雖然我覺得呢個account應該只係人設，不過見到唔少做手工啤嘅行家入去留言。
我反而產生咗個疑問，當初其實係乜野驅使佢地入行？個個講到手工啤好難做無得做，係愛定係責任？
好多香港本地品牌都係由2013-2018左右起家，當時「手工啤」唔係咁多人識，宜對品質嘅要求都唔高，所以好多品牌都係由呢個時間開始，岩岩開始嘅時候由於唔太多人認識，都好樂意試一次，但有部分因為當時品質問題就怕左。
到2019之後，Covid 過後大家嘅習慣都唔同左，手工啤大家都知、飲過，但未必會再叫，另外宜家少左人飲酒同 RTD 飲品嘅出現都令啤酒行業難做左，個趨勢唔單單係香港手工啤、大酒廠以至世界各地啤酒嘅 consumption 都係跌緊。
認真純粹為愛多，入得呢行當初都係鍾意啤酒去到想了解多啲，甚至落手落腳做埋生產係開心。
現實係開間酒廠前期成本咁高，加埋租金人工開得間廠都有返啲財力同搵到人投資。呢幾年見唔少執就執，行家轉行都唔少。
再講今時今日香港有幾多間廠剩？更加唔好話開新廠同搵新人入行。仲做緊嘅都搵緊自己方式生存落去，出口又好，同大公司合作又好，專搞event 同餐廳等等的確係唔易做。
好多係為愛
真係想同多啲人分享自己鍾意嘅嘢
呢行冇人係衝住賺大錢撞入嚟
覺得有得做想投機賺錢嘅都執得八八九九
好似我喺佢個post都有講，大公司咁多資源，想食埋呢忽都係損手離場多
當然都有人唔係愛到咁偏執，純粹係入咗嚟走唔到
例如小弟😆😆
真係愛為主，其次係想試下打破香港人對啤酒嘅形象。
就如我嘅留言，好多香港人唔識分啤酒，一般大排檔見到嘅啤酒只係啤酒世界內的其中一個種類，但香港人就已經被教育到係啤酒世界嘅全部，佢哋以外嘅就一律叫「手工啤酒」。
但事實係，英國，德國，比利時呢啲有幾百至一千年啤酒文化嘅國家，佢哋嘅啤酒種類加埋有N種，但佢哋唔會claim自己係「手工啤酒」，因為呢啲都係佢哋文化嘅一部分。
我自己唔係行內人，但係屬早期活躍飲家，自問睇住香港craftbeer嘅發展。確實要令一班早就被大廠教育到啤酒要夠凍，夠爽口，大啖飲，用嚟劈嘅香港人重新認識啤酒真係好難。
但我自己好簡單，起碼要知道自己飲緊乜，要有認知能力去選擇，當一隻百幾年歷史嘅啤酒都俾人講成「呢隻啤酒嚟㗎？」其實聽到都幾無力….
雖然有啲離題，不過多謝有機會俾我分享下。
我呢啲飲咗一定年頭嘅人，都仲要去學「咩叫Ale」「咩叫Lager 」，大家香港人知自己咩料啦，有幾多心機學呢啲嘢呢？
飲咗手工啤近廿年 去過第一屆beertopia 當年氣氛真係好好
手工啤本來就係小眾嘢 如其話係式微 倒不如話係回復常態 歐美大廠好似Rouge anchor brewdog都做唔住 goose island十幾年前被收購後先發大黎做
手工啤本質就係貴 一貴就少人買 飲嘅人又來來去去都係同一班人 新血唔多 除非所有品牌共享兩三間廠嘅資源 唔係就點都做唔到
事後孔明個個都識 叫佢地落場做可能都係一樣結果😆
有時做一件事可以單純係愛，單純係一D好on9嘅想法
香港人好似好難明白搞咁大壇野出黎然後只係賺生活費係個咩感覺
其實係仲有某個好實際嘅原因，但係呢樣嘢明講出嚟就真係倒人米，當年大企業都要走去拎啲錢投資落市場就係呢個原因，大家講到底都係再搵另一塊餅去分贓，萬一佢真係得呢？如果你老細一開始係抱住打定輸數嘅心態做老細，咁佢而家就唔會係你老細啦
你見啲人拎埋紅白烈酒黎講就知佢地有幾理解個 market
文青既野唔好用市場價值諗;
最近樓下附近有間長期空鋪開左間cafe , lunch set ～ $100
都係 普通西餐
最緊要個老闆開心就得，可以對住鏡頭大講人生閱歷，係鋪頭再影下靚相就夠。
至於錢既問題，關我地外人叉事
因為當時消費能力高啲可以發展中產市場，至於好多間公司都係第一年做得最好然後就退步，Lovecraft 都係無可避免