📌 願35歲的我，可以告
共 58 條紀錄
願35歲的我，可以告訴28歲的你-
1. 唔好生仔，要生，最多生一個。 生一個兩個人湊叫瀟灑，兩個人湊一個以上叫狼狽。
2. 要番工，唔好諗住另一半好可靠安心做少奶奶。人一唔番工就同社會脫節，另一半會睇你唔起，每日話題由風花雪月變成柴木油鹽，YUU儲分有折。
3. 唔番工既話，請培養興趣及嗜好。化妝品扮靚買衫唔計，因為唔會為你增值。
4. 就算你本身再強，請將佢既責任交番俾佢。如果好想追求男女平等，你可以維修家電，但佢需要煮飯湊仔。男人慣左唔付出，就覺得好多野好老奉。
5. 結得婚就要做好離婚嘅打算，如果咁啱你嘅另一半對你忠貞不二，好你可能係執到寶，但亦有可能只係未發現。
6. 唔好做人第三者，青春係你嘅價值。唔好為咗所謂嘅愛浪費自己嘅時間，愛就好多種，但不被祝福既愛唔會有好結果。
大家仲有冇啲咩想同28歲妹豬講？
接龍💖
我42歲，想同35歲既自己講
做人無論快樂或痛苦都唔係永遠last forever, 人生本來就係苦樂交集，如果避開苦，就會連樂都避開埋。Dear, Live the monent☺️
1. 管好啲牙
2. 唔好嘥時間應付豬朋狗友
3. 試下一個人去旅行
4. 趁未有家累帶仲行得走得嘅爸媽去旅行
-拍拖時唔好做聖母瑪利亞同男人一齊捱世界 多數唔會有好結果
其實咁大個人 佢自己識得照顧自己 唔需要太偉大
-另一半就偷食時 保持冷靜離場
因為自己唔值為一個人發哂din同糾纏落去 唔需要問點解 唔愛就是唔愛了
-時候到唔一定結婚 結婚都要搵一個懂你的人 同埋結婚有時唔一定係最愛個個
-大部分以自己為先愛自己 做發光發亮嘅自己
-結婚後最好唔好同屋企人住 相見好同相難 因為矛盾真係好多
-有細路仔時最好請工人 雖然撞手神但真係減輕好多煩惱
-同伴侶一齊時 有時有啲野分清楚好啲 大家尊重大家
1. 揀另一半要留意埋佢老母
2. 唔好戀愛腦，揀錯另一半係會死人的
3. 要有自己的事業
4. 睇人人品唔單止要睇佢點對你，更重要睇佢點對社會地位低嘅人同埋小動物
5.保持身體健康同每星期都要做運動；冇健康冇體能真係乜鳩都做唔到
1. 年齡只係一個數字，每個人都會老去，無需要太過執着
2. 身體健康嘅秘密係要保持心境開朗
3. 喺生死面前，世間上一切嘅都係浮雲
4. 人生所有嘢都係一個選擇，包括快樂
5. 每一日都要當係世界末日前咁看待，咁樣你會更加知道自己其實珍惜啲乜嘢
6. 打工只係大家貧窮先相遇，從來冇一個人響死之前，會因為工作而覺得遺憾
7. 人生有太多遺憾，需要及時行樂
8. 有能力一定要出去睇吓呢個世界，你會發現自己嘅渺少，以及世界嘅美麗
9. 有能力嘅盡量去儲錢，因為當你有錢你先會有更多選擇
10. 世界上冇嘢俾你自己條命更緊要，所以我哋要學習感恩，感恩我哋人生遇到好多美好嘅人和事
7.要有經濟能力，自己賺錢自己駛，買嘢唔駛睇人面色，唔好伸手問老公拎。（佢心甘命抵比錢你駛係另一回事）
8.手袋靚衫可以買，但要留啲錢去旅行，去見識下呢個世界，襯後生去啲遠啲，艱苦啲嘅旅行，以免老人行唔郁／腳痛／忍唔到尿而去唔到長旅行。
9.要好好維持健康，唔好持住後生食得太盡，碌爆左健康quota要還架！
10.有無仔女都好，唔好諗住靠下一代照顧，佢地要生活已經好艱苦，要自己照顧好自己，唔好增加佢地嘅負擔，做個開明開朗開心的長輩。
巳婚45歲的叔叔，可以告訴35歲的你-
1. 唔好結婚，唔好生仔
2.出唔出軌嘅問題就視乎你抱住咩心態去睇，唔好俾固有嘅思維限制咗你嘅想法，開放式關係亦未嘗不好。
3.保持開放思維, 接受新嘅事物
1. 記得防曬，唔好懶，否則第日多斑到後悔。
2. 想生仔既早D養好身子，早d開始準備。
3. 睇多d書，了解多d個世界，學下野，睇下show。
4. 想減肥既早d減，令自己多d Quota 玩更多唔同既活動。
