📌 預備結婚，想請教下有
共 96 條紀錄
預備結婚，想請教下有無人試過係酒店食buffet當擺酒？
自問無咁多親朋戚友擺到十幾圍
我見langham / Conrad自助餐都係細細間，100個位都無
平時星期六日食酒店嘅dinner buffet 喺klook買都係500-600蚊
其實可唔可以包起成間餐廳一晚 全部自己人食餐好嘅
啲親朋戚友嚟到又唔洗等開席，一入到就可以隨便食，而且食物質素一定好過平時擺酒
不過男朋友覺得好唔proper，例如無得放backdrop影大合照，無位換衫，無reception，無證婚，無得播片咁……
但我自己就唔想搞咁多大龍鳳，只係想大家食得開心
想請教下有無人試過係酒店自助餐當擺酒？
喺新人同賓客嘅角度睇係唔係都覺得好古怪？
我去過朋友嘅wedding lunch buffet，感覺唔錯，唔係包餐廳嘅場，係酒店嘅婚宴部負責，一個ballroom set好晒一圍圍枱，有backdrop，會擺buffet setup，反而buffet感覺仲feel free。
你可以去問下你喜歡嘅酒店嘅宴會部格下價。你有咩要求可以提出，佢哋通常都彈性。
去過馬灣，係buffet形式，但老人家超唔鍾意，因為無牌打，唔鍾意出去攞嘢食，想有人送埋嚟。
作為賓客，我鍾意一圍坐低食，唔使我走來走去，舒服好多。亦都方便同朋友傾偈。
多謝你嘅意見！！但係我啲朋友多數係幾個幾個一個圈子，我就係驚一圍坐埋有啲人唔識會尷尬😂
我喺the Mira （美麗華酒店）擺lunch buffet的，擺左20圍
你上佢個網都可以睇到有3個價位buffet可以揀，果日聽返guest 都幾好feedback，野食好食的！
有生蠔刺身熟食甜品同朱古力噴泉
之前格過其他酒店buffet價覺得性價比最高
至於其他你提既環節我全部都有做，但你預左做得呢啲野，其實啲guest都一定要等開席～
雖則話婚禮係2位新人既事，
但現實是，對長輩黎講佢地都係主角（我嫁女、我娶新抱），
對長輩黎講冇得擺backdrop影相、march in 係爭咁啲野🤣
最緊要係你地2個同埋4大長老有共識,
食飯定擺酒都係想開心🩷
其實首先你要同男朋友夾好大家既方向係咪一致，只要一致，無論有冇人試過自助餐當擺酒，你地都可以照做(雖然都真係見過有既)。要知道呢個係屬於你地既婚禮，最緊要係雙方意見一致而唔係別人點睇呢件事
我男朋友傳統咁擺酒，咁就萬無一失，我自己就傾向唔想擺
所以就想攞個中間點研究可以點簡單啲搞
但係我同佢都未試過參加自助餐形式嘅擺酒，所以就想參考吓大家如果係用自助餐形式係點搞，同埋可唔可行
有既，有啲人都會包個廳齋做少人數既buffet當private event，咁食物質素都會好啲，前題係你男朋友都ok就可以
請教吓private event形式嘅自助餐係唔係同酒店平時餐廳嘅自助餐質素都一樣？謝謝🙏🏼
你可以打去心儀酒店問下佢地各自既收費，private event通常有宴會廳min charge，咁可以問下包啲乜，要問清楚private event會唔會係到會形式，如果係到會就唔好啦，真係會難食😂
亦都有見過包buffet廳，例如60位包場，咁有啲酒店就可以劃一個corner比你地咁，但就唔可以有backdrop攝影師個啲架啦
去過喺沙田食buffet，同平時擺酒差唔多，自己間開十幾圍食，輪流出去拎野食。最好預足夠食物，我嗰次食兩輪就冇晒，我阿媽講足十幾年
嘩！！唔夠食係大忌!!!!!!!!!
