📌 預咗俾人鬧系列我
共 61 條紀錄
預咗俾人鬧系列
我已經同咗男朋友講，如果未來結婚：
1.生仔一定要私家
2.一定要有陪月
3.唔可以同老爺奶奶住
4.小朋友要讀國際學校
5.要請工人
我覺得呢啲都係好基本，如果冇以上條件可以唔使生
收到你，我另加每個月家用二十皮，工人可以比夠4個。
但要有以下條件
1. 起碼生3件，其中一定要有一個仔。
2. 你要keep到36e 22 36
3. 一定要餵母乳
4. 每日一定要同我老竇老母傾偈，同佢哋行山。
5. 要行房不能拒絕
6. 我想玩乜都不能拒絕
7. 諗到再講
條件就咁簡單啫，如果咁都做唔到就免談。
1. one off
2. one off
3.好正路
5.幾千蚊個月，唔多
4.就唔同意,讀i school 唔見得有幾加強競爭力
問題係，what can you bring to the table?
如果你係中產，家庭月入十萬蚊以上，呢D係基本既
1. 私家係開刀，政府係順產，已經好唔同拉
2. 工人其實代替唔到陪月，煮月子餐已經唔識拉，雖然可以網上訂月子餐，但陪月係專業湊B，工人係主要負責家務，根本就係兩個唔同工種
3. 呢個真係基本，相見好同住難
4. 中產人士讀國際學校係正常，就算唔係都讀直資
5. 中產有工人係必須拉
睇完啲留言其實唔係好明點解女仔唔可以有呢啲要求😪 生仔冒咁大風險，有啲女仔甚至會冇左半條人命，生完後身材易走樣，甚至易有產後抑鬱… 對自己好啲唔好咩？
預咗俾人鬧系列
我已經同咗女朋友講，如果未來結婚：
1.生仔一定要公立
2.一定要我老母陪月
3.同老爺奶奶住
4.小朋友要讀公立學校
5.生完好番工
我覺得呢啲都係好基本，如果接受不到以上條件可以唔使結婚。
我係男人，我都係咁諗
我作為人哋個仔，我都認為我老豆老母應該要有以上條件先好生我出黎
做唔到咪唔好生，唔生仔會死？
如果你老豆老母無呢個條件/突然老破，其實你會唔會屌柒佢地都養到你要捱苦？
應該問，既然佢而家都咁大個人，佢老豆老母有冇做齊呢5樣架😂
冇做齊，然後樓主為人父母覺得至少要有呢啲條件下一代先易玩啲
所以認為有呢啲條件先好生
唔得咩？
絕對同意你😂
但事實係啲男人話你好現實
excuse me 啲男人想你嫁俾佢照顧佢 要生仔要湊仔 最好仲可以賺埋錢 生完要都要好好打理自己 最好就好似無生過咁容光煥發 身材當然都最好要keep到啦 呢度一大堆野之後重點係咩 要愛佢 要專一
😂😂😂 但好多女人只係要啲男人付出金錢 就被人話現實
究竟邊個現實呀而家？😂😂😂😂
呢啲「父權女」嘅post，每次放threads就有一堆自以為女權嘅女性幫手死撐，其實你班女識唔識分「父權」同「女權」架？
其實下下幫佢比錢算唔算睇唔起佢嘅能力，唔比佢展示女性自己嘅財力
我係過來人，阿仔已入大學。
我算係中產最底果班，比女人1／3／5做到，2: 大仔時請過陪月半個月，因為完全唔識整所謂倍月應該既膳食，所以炒左）
冇讀國際但讀直資，而家全家移民。
算係好男人卦？我覺得我自己已經做足做盡了。
但你又知唔知男人有幾辛苦？會幾辛苦？
為既係婚姻，家庭，老婆仔女既幸福，滿足妳既希望／ 慾望/虛榮/別人羨慕嘅眼光。
你有一個系列既要求，想請問男人也有一系列要求時，你做不做到？
正如你自己所講：呢啲都係好基本，如果做唔到可以唔結婚的。
婚姻係雙方雙向的。
我覺得生仔一定要有腦， 唔係生著你呢啲就真係 攞命
我哋1235都已做，4都諗住係
唔想老婆同個仔咁辛苦
唔知你知唔知讀國際學校嘅開支要幾大，我就認真了解過。
原本你可以有美好嘅人生，好早就財務自由，但係因為讀國際學校，一整個人生都亂掉了，做到65歲都無法退休，就是因為子女讀了國際學校
As someone wiser once said, “All women are expensive. Pick the one that you can afford.” 😆 其實你好清楚自己要乜係好事，結咗婚先提出就太遲啦。
