📌 雪季剛剛完，就開始見
共 32 條紀錄
雪季剛剛完，就開始見到啲潛水post...
但其實我一路都諗唔明
點解要自己買BCD
(好多post都喺度討論緊買BCD)
我覺得簡直係攞苦嚟辛之最
潛水gear又唔會影響技術
買貼身嘢例如fin goggle就得啦 right？
你可能會話驚個咬咀污糟
但你都喺水底屙屎屙尿㗎啦
隻船都污糟㗎啦
真心唔明喎
我之前都同你一樣，覺得租 BCD 就夠，點解要自己買？
之後愈潛愈上癮，發覺租嘅錢長遠夠買成套裝備就開始入手個人裝備。用完又真喺有唔同感受🤔
1. 舒適度同 fit 身
租嚟嘅 BCD 多數係可調款式，預咩身形都著到，但有時著到唔代表fit你。我當年買咗背飛後，第一次用調到最Fit身，會發覺貼身所有動作都好似輕鬆咗，trim 都會做得好咗。潛得舒服咗，更享受喺海底世界到漫遊🤗。
2. 熟悉裝備更安全
以前學潛水嘅時候，教練會話要熟悉自己套裝備，潛水嘅時候會安全啲。萬一有事（例如要快速放氣或搵配件），一秒鐘嘅猶豫都可能有影響。自己嘅 BCD 用得多，合埋眼都知邊度係邊度。
我之前買背飛，啲教練話專業嘅用金屬扣，果陣拎上手真喺好重🫣，呢幾年轉返膠扣，雖然無咁靚，但輕唔少😜。有啲專喺設計預你旅行用嘅BCD都好輕，所以揀岩自己嘅BCD，唔會辛苦之餘仲潛得開心咗。
都喺個人經驗分享啫😂，我啲學生話買裝備，我都建議買貼身野先。一嚟平啲，二嚟衛生啲，就算退坑都唔會心痛。
到真喺會Keep住潛先開始入手BCD、Reg呀果啲😜。我間唔中借下私伙裝備比佢哋玩吓，佢哋玩完覺得有唔同、舒服啲，自然會自己入手😛✌🏻
BCD好多野可以set 唔同款又有分別 自己保養同租gear又有分咁 自己gear可以控制風險
咁你幾好彩，未試過租過潛潛下爆dump valve 嘅BCD …..
用自己嘢永遠係最安全，你落水之前有check gear既習慣就會知租既gear有幾多係壞。唔係邊個想去邊都要拎一堆嘢仲要日日洗。
出邊租嗰啲好多時保養比較差，充放氣有機會有問題，裝拆BC喉唔暢順。
但對於普通人嚟講，自己買Gear 最緊要就係型！
PS: PADI潛水教練，有興趣學潛水可以DM 😄
其實講真。。。如果唔係成日潛的話，租就得啦。
不過要睇下間潛點既gear保養得好唔好。保養得唔好就會變左安全問題。有無年檢？有無洗乾淨？命仔最緊要。海水有鹽粒，洗唔乾淨會塞左啲value，有機會會漏氣或自動入氣。。。所以定期要做maintenance。不過，自己買的話，個清潔既責任就去左你個度。。。所以我都好坦白講，bcd真係唔駛買住😂
如果租既gear size唔啱的話係會對新手嚟講有影響既，即係小朋友著大人衫咁。。。唔合身囉。
第一時間要入手既應該係潛水錶，同埋mask。
潛水錶保你條命。
Apple watch個app會喺水底彈app，可能你少潛，係水底輕機你都幾大鑊，唔知自己去左幾深，點樣計安全停留，仲要上返水先可以reset返，落到40米鎖機。。。結論都係用返傳統潛水錶保命啦。。。
得閒有機會嚟沖繩揾我地潛水呀🤭
潛水gear唔會影響技術？你認真？！
利申：身型偏細小，出面租嘅質素唔好，自己唔擁有一套真係完全攪不L掂，其實gear唔fit身，等同搵命搏
點解係攞苦嚟辛之最？
講掗碇同埋重 fin仲難拎
同埋咬嘴係連你個Reg唔係連你個BCD😂
其實你考咗A仔未？