我希望大家食得滿意！
試過去過以下既：
1. 一係你包個Ballroom叫佢當自助餐咁serve
2. 一係你照係自助餐度宴客(但酒店未必會俾你包場)
可唔可以分享多啲2.嗰個做法？🙇🏻♀️🙏🏼
會唔會覺得好古怪？有無位置影大合照？
謝謝🙏🏼🙇🏻♀️
梗係無得大合照la你阻住佢其他d客
感覺上甘做好似淨係為左收人情
我都驚會阻住其他食客，見有啲酒店自助餐唔係好大，所以先諗可唔可以包場
人情多少唔好介意，主要想大家食餐好嘅，希望佢哋俾咗人情都食得滿意
可以試吓包晒成間餐廳😊呢個場地有室內又有室外，而且又有維港海景可以影相😊
27年前我結婚喺銅鑼灣香港警官會所包Party room 嘅Lunch Buffet，由12點開始有接待、婚禮儀式、影相環節、自助午餐、跳舞直到黃昏5點完結。親戚朋友大家都話食同玩都好開心😊其實訂前會同經理溝通試菜傾吓希望有咩食物安排嘅。到10年前我姨甥女結婚又係lunch buffet喺沙田帝都酒店，安排Party room有齊影相、接待等安排同中式一樣。其實婚禮buffet興咗好耐喇，不論午餐/晚餐。最緊要同酒店/餐廳傾啫。
去過hotel icon wedding buffet，傳統婚宴有既環節全部都有，雖然都有唔識既人坐埋一圍，但反而覺得可以出去行下攞下嘢食冇咁尷尬，食物質素亦都好唔錯
之前有客人試過包左 全晚朗廷酒店既 buffet 餐廳 。個個都Chill 住咁食，又方便傾計😃
有興趣可以DM 再講你知唔😆
 yes我就係想咁做，不過驚langham間餐廳太細冇乜位影相！！多謝你分享！！
去過dinner buffet當擺酒
冇包場 叫做分咗一個area畀我哋
不過新人同一日晏晝喺其他clubhouse做咗簽紙、影大合照同敬茶儀式嗰啲 有reception有換衫有march-in
去到食buffet嗰到 新人已經勁free係著返晒便服嗰種🤣
另外去過lunch buffet
新人book ballroom嗰種 有backdrop有reception
可以換衫、簽紙、做儀式嗰啲 呢種都唔錯
1）長者可能行動不便，唔適合自助餐
2）自助餐要不停行嚟行去，一眾親友聚會傾偈會無咁方便
3）擺酒當日我最鍾意就係影大合照，好少可有機會一大班親友共聚一堂影相
建議問埋屋企人意見再決定
祝 百年好合！
有冇諗過包西餐廳？我去過覺得幾好，有四人枱六人枱八人枱，唔使好似酒樓要砌夠12人，又有啲人唔識好悶。只要餐廳肯仍然做到backdrop（不過無台🤣）
不過講真擺酒係六個人嘅事（如果雙方父母都喺度）唔想關係太差或者另一半記一世都係要攞個平衡……
明白，感激四大長老都係隨和嘅人，所以煩少好多
所以依家都想最多啲資料蒐集，希望可以搵到個大家都滿意嘅方法🥹
餐廳都有諗過，因為無參加過喺西餐廳搞嘅婚宴，唔肯定食物質素好唔好
咁都一定要試菜嘅~~ 同frd去食下先，或者睇下邊間好食，再問下有無得包場。
祝你地搵到合適嘅方法！
有去過親戚擺酒係自助餐，戶外係觀禮+合照+佈景，戶內都可以影大合照+做敬茶儀式，自助餐都係一圍圍安排好座位，只係要自己行去拎嘢食，小朋友喺戶外個場放電影相好開心，不過有啲長輩食唔慣，覺得口味唔啱
我喺半島擺 lunch buffet , 10 定12圍.. 唔記得咗.. 你要嘅婚禮環節全部都有做，半島個場好細最盡就係10定係12圍.. 都係有set揀，唔同價位，仲可以加錢加嘢食，我嗰陣好似加咗錢要刺身同生蠔咁上下… 所有要求都可以 tailor made… 你可以去酒店問吓， 應該間間都有 
多謝分享！原來半島可以擺咁少圍都得(´･Д･)」
半島酒店個宴會廳好細，
頂進擺十二圍中菜。
BTW
建議妳問咗佢哋嘅min. charge