5. 陪屋企人，多d稱讚佢地煮既餸。
6. 其實結婚真係唔需要擺酒買樓，冇想像咁難。
7. 冇必要逼其他人同你自己一樣諗法一樣信仰，要換位思考。
8. 想拍拖既，唔好因為自卑/工作好忙/不敢做籍口，放膽試下搵，遇到岩既就試下發展。比d自信，你都要行入塊田度，其他人先會見到你。
9. 有另一半既，要觀察一下對方狀態如何（e.g. 攰，肚餓，未痾屎，壓力⋯），有時佢黑面既理由真係唔關自己事。調返轉都要學識控制自己脾氣。
10. 同7. 一樣有時佢成長習慣真係有唔同，唔好咁快衝口而出，停一停，你先會有時間選擇包容，講少一句唔會死。
11. 要有喜歡的電影/電視劇/ 動畫，得閒喊下舒發情感。
12. 唔好吝嗇講「多謝」，無論對親人朋友工作，做個有禮貌既女仔。
13. 要有自己諗法，唔好人云亦云。
一個男人同你發生性行為，見到你唔舒服，又好難進入
然後兩個人一齊嚟到情趣用品店，仲要一副佢入唔到係「女仔問題」，自己冇問題，最後連買潤滑液買安全套係女仔俾錢
唔好諗，即刻走！你值得一個珍惜你嘅伴侶😣😣
唔結婚嘅罪名只有唔結婚，當你結咗婚後你嘅罪名會多到數唔晒～
唔認同3後半part🫨 點解扮靚唔可以係增值嘅一種?
我好認同要搵到自己嘅興趣, 但興趣係無貴賤之分, 下下要講到有用先去做先去學咁就唔係興趣, 照樓主咁講應該去品酒學騎馬鑽研四書五經先係興趣
興趣就係要有興趣先叫興趣, 你去讀返書考返dse都好增值架但你唔 enjoy 就唔叫嗜好啦
興趣係用嚟調劑生活, 搵返"自己", 有無做嘢都好都需要
大家都被填鴨式教育咗10幾年, 人大咗出嚟做嘢都仲要培養返個要對自己有好處嘅"興趣", 唔攰咩
我比28歲妹豬嘅建議係睇少d呢d心靈雞湯🙂↔️
有違道德及法律另計, 但人哋覺得work/唔work嘅嘢未必套用到每個人到🧐
每個人條路都唔同, 好好享受, 活在當下
28歲的me:
1. 唔該乜嘢都以自己為先，結婚唔係0.5+0.5=1，唔係結咗婚先等於人生完整，就算係對另一半，都唔代表要將對自己嘅愛，分一半比對方，要先全心全意地愛自己，先有能力去愛人。1+1=2
2. 都係愛自己，什至打從心底欣賞自己嘅好，亦接受自己嘅壞，要先相信自己能夠做得好，答應過自己嘅野要做得到，只要你夠強夠堅定，其他人嘅閒言閒語只係bullshit。
3. 放低電話，放低social media，出門口去行下，even只係落街買個包，呢啲先係生活，親眼親身去感受人同人之間嘅交流，其實好多微小嘅細節都可以令你會心微笑。
4. 唔好比人左右你嘅人生決定，想結婚先好結，想生仔先好生，其他人講一句係唔需要付責任，而你因為社會壓力而去做一啲自己根本未ready嘅嘢，咁樣係對自己嘅人生不付責任。
5. 要揀一個識得欣賞你嘅另一半，因為而家無風無浪當然好甜蜜，但當婚後生活有啲咩風浪發生，心底裡睇唔起你嘅另一半就會不由自主地睇你唔起、覺得你係負累，做番自己喇，仲要一齊生活幾十年，做自己嘅你最吸引。
其實如果有心生，我又覺得生兩個真係會好啲
係指當你兩公婆又老又病時，一個仔女去take care住兩老，又要搵食，又要有自己家庭時，有多個手足相量應該會比一個人單打獨鬥更強
以上嘅引述只係適用於好一般嘅家庭結構同發展
至於中途有任何理由變單親呀、子女之間手足不睦呀、你兩老突然有咩突發大變故呀、一切無可預料嘅嘢就執生吧
1. 麻煩盡早開始做運動， 鍛鍊肌肉
2. 戒指趁後生帶，老左隻手會有斑
3. 唔好信唔使咁早用咁貴既護膚品啦，老左用咩？ 老左就有新科技嫁啦！
4. 好好理財，應使則使
錢唔係萬能，但冇錢就萬萬都不能。
唔好拎哂去玩樂買野，消費時諗一諗係唔係需要。貴買平用有時係某個領域係applicable
每月月供VOO 又好，買基金點都好，積小成多。
5.拒絕同唔好既人一齊
咩叫唔好既人呀？