如果你連錶都未有，又覺得BCD淨係用嚟放氣落水，咁諗法係理解嘅⋯⋯ 玩耐啲你就會發現用熟埋個BCD打氣放氣係舒服過淨靠呼吸調節好多，同埋有時根本都唔可以淨係用呼吸控制
懶，apple watch 裝app用day pass算😂
雪板binding對動作有直接影響，但潛水最核心應該係呼吸控制中性浮力，BCD 放完氣落到水底無乜特別都唔會再打氣放氣，所以我覺得兩者有分別
好既gear確實係可以令潛水過程舒服d不過個人經驗純綷係因為潛得密，租多幾次已經買左套所以先買🤣
Jacket 嘅話買同租分別唔大 但有私伙背飛嘅話你會feel到分別
其實睇你外潛多唔多。我最多1年1次，租咪抵過買囉。但好多人一年潛幾次，自己嘢就方便好多。
我自己除左BCD/REG/燈，其他都齊晒。
有錢有地方咪用私伙，我呢啲窮L甜算。
雖然每次出去潛用自己裝備會好重....我只能夠講租嘅嘢狀態就冇乜保證, 例如租bcd差唔多就一定要用鉛帶, 因為多數個袋都係穿窿, 相對黎講冇咁舒服（私家嘢bcd多數有鉛袋）, 而租嘅regulator多數會有少少漏氣, 同埋大部分應該都係入門級, 一般唔會裝倒個transmitter落去, 咁就淨係靠SPG(租嘅又有可能入咗水唔多準, 同埋冇咗個backup）, 另外租嘢因為次次件bcd唔同, 好多時當其他裝備（例如有啲租嘅bcd浮力大啲, wet suit嘅厚薄等）發生變化, 比較難去準確判定落幾多鉛。總括黎講, 用自己裝備會累積經驗好快可以調整到合適嘅配重同埋攜帶嘅嘢掛咗喺邊攞得就手啲, 唔好計裝備有咩突發情況（自己裝備冇打理都會出事）, 心理上都會安心同輕鬆d。
用自己bcd
可以set到最fit自己身
Trim會做得舒服d好睇d
同埋其他野可以扣到最就手(smb,go pro, 電筒 相機 叮叮棒)
如果本身件bcd唔係最fit身
再扣埋依堆野
會攪到一抽二抽咁
利申：試過用自己同公家bc教班
做demo個陣真係有分別
加上當你每次租bc 50蚊一次
200次已經一萬
咁點解唔買件私伙😂
我都係懶人
下下拎咁多野去旅行
我會揀租
但真係試過一個漏氣嘅
落水前記得check清楚就得
先唔講保養好唔好，用得熟唔熟手嗰D。
出去租嘅9成jacket style。我prefer背飛，自己gear可以按喜好set D ring同weight pocket 。
而且出外潛時見過幾次人地租嘅bcd出問題 (潛潛下會自動inflate要幫佢拆喉，個rear dump一拉成個甩出來 水面等船時要吹多幾個smb比佢攬住，用緊流勾時個膠嘅d ring爆左 差D飛左個人走 搞到一堆人即刻甩勾追番佢落來)
最慘租嗰D大多新手，唔多識應急搞到其他人要急埋佢嗰份…
反正帶得D相機同reg都要寄倉架啦，做乜要比錢租D唔到有無問題嘅bcd啫。
如果單純去玩租野真係無問題 但係如果有心想上埋DM instructor嗰啲 真係有自己野會好啲
當你租野遇過啲保養極差嘅gear之後
你就會知道有自己gear嘅重要性🙂
純粹覺得靚，買套自用
尤其如果你喺香港潛得多，自備裝備每次都慳返幾百，長期用落條數都唔係好貴
同埋自己用慣潛慣，容易調較啲鉛落幾多同埋送咩位
有陣時租嘅bcd可能個袋穿窿、放野落去又gg
🤡🤡自己gear 用起上來會方便啲，始終私家野，用公家野唔熟危急時搵唔到就大獲
買錶優先