係幾多先啦。
當初我擺十圍 開頭都係諗住五星級酒店擺buffet婚宴 到最後關頭都係驚老一輩去搶食搞到d後生朋友要成日禮讓佢地 會比較難控制秩序 同埋驚影相環節成日唔齊人 最後都係搞番中式算
我又唔驚啲老一輩喺度搶嘢食，佢哋年紀比較大都唔係食到好多嘢🤣
不過係擔心用係酒店自助餐嘅餐廳，無位影到比較傳統嗰種嘅大合照
認真：我以前攪呢d，一定問返主人家D親友是什麼年齡層/村人/時代人，如果有一半係長輩，咁就唔好自助餐，又或者星期六日中午擺酒，現場做埋儀式。以前我哋仲做過企响度200人中午自助，上午紅棉路禮成，之後即到酒店自助立食。你100人6圍枱，咁咪睇吓你咩位註冊，假設响文化註冊咪問吓麗晶酒店個細嘅向海活動房。
就算4大長老無所謂 但其他賓客可以好閪 一啲就會話「哇自助餐要自己行」「哇自助餐個個一路拎野食一路講野噴哂啲口水落野食度 」「唔體面」「唔大方」「好孤寒」 啲說話可以好難聽
利申：作為賓客參加過 聽到都覺得煩
多謝你嘅意見
Haha都冇辦法滿足所有人嘅諗法，不過因為我同男朋友未試過參加呢種係酒店自助餐餐廳包場嘅做法，所以都想問吓意見覺得有冇可能，同埋睇吓普遍大家鍾唔鍾意咁做？
盡量做到最好😂
個人睇法其實我幾欣賞㗎 無咁拘謹 參加過喺 天台Bar嘅婚禮 其實都唔錯㗎 講到尾 結婚嘅事 你地兩位先係主角 any肥 恭喜樓主 祝福你地幸福美滿喲 🙂🙂
幾廿年前，有去過親友在啟德機場富豪自助餐西餐，賓客付幾百蚊，主家包酒水飲品，好好的安排，鍾意食乜就攞乜唔使食極都係啲飲宴圍餐。長輩都大讚好安排。有時唔使固定思維話啲人一定想中式或西式。
冇話古怪唔古怪。
我見過有人包起酒店咖啡室
全場自助晚餐做婚宴。
好處就係食物係按正常自助餐形式無間斷供應，
唔會好似宴會廳自助餐咁樣，
全部食物都係定量，食晒就冇。
但是要提前好多去找酒店商量。
同埋可能會有額外收費。
以及冇新娘房，冇結婚蛋糕
冇Backdrop ，冇Stage ，
賓客會坐到散晒，睇唔到新人
冇影音- 
播唔到成長片段出門片段早拍晚播
總之你唔好預佢係一個酒店宴會廳嘅服務，
而係一個你正常去酒店食buffet得到嘅服務。
明白，多謝分享！我男朋友都驚會咁樣，反而會怠慢咗嚟到嘅親朋戚友
我就係希望食物質素有保值，想大家俾嘅人情值門票價
我哋會再做多啲資料蒐集，多謝你！
我都係buffet, 我係戶外場，我本身就係鍾意嗰種casual嘅感覺啲賓客唔需要坐定定等上菜，佢哋可以隨時去拎酒飲拎嘢食，希望賓客最緊要好似party咁玩得開心。我覺得酒店揀食buffet都冇問題，但係我覺得結婚當日同平時去食飯有又有好大嘅分別，就係結婚一定要要有儀式感，就算食buffet都可以等齊人先一齊祝酒再開始。其實來賓來參加婚禮並唔係為想食做好嘅嘢食，佢哋真係想過嚟參與新人之間結婚嘅儀式感，所以我希望我嘅婚禮當日賓客可以感受到我哋為佢哋準備嘅心心意、流程、影片、音樂、遊戲😄 所以搞reception播片backdrop嗰啲我覺得唔少得
反而唔搞呢啲，我就擔心賓客覺得我冇心思搞個婚禮了
好多謝你嘅分享同提醒！
因為唔少朋友同自己都經歷過等好耐先開席/食物質素麻麻嘅經歷
所以希望大家食得滿足~\(≧▽≦)/~
我份人比較i ，所以有啲唔好意思播片係咁見到自己個樣(´･Д･)」
但回禮禮物就真係唔少得！！！
我朋友試過👍🏻
😌識既朋友先坐埋一枱，唔駛夾12人一枱
🤔不過佢唔係包晒成間餐廳，大家坐埋同一個area
可唔可以分享吓係邊一間餐廳？謝謝🙏🏼
我就係唔想唔識嘅朋友坐埋同一圍好尷尬，所以我都覺得分開坐，大家會舒服啲！！
想請教吓，唔包晒成間餐廳會唔會好嘈，驚騷擾到其他食客
同埋係咪冇機會喺餐廳影到比較靚嘅大合照？