會成日潑你冷水，長期極端負能量，覺得你做咩都係錯同唔好而佢咩都係好。你有好事發生佢唔會替你開心既人，不停令你自尊心受損既人。
以我觀察，約50歲後會有。
咁所以要做好防曬同美白，敬請留意💁🏻♀️
世界上有個地方
生一個湊仔是地獄，但係如果能適應，生五個會變天堂
仲有咩想講？
一、搵d 自己一個人做嘅興趣，就算有左男女朋友，都需要me time 嘅。
二、唔好以為男人會大個，男人去到幾多歲都係細路。
三、你老公屋企既事唔係你既事，如果你老公要理，問清楚呢單野要點搞，搞唔搞得掂。識太多人，老公好照顧屋企，好孝順，要幫屋企人還債，幫細路畀首期諸如此類。
四、賺多d錢，喺香港，有錢同冇錢分別可以好大。
五、專一唔係d 咩「優點」，所有話你知專一嘅人，一係on09，一係冇能力花心。爭在最後識唔識返屋企。
仲有冇？
任何年紀，做適量健身運動，注意飲食，補充蛋白質、膠原、抗氧化食物、少糖、適量優質油脂、年紀越大減少碳水化合物、定時飲水、郁動身體等等 🤔
- 揀另一半一定要睇埋佢老母，尤其是係單親老母 + 獨身仔
- 可以揀個孝順，但係千祈唔好揀個愚孝
認同生一個小朋友請埋工人叫瀟灑，講咩生一個老左要照顧兩老好辛苦，我根本無打算要佢養，生得佢出黎就係為佢同自己將來安排好，至少我死左層樓係留比佢咩事都一定有屋企返，如果生兩個真係要確保比到佢地每人一間房，買玩具每次都一人一份，做到完全唔偏心，唔洗執家姐啊哥二手校服先好考慮😂真係好就兄弟姊妹，唔好大家大個都係無咩交流🫣
鍾意小朋友嘅，就應該早啲生，我就生咗兩個，好開心呀！搵到個好老公，就好好享受家庭生活。老公唔好，自己生活都可以好開心。我喺小朋友頭10年冇做嘢嘅，自己喺屋企湊兩個，因為我鍾意小朋友，所以嗰10年我都覺得好開心，老公都好尊重我！小朋友大咗，我又出返嚟做嘢，又OK喎，都唔算難搵工，而家又可以周圍去旅行啦～記著，過程比結果重要，好好享受人生！！
我28歲🙂↕️😅
7. 留意對方信口開河，言行不一致嘅situations,小事儲夠3次就88
唔好睇小呢啲舉動背後嘅意思，呢種男仔係一啲看似乎微不足道嘅小事上面敷衍你，其實係測試緊你嘅底線晌邊，只要妳三番兩次妥協，就會將佢導向畫餅mode
小事上，我可以接受你第一次唔記得，第二次係我誤解咗，第三次即係專登了。 既然係咁，我祝福你搵到個傻西去接收😉
8. 妳emo 緊嘅時候，對方好大機會訓得好冧，所以唔該妳將個重心擺返響自己嘅事業同個人發展。對方愛唔愛妳都唔關妳事。
9. 唔好理啲廢柴標籤我哋拜金， 妳為對方荷包着想/容許對方低成本咁持有妳，對方唔會感激妳對佢嘅體諒，覺得妳係好女人，佢只會覺得係自己嘅本事同埋唔會珍惜妳。
10. 對方「追」緊妳嘅時候同妳講嘅所有嘢，妳可以當聽電台咁聽，響佢嘅行動上能夠同步佢嘅言論之前，妳係一句都唔使入耳。
11. 付出又好，送禮物又好，冇性別之分，妳都可以為自己嘅選擇同喜歡而埋單，妳都可以買禮物送俾對方，但如果對方單方面咁接收，唔識做或者回禮送啲太濕鳩嘅嘢，果斷止損抽身離開。
庹縮嘅男人充滿性縮力，有幾暈船都會一秒下頭同清醒。
諗到再講
請拜金，錢錢可以變成你喜歡的模樣，可以用來變靚、可以用來打扮，可以增值令你更有錢
有錢嘅女人先係快樂嘅女人
1 少啲睇人地9up人生應該點點點之類既毒雞湯，自己人生最緊要自己開心
2,3同上
唔好因為睇左一個被人婚內出軌就係度仇結婚生仔就覺得係岩😂😂
見到3x歲姐姐冇番工冇興趣嗜好好多年都生活得好好 我都想知點解咁好
要生 至少2個以上 得一個父母老左無兄弟姐妹分擔照顧 好慘架
1. 要想清楚自己想唔想要小朋友，同伴侶要傾清楚，否則浪費時間。理想不同，好難磨合到，最尾都係要分手或屈就。生小朋友的話，預咗有一大堆野唔識、要學，小朋友係父母技能提升加速器。
2. 我返緊工都有同同事分享YUU儲分變lunch....
