📌 雖然咁講，可能得罪好
共 63 條紀錄
雖然咁講，可能得罪好多人，但有時覺得張國榮，梅艷芳，黃家駒雖然好早就去咗另一個地方，但起碼可以係我心中一世嘅偶像，我嘅回憶只有他們最光輝最燦爛嘅表演！
明嘅就會明我講乜。
我都幾認同Dark Knight入面既一句
“You either die a hero, or live long enough to see yourself become the villain”
要一直保持清白唔容易
我成日同friend講，好彩哥哥走得早，如果唔係變咗而家個譚詠麟咁樣我會仲唔開心
唔想見到張國榮喺小紅書帶貨，梅艷芳上乘風破浪的姐姐，家駒玩獎門人
家駒實唔會，佢講過最憎上節目拋頭露面，以前係為左樂隊發展冇辦法
應該有不少人都係咁諗，望住當日支援六四嘅藝人現在的賣相。好難不想像Leslie、Anita、家驅等人仍在生會怎樣。
倒返轉如果係譚詠麟香先，佢都可能成為左有骨氣嘅人🙃
黃霑就係一個好經典嘅例子。追求自由但始終擺脫唔到大中華情花毒。
N年前喺香討睇過一個post：「有邊個名人如果一早死咗就已經成為傳奇，但因為未死而變咗過街老鼠」個post 好多人講成龍同譚詠麟
今時今日大環境哥哥情緒未必適應到。。哥哥曾經表達過唔會為搵食而做d 刻意奉迎討好大國果d野。。跌入凡間的天使。。無論我追幾多粒星。。哥哥永遠係我 No. 1
我其實唔想講出嚟。張國榮啲碟係2003年4月1號之前其實係冇人買嘅。10蚊一張處理，果陣我屋企做VCD生意
家駒就算仲在生，以佢嘅斗士性格，就算選擇隱退幕後，應該都會活躍在社交平台😆😆
香港已死，將一個心智未成熟，跳舞似鬼上身，唱歌五音不全嘅人推到上去做頂流
所以明哥真係好值得尊敬，無論係做人方面同埋做音樂方面，到而家做音樂都係會推陳出新
假如成龍在拍警察故事，一組跳樓動作時死咗，你估現在會唔會變咗傳奇？
幾年前我都有咁諗過，不過我後尾諗通左。成蟲，咸校長同153變得咁盡係因為佢地由後生開始就衰咸濕，而且貪圖名利，參考下十一哥就知咸濕佬幾易比人捉痛腳，但梅姐哥哥家駒都吾係衰咸濕既人，而且佢地最當紅既時候都已經有少少吾想再玩娛樂圈既傾向，佢地係而家呢個時代最多都係神隱，可能係外國間中比人認到先映下合照。
梅姐其實很愛國, 當年北京搞奧運爭輸左, 佢都插班鬼佬睇唔起中國人,
以上你講果講歌手, 如經歷2019年, 可能真係同譚伯一陣線,
哥哥想放棄內地市場??? 我諗佢可能唔敢啦
但佢唔係盲目，佢有風骨，仲有，黃雀行動佢有份出錢出力
So? 樓主講果堆 歌手, 係內地人氣及知名度係極極極高
2019年歸黃, 9成內地粉絲會無左
好在 現還有 林憶蓮 黎明…覺得佢哋好OK
唱歌表演仲係好好睇😍👍
其實黎明就係一個好證明，親大陸唔係錯，做既野先係最大問題
我都有諗過 如果今時今日佢哋仲喺度 都已經60幾70歲 會唔會破壞佢哋喺大眾心入面個形象 好似今日嘅倫伯咁樣 gen z 應該好難想像佢當年點解會同張國榮爭一日之長短 所以講得衰D而家佢哋喺大眾心入面都係停留喺永遠年輕頂峰時期
你見而家好多未死嘅神枱級
畀人日日鬧：“唱功不外如是、”老咗唔夠氣”等等，就知啦
都係最光輝嘅時候斷氣，最美麗
(我唔係話佢哋死得好，但同樓主一樣明嘅就明啦)
周公恐懼流言日
王莽謙恭未篡時
向使當初身便死
一生真偽復誰知
家駒就真係好擔心佢活到現在，咁多年仲會唔會守得住心中信念，定係似家強咁，賣港求榮呢？
梅姐就好有信心，佢唔會企係權力果邊，亦唔會係似果個氮垃圾，一身桃色問題。
在最風光時離開，才能使人永遠懷念。否則，看譚校長就是一個好例子。
唔係好敢講出口，或者用嘅例子唔正確：
有一班人變晒立場，例如葡國女人、153、前丁力嫂等；
唔擔保你提及呢幾位如果仲在生會唔會變，但係佢地最美好嘅一面就真係留左係我地心入面，哥哥嘅一生，就正正係香港最美好嘅時代
張國榮fans 在此，和你有一樣想法。 u are not alone
ps. 我都好鍾意家駒
我反而唔擔心，哥哥，梅姐，合作開個D人同而家個班老而不完全唔係同路人，家駒就唔敢講（或者家駒在世係beyond 既領袖，而未必變改變）
其實我同意，只係大家好避忌唔敢講唔敢諗、加上香港人超級enjoy郁啲唔跟大方向就＂圍＂人…
大家幻想下你叫張國榮陳百強呢啲咁貪靚咁顧形象嘅藝人點面對五十／六十／七十歲嘅自己？
咁你參考下, 胡楓 謝賢 鄭少秋 , 或者四大天王依家既樣, 其實哥哥 danny 都唔係大過四大天王好多好多歲
呢啲就係fans嘅一廂情願… 只接受及幻想較美好嘅一面。
人性好難講，當初153 肥媽 譚伯甚至689都覺得64唔岩，而家奶中奶到雪雪聲，果然係人民幣既味道...
他們已是legend，是永遠的明星，反觀同期領盡風騷的校長？今日已逃不過歲月貴為腰封都難掩大肚腩的麟伯了，所以，這些明星離開我們時無疑是痛得可以，但隨著時間的流逝，原來他們並沒有離去，而是用另一方式永恆的活在我們心中而已，而且永遠都那麼年輕美麗，最終他們是贏了！
在佢哋人生及香港最光輝嘅時間離開 。都係好過見到而家個世界咁樣
哥哥有講過想二次移民去英國，佢同陳百強面唔面對到七老八十嘅自己係一回事，最難過應該係我唔想見到瞓身拍電影嘅哥哥一步步見證香港電影嘅衰落但又做唔到啲咩🥲
佢當年就已經試過Pitch劇本Pitch到好多遙言，而且又因為要侵大陸人玩而拍唔到自己真正想拍嘅嘢
最近聽返beyond演唱會
家駒係唱光輝歲月果陣話希望之後會係一個更自由，更開放嘅地方唱，當時係1993年
不期然係度諗，如果家駒可以活到今日，唔知佢會點諗
他們如果還在世
我覺得阿梅不會喜歡現在的演藝型態
老一派港星 自有風骨
如果佢地未死，一係要封嘴，好似阿梅咁大情大性嘅，分分金鐘招來牢獄之災
如果30年前Alan Tam 死鸠咗我们会怀念他吗？