首先我好尊敬爸爸媽媽
其次我唔理解點解用微波爐加熱嘢食可以咁多嘢講
我讀醫科專業，明白獨立思考好重要
所以我歡迎留言，指出我有任何講錯嘅地方

另外我係好尊敬父母長輩嘅

另外講嘢語氣可能有啲重，尋晚做assignment做到好晏

分享吓我嘅做法。我嘅做法係將「求真」同「與人相處」兩個部分分開。

「求真」部分留返比自己就可以啦。如果我係你，我會自己做好literature review，搵清楚現時有咩科學數據研究微波爐同癌症嘅關係。我會諗清楚佢哋嘅理據有咩問題，例如confounding factor, bias, statistical power唔夠… 我會諗清楚問題嘅答案係咩。但呢個答案純粹係滿足自己求知精神，留比自己就可以。

你可以將呢個答案同佢哋分享，但冇需要強行說服佢哋，始終每個人嘅科學背景唔一樣，你亦都冇可能由零開始咁教佢哋醫學統計學。就「與人相處」呢點，你輕輕帶過，意見接受，態度照舊就可以啦。

「求真」同「與人相處」兩樣嘢可以分開，兩者冇必然嘅矛盾。

你媽話完你爸ugly之後，你爸就無幫過口了😂😂

媽媽果句「你睇你爸幾ugly」，係發自內心甘寫出黎🤣

雖然你讀醫科好勁，但佢地出於關心，愛從來都冇邏輯，用一啲方式「四両撥千斤」。
岩岩早排帶阿婆食飯，阿婆又話：「食咁貴呢度要幾千蚊？（又發放負能量吚吚哦哦）」我：「係呀，可能等陣找唔到數喇，你會唔會幫我比呀？」「下？要幾千蚊咁你夠唔夠洗？」「我有我阿婆，我阿婆大把錢架冇咪搵你救命囉」 跟住阿婆就笑笑笑開心，唔通我就同佢每樣喺度數幾多錢同佢拗咩，輕鬆啲🙂‍↔️

同屋企人相處係學問嚟😂我對住屋企人已經進化到意見接受態度照舊

Yes Asian kid skills

微波爐加熱唔會致癌 statistics 上有分別係因為通常放入微波爐嘅食物比較容易有致癌嘅機會 例如隔夜餸 但嗰啲食物本身就算冇叮過佢都係致癌 一模一樣嘅嘢食叮過係唔會變成致癌物
另外過熱嘅食物同液體係致癌 呢樣無論係叮定係煲都係致癌 所以其實飲熱水係致癌

感謝😊沒有想到這一點

睇完，發現你爺爺生Cancer 對你父母做成好大心理陰影，我覺得唔駛同佢哋頂撞嘅，hea 回就OK👌🏻

想知你媽媽咩學歷
叫你睇statistics同case study
但又會信微波爐致癌

想話你再大個d見到佢地開始老 就會好掛住佢哋哦你

係呢啲情況下其實只要講句知道啦就唔會再有咁多延伸嘅conversation 同埋daddy mami仲肯繼續回應你嘅反駁仲要好平靜態度無變差 好難得的了

你諗吓一個人嘅性格跟住40幾50年佢會唔會因為你講幾句嘢突然之間唔再長氣 所以千祈唔好嘗試想改變父母 只會令大家關係更差

多謝過來人嘅意見

我覺得媽媽好好，佢好關心你身體同飲食習慣
所以佢想預先提醒你，等你喺生活小細節度留意
點都好啦，除咗愛，我諗唔到可以講咩
珍惜啊🥹

睇完發現高學歷父母有高學歷既煩法😂

高學歷但相信微波爐會致癌都幾反智

好多中產父母都係咁😂

你好刻意講兩次你好尊敬長輩父母，潛意識究竟係咪你自己最清楚。
就算係，你都只係識得表面尊敬，但唔識尊重。「點解可以咁多嘢講」係因為你要同佢地拗，如果識得尊重他人獨立思考，咪由得佢地講，聽完就算，佢地可以堅持自己，你都可以，但無必要對方認同你。

知道+謝謝關心足夠了，唔使反駁，除非佢地真係有興趣知道，因為更改一個人既認知係件好痛苦既事

答一句「知道」或者OK就講完件事，唔駛拗，因為佢哋已有一套諗法，拗唔到亦無謂令自己唔開心

真⋯⋯我放棄爭論。嘥氣

屋企人嚟，拗贏佢哋唔會有獎
你如果係醫科專業，佢哋真係食錯啲乜做錯啲乜先企出嚟指正佢哋保護佢哋
我唔係讀醫都識一樣嘢叫安慰劑效應，你人生仲長，慢慢你就會知道好多人做埋啲嘢無實際作用純粹係求個安心，所以睇開啲，慳返啲時間做其他嘢好過

同我媽一模一樣、係都要證明自己正確然後要人地認同佢... 我同自己阿媽都覺得相處起黎好難、保持多少少距離反而會好d 久唔久拉低自己水平去同佢比閒話下家常就算...會少好多摩擦