我驚係咁搞自己自我感覺良好，所以想問多啲大家意見，唔好意思有啲長氣🙇🏻♀️
eaton普慶自助晚餐
因為新人晏晝已經係其他地方做咗場證婚，當時已經影咗大合照，自助晚餐就只係食野，新人冇再著禮服
我做賓客覺得好好，自助餐好多野食😆大家都可以食返啱食既野
另外，我記起有親戚係包過成間餐廳做證婚加lunch既婚宴，印象中係金鐘pp對出有小小草地
做證婚🤔係西式set lunch，事前俾咗餐牌賓客自己揀餐
不過係幾行長枱，一行併埋好長，左右有機會係唔識既人坐埋一齊
好多謝你嘅分享！！！
普慶好食呀！老豆勁鍾意食普慶！🤣🤣
價錢唔貴，勁抵食！
不過佢場地啲燈光就比較昏暗，影相就真係有啲怪怪地，不過佢個場夠大，如果包得晒就應該好多位影相！🤣🤣
我就係驚有啲賓客冇去證婚，直接食飯嘅話，就好似冇位置影大合照就爭啲咁
咁可能book間酒店房影相用？
同埋新人食完上去住下都開心😆
無咗儀式感,幾時開始？幾時完？影吾影相？食飽早走？遅到無野食？婚禮無左時間主線,賓客點坐？
多謝你嘅意見
儀式方面我自己唔介意唔播片，不過係想有個好少少嘅位置影到大合照
只係希望賓客嚟到可以食吓嘢chill下咁
咁平時傳統婚宴都會有人遲到早退，喺酒店餐廳自助餐包場，就係唔驚佢哋遲到冇嘢食，因為餐廳會不斷refill
至於賓客坐嘅位置，如果可以包咗場就可以同餐廳商量

我去過3次，不過都係好多年前lu。第一次係喺香港公園間餐廳，朋友包起成間餐廳，大家以buffet形式，係比較causal嘅
第二次係喺酒店包起一個廳，都有backdrop影相，table setting都係一圍圍，但就buffet形式。但最大問題係要分配好大家攞嘢食嘅時間，如果唔係就勁張龍，長輩們可能唔鍾意
第三次因為一對新人係外國返嚟純宴請好close嘅親戚，所以就咁book咗酒店buffet，類似有個corner，大家分開平時食buffet咁一張張枱，但因為自成一閣，所以都可以過下枱傾計咁
我覺得如果4大長老都唔介紹嘅，呢個方式幾好呀，我幾鍾意咁樣
前排參加過，係美麗華，佢樓上有個露天嘅地方可以證婚幾好㗎，你可以去問吓，簽完就上餐廳食buffet，你話冇得乜乜乜嗰啲嘢佢全部都有
點會唔得，只要有錢包ballroom,omakase 都有得你食
Hotel Icon 嘅the market都有類似，中間有個中空場地做證婚+有backdrop 可以影相，buffet 包場 室外室內位置玻璃隔住可以出出入入。
有朋友結婚係喺酒店擺lunch buffet
我食過。
睇咗簽完紙，酒店meeting room 簽紙，行過去喺酒店食。果位朋友年紀大，再婚，無四大長老，唔多親友觀禮。
試過去飲，酒店ballroom lunch buffet ，一樣有backdrop 影相、新人進場、播片、一樣一圍圍坐，同擺酒分別不大，仲有證婚時間，分別只係無人serve 食物。不過作為賓客感覺一般，因為要排隊同行來行去，食物質素也始終差啲。
多謝分享！我都擔心ballroom嘅食物質素同佢哋酒店餐廳有分別！(´･Д･)」
有去過餐廳搞，buffet 形式
前面一樣有播片切蛋糕etc
但有聽過有人婚禮係buffet 形式老人家覺得要自己出去拎嘢食冇人serve好無面
GH Tiffin好似可以包場
其實book ballroom當搞event咁已經可以搞buffet，佢會比food list你揀要咩食
Omg!!Tiffin勁好食！！我同男朋友都勁鍾意食！
不過嗰個位有啲開放，驚好多人行過望到🤣
我見大家好多人留言都話Ball Room可以，不過我驚ball Room啲食物質素會差啲
自己婚禮 鐘意點搞都得啦
我覺得可以打去酒店問吓佢哋有冇搞過
問吓有冇得加錢整少少backdrop嗰啲