可能好多人覺得我要求好高，但我個圈子呢啲係好基本 。同埋我覺得自己過多兩三年之後都可以afford 到呢啲支出 。都係想搵返個價值觀相同嘅另一半。
我係男嘅都覺得好基本，同埋其實樓主都無講係咪一齊比錢，大家好似中哂箭咁🤣
1. 其實婚禮洗嘅錢仲多過生仔入私家（可能有啲人可以break even?）
2. 都係產後保養姐
3. 唔搬出來結婚做咩
4. 過左2019年，我諗呢個係好多人嘅諗法，係負責任嘅表現，跟本唔係自私
5. 生仔唔請工人係玩自己，工人都請唔起真係唔好學人生
Btw，我覺得前題係1. 兩個人都有相同生仔嘅目標 2. 婚後經濟合為一體，唔係錢就男人/女人出哂
如果兩個人一齊努力為左頭家，睇唔到呢5大要求有咩問題
睇留言，大部份都係反對的聲音。
但我好明白你🥹
1. 生仔一定要去私家，因為生仔真係好驚🫢
（唔知驚咩，唔知會有咩事發生，唔知會唔會死係產房🥶，就只係個人感覺的選擇，係私家生會安心啲）
2. 生完坐月，真係好緊要。要休養❤️🩹
唔好有人煩，唔好要擔心BB 健康先。
有專人照顧BB及煮好1日3餐比自己同BB。
新手媽媽心情都會好D , 無甘易產後抑鬱。
睇下個個名人有錢人，一生完就修身出現。
3. 正所謂相見好，同住難。自己父母都未必頂得住我自己D 懷習慣。有錢住同一屋苑就很好。比反D 屬於下一代人自己有個家的感覺。(正如破地獄所講到。朱sir :我老婆同我個仔嗰個，先係我屋企(家) )
4. 小朋友讀國際學校，
有邊個家長唔想自己的小朋友成才？
唔通想佢地求其讀完12年就算咩？
唔係話要做虎爸虎媽，但只係想比最好的選擇佢。
5. 請工人，大概$5000 /每月？
可以解決好多家庭糾紛，例如洗衫晾衫收衫
做家務，煮飯，湊小朋友等等☝️
有能力當然要請，老婆活得精緻，家庭先會和諧。
以上我都覺得，如果係要生一小朋友的大前提下，要考慮有80%必須盡量配合到。
BTW ,我擇唔生。🫣
除咗四之外，我覺得其他都好合理呀😂
1.私家真係輕鬆好多，唔使母嬰同室，想休息就休息， BB會喺育嬰室有姑娘幫你照顧餵奶等等，媽媽真係可以好好休息，女人生完BB真係一生中最虛弱嘅時光…休息好重要🥲
2.陪月真係一定一定一定要！女人產後身體係最虛弱嘅時候，請陪月幫你補身同埋照顧初生，真係一身受益，有能力嘅話就請廿四小時！咁你夜晚都可以好好休息，生完BB後休息足夠嘅女人完全休息得唔足夠嘅女人，幾年後就會睇到分別……身體差好多，外貌都會差好多😢
3.幸福嘅婚姻得以維持其中一個好重嘅因素就係唔可以同老爺奶奶同住！
4.唔係國際學校係最好，其實香港好多其他學校都好好！國際學校唔係must，最緊要睇你將來想佢行行點樣嘅路，去邊度發展等等，同埋一定要睇佢性格適合。
5.如果冇四大長老幫忙嘅話，媽媽自己一個點樣又湊仔又做家務又照顧屋企？人都癲啦！除非你有後援就唔同，如果冇嘅話，真係工人姐姐好重要！
加油啊！！！！！！！！我覺得你好聰明！生BB之前識well prepare！唔係戀愛腦！醒目
你好勇敢，夠沙卜係呢度講😳
無頭像個啲人鬧得最惡🤣🤣🤣
冇本事嘅男人先會覺得女人現實同多要求。
態度好正確！追求自己想要的完全冇問題，而家講定先好過將來先來嘈！
分享下
1）我生仔係仁安，當年用左六萬幾，我前夫claim保險claim到三皮，嗌窮我要自己俾一皮，就算奶奶封左一皮佢自己袋左冇同我商量
2）佢貪平問佢boss搵左個好green既陪月，未黎時吹到自己好得，一開工湊我仔沖涼，捉住吖B對手，捉住對腳好似古代d人浸豬籠甘，又大力塞奶嘴整我個仔，心疼死我結果自己湊返坐月坐得好差，奶奶只煲左兩次野，係我有d auntie見我甘過我屋企教我煲野同湊b
3）前夫聲稱奶奶會幫手湊，要我搬佢奶奶附近住，結果玩BB有，湊係和
我同住吖媽湊
4）小朋友讀本地學校，有自閉症學校勝在有支援，但被欺凌事件有發生
