集思廣益， 可以點部署？


朋友喺呢間公司做左十年，今年已喺現時部門做左8年
呢7年都無事發現，近年做appraisal 都會有bonus獎勵
但， 自從上年轉咗一個新嘅女人上司之後，呢個女人唔鍾意我朋友，下下針對佢，屈佢做錯，真錯嘅又會小事化大，又會拍佢枱，其他同事都睇在眼內，但係當然唔敢出聲。

朋友當然有反抗，做咗咁多年第一次反抗，i.e. 會拒絕佢無理嘅要求，佢過分亦會話返佢！

於是呢個女人做好多小動作，向Management投訴，Management因此有搵我朋友「傾偈」， 但呢個Management明就係請呢個女人返嚟嘅人，佢所謂嘅「 傾偈」只不過係不斷怪責我朋友，佢話我朋友做咗10年都平易近人，而呢個女人係上司我朋友唔應該反抗，應該要尊重佢、要忍佢、聽佢點。

我覺得既然佢都識講我朋友10年都平易近人，但係點解忽然間會變成咁呢？咁唔通係我朋友問題？ 聽到都火滾😤

咁我朋友最後就決定避開同佢接觸除工作以外，所以大家冇再咁激烈，算係平靜地渡過咗年尾。

（comment 再 續）

可唔可以PM講?

sure ,added.

ig PM you : )

而我朋友公司啱啱三月先做Appraisal, 個評分竟然係去到最低，話每樣嘢都唔合格，仲要話要俾HR觀察， 真係聽到火都嚟！ 完全唔make sense！一聽落去都知咩事！ 做咗咁多年都冇事，呢個女人一嚟到可以差到咁嘅地步？ ？

簡直係侮辱，同埋根本係想我朋友遞信走！
我朋友一直忍都只係因為想安安定定就算數，但而家去到呢個地步實在太羞辱，我哋都覺得佢走之前應該要「做返啲嘢」！

同埋我朋友真係因為呢件事情緒病發作，要去睇醫生醫生，醫生見到我朋友情況唔理想，直程即刻寫咗幾張轉介信 想我朋友即日就去睇精精神跟進。

而家佢暫時有呢張轉介信喺手。

兩個人想咁樣想整走一個小職員，根本係大石砸死蟹， 好想問有冇人有經驗可以教下路？

拎住張精神科轉介信，向HR投訴上司欺凌吧！備咗案先，等佢唔敢炒人。

根據《殘疾歧視條例》，僱主若僅因員工患病而解僱，且員工仍能履行工作固有要求，即屬違法。員工可向平機會投訴或循法律途徑索償。

若HR無視欺凌，可涉嫌違反《職業安全及健康條例》。應盡快整理證據（電郵、錄音、醫療證明），向勞工處「職安健」部門舉報。

間公司唔會用病炒人，會用performance嚟做理由，咁佢就無犯法

我係你朋友學網友教路去睇精神科拎醫生紙，再畀hr，然後再係email講晒個新嚟女上司過往所有行為爆大鑊send，晒畀冚世界所有人知，搞大件事佢。

冇謂為左d衰人冇左健康
我當年係職場欺凌裸辭同睇左好耐精神科，當時仲影響埋身體成日都唔舒服，轉左正常職場就自動好番曬。 不過宜家時勢搵工唔易，一係拎long sick leave 一邊搵新工，搵到就走

我相信佢做得呢個位，表達能力同埋有咁上下嘅經驗佢係好大可能做死你朋友份appraisal ，我覺得你朋友比較難反抗，始終佢係你上司佢寫成點都得d野好主觀，除非你可以搵得出佢講嘅嘢好唔合理。
我亦都好想知其他網友有冇啲高深嘅招數可以對付呢啲咁嘅衰上司？🤔

有啲新上司，公司請返來就係做醜人，去炒高人工的人。

你看下勞工處/勞工法例 幫手。
也可以消極 / 抽離心情工作，再找工。因你有多年工作的優良紀錄，你再見工是有證據證明自己。

唔好理太多現有上司。
頂得到就唔好辭職，**但萬事自己健康為上**

萬大事都係上搵工網先

唔知你朋友做咩位
但姑勿論乜嘢都好，有啲公司就係咁仆街
我後生嗰陣都試過好地地，無端端俾個八婆係咁針對
嗰陣細個唔識，真係日日都喊
最後俾人哋迫走咗
不過之後
搵咗第二份工，一做就做咗好多年