📌 頭先地鐵上，一個後生
共 96 條紀錄
頭先地鐵上，一個後生仔見阿婆企喺度，就起身話：「婆婆，你坐吖。」
阿婆擰轉頭，望住佢好大聲咁講：「我四十幾歲咋！你叫我婆婆？！不過你真係好乖仔呀後生仔」
成車靜晒，我都聽到一額汗。
後生仔好快改口：「咁……姐姐，你坐吖。」🤣🤣
現代人，外形往往會比實際年齡後生，如果呢位女士40+卻被人誤認為婆婆，咁真係要好好保養下
……又或者佢只係同個後生仔講下笑？
後生仔反應快👍anyway ,Good Boy 👦 💓
十幾年前 同個心儀女仔出街
喺火車上我地有位坐
當時想讓座 女仔心目中應該加加分
=
婆婆比你坐丫
：我駛撚你比我坐呀 阿婆我平時仲坐唔夠 趁我仲行得企得都唔比我企 你呢啲衰人壞人 你走呀
=
我呆撚左返埋位坐
個女仔就喺度笑
我好面懵🙈
我覺得係阿婆同佢講笑話自己40x, 否則老尷到講唔出最後一句
睇落個樣似50頭嘅，係白頭髮比較多囉🙈所以都唔怪後生仔淨係睇背脊誤會咗！
我有次搭巴士
🤓： 你出去買餸呀
😟： 係呀
🤓： 咁$2車 唔怕啦
😟； 我49歲咋
（靜過太空）
見到年紀較大嘅女人，一律叫阿姐得喇，無人鍾意畀人叫阿婆的！
🤣我今年55，前兩年搭地鐵有個後生仔讓座俾我都有啲唔慣，但感動🥹
男嘅叫叔叔，女嘅叫姐姐，自晒頭個樣好老嘅先好叫伯伯婆婆呀
年紀漸長都要改下口
以前見到啲七八十歲嘅長者，會叫公公婆婆
但我都已經係中年人，七八十歲嘅長者係我父母嘅年紀，應該叫叔叔姨姨先啱
🤣🤣話說我20歲都比個遊客叫auntie🤣其實有d 人真係唔係好識分稱呼🤣
我試過同朋友出街果時大家都係廿歲左右，我同事見到我地，第2日好認真問我，果個係你媽咪嚟架？😑
作文又作得幾好
四十幾歲即係阿嬌嗰啲年紀，婆婆😂😂😂
作為後生仔嘅我曾經比個小學or初中生令我心靈受創
我跟住我娘親上地鐵
我娘親入嘅時候冇反應
我入嘅時候佢成個彈起幾乎雙腳離地
雙手指向頭先佢坐嗰個位
勁大聲嗌比個位我坐
而我當年26歲.....
🤣哇，你呢個比我遇到嘅更癲
咁多年過去，你都仲忘記唔到🥲
呢個故事教訓個男仔，唔好隨便叫d女士做婆婆🤣
除非佢好明顯係個呀婆🫢
咁⋯佢應該檢討一下點解人哋咁叫佢 而唔係大聲話人 我怕個後生仔下次唔敢再讓位🫢
我係初老，冇人讓座畀我，我亦唔敢亂讓座畀人，估唔到幾廿歲先係尷尷尬年齡😅
特別係放棄染白髮後係另一個分水嶺，我朋友頭皮過敏又少年白，20幾已經比同年成熟好多
近年好多auntie擔心染髮有side effect唔再染，唔染頭髮個look好似老左十年
其實讓座。。。。如果係面對面，一直都唔使專登叫對方，默默地起身，對方想坐就坐，唔出聲，讓座，9成9都成功。反正你都想讓，就算被其他𡃁仔或啲狗衝友搶咗個位，亦都唔需要唔開心
當highlight 啦，只要身體健康食得訓得，慢慢搞好身體，自然少白頭髮d d
女性⋯無論幾多歲叫靚女實錯不了（叫姐姐都可以出事的）！😅
🤣係，20幾歲去街市買野比個中年啊叔問啊姐你要咩？
我都走去隔離檔🤣
你在說笑。 今時今日如果40幾歲俾人誤認為阿婆，佢真係好恐怖。
係，有個客60歲，剛四代同堂，計埋佢父母，其實係5代
係，大家都有笑笑口，係feel到旁邊所有乘客大家都望劇情發展姐🤣
乜人都叫小姐 Madam
乜人都叫先生 Sir
一定冇錯🤣