5）前夫冇俾$，1️⃣直係我自己俾
所以我認同你呢d條件係要既，我以為佢俾吾到，公一份婆一份叫做為頭家，結果太付出冇好結果。
我覺得好合理。
我自己會加多一項 -
6. 就算有工人，BB由出世到六歲要自己帶，唔返工
6.食飯一定要去大寶冰室。元朗嘅大寶冰室，每一塊肉餅都係嚟自元朗大師級肉餅工匠嘅手工之作，我哋圍內有真實力識食嘅手足都稱之為味蕾炸彈，全亞洲最優秀嘅肉餅飯，大件夾抵食，而且仲要附近有西鐵站，巴士總站，交通方便。
以前我有個大學同學嫁鬼佬，佢公司有醫療福利，所以响法國醫院順產生小朋友，成個experience係愉快和被尊重。雙人房，有護士將BB抱响自己身邊，唔駛整親個傷口，BB仲可以放响身旁。
而我不幸在屯門醫院生BB，護士在我床尾摵橙食，生仔時護士唔俾我叫痛。生完時，我和廿幾個媽媽一齊住一間大房，有不同媽媽的呻吟和哀求護士比奶泵和小便盤的聲音……我每倆小時被護士粗暴拉開簾，喝我落床，行十米去BB房抱番個BB去換片和餵奶。(呢個個十幾年前的經歷)
所以我都覺得生小朋友要有planning。
同意還同意，要真係做到先有用
應承住你先，到時做唔到，呢啲叫詐騙！
預咗無人駁到我系列
我已經同咗老婆講，如果未來結婚：
1.生仔一定要外國 （英美法德意日）
2.一定要有二、三、四妻（你有左果陣又唔俾搞 咁我搞住第二個先）
3.唔可以同外父外母住
4.小朋友要讀世界排名十大名校（麻省、哈佛、牛津、劍橋等等啦）
5.要請工人 司機 秘書 保鏢啦
我覺得呢啲都係好基本，如果冇以上條件可以唔使同我結婚
我解決左呢個問題
泰國有人脈 所以我係移左去等到
純粹係我食唔習慣啲嘢🙈
1，零問題
2，有，陪月係專門來3個月的，另有保姆
3，沒老爺沒奶奶
4，女兒唸哈囉
5，屋企有2個，一個照顧小朋友，一個打掃衛生
其實你真係清醒..比唔到小朋友好既條件其實唔應該帶佢黎世界上
以結咗婚，生左小朋友既爸爸黎講，除左1/4唔同意，其他都合理…
1.生仔一定要私家 - 唔同意，但唔關錢事，係因為私家有咩萬一既突發都係拎你番公立。單純係咁。
2.一定要有陪月 - 同意，因為四大長老既照顧方式同現代唔同，但你唔話得佢地，陪月一定要按你方式做
3.唔可以同老爺奶奶住- 同意，應該無人異議？作為爸爸/老公少好多野煩
4.小朋友要讀國際學校 - 唔同意，我負擔唔到
5.要請工人- 同意，除咗四大長老，最容易產生磨擦就係家頭細務。有個工人姐姐，放工陪小朋友嘅時間先係真正陪伴。
窮人真係冇資格生小朋友，到時候一有情緒就會同小朋友講「就係因為你我先至會咁辛苦」等等自私嘅說話。
我個小朋友英國Kent出生長大，讀英國小學（你眼中既國際學校）咁又點？ 中文程度接近0， 數學唔夠亞洲長大小朋友好，要補習。 你以為國際學校高人一等？ 你呢種思想，真係好低級。你唔改下你呢種mentality 你未來小朋友唔會好到邊。希望你真係唔好生 🙏
2.你要訂明8定24，請幾多個月？
4真係唔一定
如果小朋友讀到書直資如：男拔、聖保羅男女
都係唔錯嘅選擇
5. 大部分雙親工作嘅家庭都有工人
你洗唔洗訂明要幾多個工人？
or生幾多個要幾多個工人
咁會唔會衍生對住屋大小/房間數目嘅要求呢？
如果你係3大畢業 1M年薪
呢啲條件都好正常
但呢度窮人多 限制想像
問返同一層次嘅人會有用啲
1 ，2，3 其實唔過份？1 同2 一次性，同埋私家先有得開刀⋯⋯咁生完要陪月都好正常，女人生完好辛苦都係病人，請一個月陪月最平都1，2 萬。 3 點解要同老爺奶奶住？尤其如果女仔有份供樓或者租樓？
呢五項條件嘅持續月費 (租三房 + 國際學校 + 外傭) 至少要 $5.5萬 - $6.5萬。加埋基本生活費同保險，男方月入起碼要 10萬 先穩陣。根據統計，全港只有約 6% 嘅男人達到呢個收入水平
樓主：唔好意思，睇呢個收入水平，在座有94%嘅香港男人係連基本都做唔到嘅垃圾