好似中學grad din咁 細細哋幾圍枱
又有buffet食 又可以影相🤣
我以前嘅年代嘅Grad din啲嘢勁難食，雖然話自助餐形式，但fill完兩次就冇咗fill
所以自己對宴會廳形式嘅自助婚宴有少少陰影…..(´･Д･)」
不過多謝你分享，都會問多啲酒店睇吓可唔可以咁做
真 仲要收我7舊幾水🤣🤣
可以問吓有冇得喺餐廳包場
但setting似宴會多啲
或者睇吓有冇公司party plan
我食過幾間都係坐圍枱但自助餐形式
都幾好食🤣
最緊要你兩個有共識 長老們又收貨 點搞搵酒店問同畀錢就得
三十年前老友結婚就係 lunch 酒會 文化中心註冊完過條馬路就係
我老best！！個陣同酒店訂咗around 80-90人buffet，酒店介咗半個場比佢地，事後佢同返我講話如果包場就可能只係食得兩輪，啲人開始走酒店就唔會再refill，所以佢哋揀咗無包場
係就係冇backdrop影相，但佢地放咗氣球，一樣好有feel，大家鍾意食就食傾計又慢慢傾，想影相又得，我做姐妹就係幫手揸下機影相食下傾下，個晚真係好開心！！
Yes!!!我就係想類似咁做！連人數都接近！
請問可唔可以分享係邊間酒店？謝謝🙏🏼🙇🏻♀️
我結婚就係咁樣，我覺得好正喎，啲長輩又好鍾意🤣🤣
可唔可以分享係邊間酒店嘅自助餐？想參考吓謝謝！🙏🏼
同埋你有冇影大合照嗰啲環節？定就咁大家傾吓偈食飯咁樣？驚唔影相啲長輩唔鍾意😂
唔播片咪算囉，其實唔係好多人有興趣睇成長過程，搞到好夜先開席，好多老人家頂唔順鼓譟
其實我唔播片都冇所謂( ´▽` )ﾉ
不過都希望有個靚少少嘅位影相！
當年我係旺角帝京擺lunch buffet 大概8至10圍。
除左無播片（成長片同接新娘片果啲我唔like）之外其他野，backdrop, reception ，影大合照……你講果啲野我都做齊。
大家仲好高興食lunch 食完回家仲係日頭。晚上仲可以回埋門，舒舒服服。
多謝分享！！！！
同我想做嘅都類似，人數都差唔多！我都唔想播片，咁多人望住我個樣好尷尬(´･Д･)」
有隻婚宴版既buffet.
有朋友屋企人結婚真係買酒店既專for婚宴buffet既pkg,
如果你只係為左大家開心食一餐絕對無問題。
但朋友屋企人真係有埋backdrop果隻，佢話個個都沖去拎野食(已經有分批），真係變左大家約埋黎食buffet咁，無左賀主人家結婚／搞婚禮個效果。
叫上台影相，d人掛住食buffet／唔係位，永遠上台差幾個,唔係位。少人影相。
跟住主人家親屬著得靚一靚，又要出去夾野食，好娜西。反而一圍中餐或一圍西餐傳統有人會幫手分菜。
我係搞自助餐形式，你可以去婚展度了解下 啲酒店有做。雖然係自助式 但都係圍枱，嗰陣時係富豪度。服務都唔差～
廿年前我就是中午擺自助餐。方便輕鬆。之後就第二曰去渡蜜月。
可以試下去會展，大有大擺，小有小擺，自助餐又得、中餐又得、西餐又得，佢有多個唔同大小既Room比人做宴會。
不過唔知幾錢，有人話貴，有人話抵。
試過去人地婚宴
佢就真的做Buffet😛（那次在東涌Novotel)
我個人鍾意，因為有得你選及不用理次序食🤪
同埋一些大型酒店應該有地方給你做遊樂房、 食完跳舞咁😛
中餐有服務，食完跳舞就 金鐘萬豪
遊樂房食中餐服務 就紅磡海逸君綽
有次就食西餐服務 就東涌世茂喜來登
我哋係擺百日宴係buffet(ard 120人) , 我哋就包左場~其實包唔包到場,酒店都有預位俾你set up backdrop 影相~係叫人影相會麻煩d ~ 有叫mc 早啲講完到邊group 人影相 大家有預備 唔會出去左拎嘢食~
有位影backdrop咁好！！！
可唔可以分享吓喺邊間酒店？感激！！🙏🏼🥹
我哋係尖沙咀百樂酒店~ 叫咗係餐廳中間有個台仔影相