3. 每年進修不少於20小時或學一個新興趣/技能。
4. 男人要俾機會佢發揮本領和不斷欣賞佢，關係先會融洽。
5. 睇清楚對方，經歷多點事，比如一齊上下烹飪班(技能) 、行下山(睇體能) 、食下自助餐(睇喜好) 、去旅行，先決定同唔同這個人結婚，夾唔夾到。結咗就要雙方用心維繫，見到頂唔順嘅野要出聲，唔好死忍到撕裂關係鬧離婚，雙方都好傷。
6. 唔建議做第三者，有得做大婆，為何要做小三？要愛自己並找一個愛妳多過妳愛佢嘅人(自己都愛，只是唔夠對方付出多)
要有一技之長，世事無常，萬一老公突然走咗，都可以照顧到自己同兩個小朋友。
- 認同唔好生！因為就算你返工／唔返工，都唔會係兩個人湊，而係一個人湊一個／兩個
- 唔認同＂唔返工=同社會脫節＂反而我有朋友返緊工都同社會脫節😂
- 脫唔脫節係在於你有冇時間去吸收其他知識，又唔一定要學一門興趣嘅。
- 主要係你另一半要你孭幾多嘢，你越多嘢煩、越多嘢擔心、越多嘢做，你梗係會變黃面婆、湊仔婆啦
＊利申十年主婦生活
我近廿年了。之前好proud of做全職媽咪，但到女兒反叛期就好傷下。而家佢過咗反叛期，但我自己覺得唔返工真係有啲脫節，試過寫日期年份寫少咗10年……即將60，打算遲下找全職工作……
結婚就係為咗離婚啦，唔係咩？
唔離喪偶變鰥寡都係盞搞
利申：父母婚姻極差，我未出世已經唔俾家用，3歲已經聽到我媽嗌離婚，到其中一個行先一步都無離到
3x姐姐想同2x妹妹講，抗老產品愈早用愈好，因為抗老係「預防」老，要喺未老之前開始用，你幾歲開始用，膚齡就停喺幾歲，會為你慳番唔少醫美錢。
同樣原理apply to 運動，幾歲開始運動，就可以keep到幾歲嘅體力同樣貌。
另外醫美同HIFU呢啲真係唔需要太早做，真係老先考慮啦。
1.最緊要唔洗同老爺奶奶住
2.老爺奶奶好相處，好緊要
3.柴米油鹽下真愛都會變唔愛
4.返工搵錢，屋企家務請工人
5.小朋友俾人教，多啲陪佢玩。
學識單身
享受它的美好
學識獨立、自處和自己決定和選擇
通常不會後悔
亦唔會自怨自艾
29歲建議妹豬們
- 大學畢業唔洗急住搵工，自己洗自己夠就得，有錢可以多d去旅行～我同我老公就係一個鮮明對比，我一畢業一年去5,6個旅行，邊洗邊返散工；我老公就一畢業去左做intern間公司做～佢勁撚後悔同羨慕我既經歷🤣
-拖唔怕拍，不過唔好亂發生關係。試過先知自己要咩，就算唔拍拖都可以識多d人，就會知呢個世界好多kam L，慢慢就會識分識得帶眼識人🥹
-盡早了解自己人格，可以睇星盤、紫微斗數、MBTI、拍拖…往後日子就好好咁stick to自己認為既人格行，行少好多歪路同冤枉路！
-唔好驚左同人有衝突，一黎衝突係可以保護自己權益，二黎每個人都唔同一定會有自己意見，除左表達自己之外都要學識聽人講野，唔識尊重人既人真係好難頂🤢
-化少d妝，學識愛自己既容貌🧡同時亦都要好好學護膚🧴化妝化得太多就會覺得好多野都可以靠化妝，但個底只會越黎越差🧐
-任何人包括屋企人老公講既野可以過濾一下先，唔需要滿足哂所有人，因為你係你人生既主人，你本來就唔需要承擔任何人既人生，負既責任，心安理得對得住自己就得🧡
唔認同2， 我識幾個朋友都係少奶奶ftm， 生活美滿， 唔返工=社會脫節， 呢個思想就真係脫節。 而家social media，上網 可以令人咩都知咩都識。