始遲職要派散水餅，我不留都唔派，都唔會再見，做乜仲要派俾你😪
好似得香港有呢個文化，新加坡走嗰日啲同事會夾錢俾走嗰個賀佢😅
個𡃁妹走得啱 唔駛再對住呢班on9同事
希望派散水餅呢啲on9傳統文化早日消失🙏🏼
職場就只是職場，離職時我唔會派什麼散水餅之類嘅嘢，走人就走人，平時啱頃嘅講聲Goodbye 就是了。
就算係公司工作咗一段時間, 都唔係個個都係friend, 唔係咁想派俾啲之前對你唔好又俾鑊你孭啲同事, 都係唔好派好啲。friend 個啲同事第日揾機會再約食飯。
其實點解要散水餅
我係美國返工， last day 係老細請我食野
借樓問，有邊度嘅散水餅平得黎又見得人，適合送俾依啲賤格同事
*一定要平，班賤人唔值得我洗咁多錢係佢地度*
𡃁妹識做，自己唔係係亞姐，論年紀論資歷論地位都無得同亞姐比，點敢人派Godiva，佢又派Godiva，佢低調派陳皮梅加一張手寫卡，不知幾有禮兼謙虛，係你班同事唔識嘢，眼光短淺、心胸狹窄。
手寫感謝卡好有溫度🥹好有誠意
用咗好多時間同埋心機😘😘😘
啲同事閪 一條毛都唔會派，做好份內事 準時收工走人，再見都唔會講聲，一出公司門口即退WhatsApp 群組！
妹妹好無辜喎，其實寫感謝咭呢D心意已經好好，背後講人嗰D正仆街。
我離職散水餅係批&撻，每人一個鮮奶芝士撻，連老細都出埋嚟一人一個齊齊食，走嗰日都幾開心。散水餅係心意，如果你喺公司乞人憎，買幾貴都冇用。有同事last day自製曲奇餅，我覺得好warm
以前係公司嘅老闆、上司或同事會請離職者食飯，唔知幾時開始變成離職者要派各位coworkers 所謂嘅散水餅。唔明🤔
個妹妹走得好
佢幾多錢人工呀？要拎去同阿姐比較？係呢個人人都打字嘅年代，手寫卡好有誠意
笑佢個班人記得到自己走時，成間公司由茶水姐姐到CEO都要一人一盒Godiva，唔係俾人笑架🙃
散水餅文化令人心寒，阿茂阿壽都要請佢食，仲要在背後講是非。香港真係淪落到咁嘅地步，應該係有某啲人諗出嚟，想不用畀錢做 Farewell就要離職人派散水餅，唔通個個走嘅人都係好好境咩！