頭先荃灣西站個男人湊住個女要落車，個女因為瞓左要抱起個女
佢轉身個時叫我幫佢攞住個袋
佢好似想比個袋我
因為我戴住耳機🎧 所以我無比反應佢
跟住佢逗緊個女要半抱起佢既時候，
擺左個袋係我身到，如下圖
同我講幫我攞住得唔得？（佢係一路擺落我度一路問）
我都未答佢，個袋已經係我個身度
我夾硬幫佢攞住
跟住臨走佢地唔該都無聲🔇個女都未醒
我想問而家啲人係咪有病啊🤣🤣🤣
個袋你擺落地下唔得既
你唔可以咩起個袋再抱個女既咩
你坐住個度後面咁多位比你擺
同埋頭先你個女熟睡個陣，你可以單手禁手機，點解唔可以單手拎袋？！
Hello??
其實唔洗理佢 你唔扶住 個袋自然會跌🙂↔️
佢自然會自己執番 咁樣佢又好地地嫁啦🙂↔️
啲人成日都係戇鳩左就上嚟講，講嚟把撚咩，現場畀反應佢吖嘛，而家講有撚用咩😂
我自己都湊住個女，但係佢真係一個唔該就掉俾你，我明白有時單拖湊住個小朋友出去會好狼狽，但係有需要人幫嘅時候，其實講句唔好意思/唔該/麻煩晒都唔係好難
我相信好多人都好樂意幫手
但呢啲老馮怪，俾我都會即刻出聲同佢講你係咪唔識講唔該
你都係 拎住袋野，上次有人俾個bb我抱🙂。。。
又係搭地鐵，有個婆婆揹住個大約6個月大既bb，手上拎住好大袋野，佢坐我格黎時，將袋野放響地下，甩開bb個揹帶抱住bb
後尾bb扭眼訓，佢要揹返，佢就成個bb掉俾我，佢話：抱住先啦下(已經放左響我身上)，因為佢要整好條揹帶先😂
好彩自己都有小朋友 識抱，唔通掉佢落地咩
都明帶住小朋友係難，只係個下有點無奈
最怕你遇到啲仆街，話你跌爛佢啲嘢，屈你十萬九千七就麻煩，走轉差館都唔掋啦。
下次一定要say no 呀傻豬，幫人唔係唔好，只係好多（人）就係利用依點……🥺。我本來都好大愛㗎，但依個社會世風日下，變晒質啦，啲好人溝到淡晒，唔好講幫忙咁大件事吖，依家啲人唔害你，已經算係好（人），要感恩㗎啦。
我都有小朋友，出街時一定係諗好晒點樣處理個人物品同埋個小朋友，絕對唔會要人地幫。
呢條友應該慣左駛人唔駛本，佢老逗老母亦無教佢搵人幫手時要有禮貌。
佢老套，佢慣左屋企有工人，佢好可惡，你太善良太有❤️
幫人拎袋或行李幾大都吾幫由其是過海關一時心軟隨時惹禍上身
可能已有儀器在袋內盜取你個人資料，今時今日，冇話冇可能
起身.放係位再拎返咪得囉!🤔我以前抱仔都係咁.或者調整好D袋/背囊再起身
最後一刻你都有幫佢撳住個袋，你係一個好人🥹
不過幫人幫到尾，你應該將佢個袋條背帶圈落去佢個頭度
小心係違禁品，上水火车站常有阿婆叫人幫手，我無理，一入車站就見有2男I女警禁住，所以小心
千祈唔好幫任何人攞嘢，喺其他國家都係，除非你好有信心裏面係冇毒品，如果裏面真係有嘢，咁啱有線人報串，咁就入你數
泰國好鍾意搵啲歐美遊客做替死鬼，去東南亞嗰啲國家真係要小心
我當年湊女時真係全副裝備...孭帶、bb 車、就手嘅袋......etc
點都唔會咁, 更無可能單手撳機.....
你將佢袋塞去佢後面，然後話佢知你幫佢放左係佢後面咪得囉
算啦！對男人黎講相信孭起頭家會易過孭起個瞓着咗嘅女😅😅佢已經夠狼狽你就原諒佢啦！
我湊仔果時，一個人揹住個大袋(奶粉尿片水瓶同清潔用品)，一手抱住BB，一手拎住摺起的BB車上巴士或小巴，完全無靠人幫手
用自己個袋掃佢個袋落地下，唔駛望佢，繼續做返之前做嘅嘢！