以前學既係、微波爐係用microwave令水molecules震動繼而產生熱力
但microwave係long wavelength、在spectrum紅光以外果邊、其實係咪真係有輻射果d野...？
通常公認有輻射既x ray, gamma ray....全部都係wavelength 短過藍光果邊、power好勁又會穿透好多野。但wavelength 長既microwave 唔係連個微波爐門都穿唔過、又長到留唔到係食物上面咩？ 我都好想知點解會被講成輻射來源 🤔

你媽咪講statistics 同case study個分別，即刻明晒，有料

不過，老老實實，你爸爸淨係講咗2句，唔建議拉佢落水

曬太陽會致癌🤔

爸爸媽媽想你好
請珍惜
不要沉迷誰對誰錯
即使多年説法的科學根據也可以是錯（例如每日只可以食一隻蛋）

事父母幾諫
佢地happy = 你happy
例如佢哋話微波爐叮嘢食致癌
你咪求其答佢：我學好話俾我知唔會，不過我都會聽你哋話食少啲！
咁咪完


你錯得好緊要！錯在覺得可以扭轉成年人（特別係父母）嘅既有觀念 。

算啦 用蒸焗爐好嗎🤣

翻譯：
媽：其實我好在乎你
你：我明白你在乎，但我都大個識諗啦，放心

我認同你父母，我屋企連微波爐都冇

成個post嘅重點去咗你媽媽最後一句

不回應就是最好的回應。

佢哋貌似都係知識分子（提供到良好嘅學習環境俾你）；作為仔女永遠都唔會「講得過佢哋」 （無論你有乜嘢科學理據），佢哋講嘅嘢你輕鬆對待一笑置之，大家都最舒服。

（有個親戚大學畢業公務員，有三個50+的仔女 - 醫生律師會計師 - 佢曾經極度相信企喺個微波爐面前個胃會熟咗；叮嘢食要企遠啲）

你永遠都係佢哋個仔，佢哋永遠都係你嘅爸爸媽媽，永遠都會覺得佢哋係provider，由佢哋先有今日嘅你，永遠都係佢哋嘅人生閱歷多過你，佢哋識嗰啲朋友高級過你啲朋友等等….. 整整吓有機會變咗情緒勒索。

呢個階段立刻止蝕，會舒服好多。過多幾年佢哋會再send更加多啲其他古怪資料 「證明」他們相信的知識及理論。

好正🥹 好羨慕可以認真討論🥹

頂咁似我老豆！
（戴頭盔 我知佢因為自己出咗事生腸癌所以唔想我都有事，但係句句都尼樣唔做得嗰樣唔食得真係好冇mood）
1. 飲酒有肝癌所以當住全部親戚面鬧我唔準我飲，有個親戚做品酒師所以family gathering會帶酒黎大家一齊飲，已經唔係酒精濃度高個啲（例如whisky gin），仲要十個人share一支，可想而知本身每人都唔會飲得幾多，老豆唔join嘅話我會飲少少，結果有次我老豆去埋，見到支酒，開都未開，就係咁數落飲酒有咩唔好，大家都知我老豆咩性格所以嗰次我話唔飲佢地都知咩事，但係佢把口太難聽所以有親戚都勸咗佢兩句「大家一家人難得聚下飲少少姐」，但係佢都係keep住鬧，問題係嗰日我根本冇飲🙂‍↕️
2. （今朝嘅事）講起我上兩個月去順德，啲嘢好好食，尤其順德魚生，佢即刻「魚生有蟲㗎，食咗會有腸炎定胃炎，啊邊個邊個超級大富豪就係因為鍾意食魚生，出咗事，有錢都冇藥醫 blablabla」，me「日本人都未出事啦」
3. 佢腸癌係最諷刺嘅，來源係麥皮入面嘅除草劑，佢當年為咗降膽固醇一日三餐都食麥皮，結果醫生就推測就咁出事咯。然後佢依家就改食豆，一日三餐都豆，我都想知會唔會又出事🙂‍↕️

屋企WiFi都係用微波
24x7咁轟炸住你添

係一場學術交流。如果有長輩咁同我討論，我覺得容易接受過淨係forward d AI片，無名kol 講野既片。

其實同屋企人可以講道理，已經好幸福

部分人好依賴自己過去經驗、教育去判斷事物，傾向活喺自己嘅認知框架中，特別長輩唔係咁容易接受新思維，當佢哋將爺爺患癌歸咎於微波爐而且大家都達成共識認同呢件事，更加改變唔到佢哋嘅諗法，用出發點嚟理解佢哋，佢哋只係知自己好驚失去你所以想辦法保護你，同埋癌症成因咁複雜，基因遺傳、飲食習慣之類都有關係，拗呢啲有啲無謂，大家一齊年年做身體檢查實際啲

你媽媽學歷好高

「你看你爸幾ugly」😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂
btw阿媽好似AI

問題係要緩解番老母對微波爐煮生米嘅焦慮

日本人煮嘢習慣好多時都用微波爐嚟prep 人地最長壽國家之一，鐵症

其實講句ok 收到，完咗佢就得
你覺得用微波爐冇問題但佢覺得有問題
你哋兩邊各自講多兩句都唔會改變對方諗法，呢啲傷感情嘅對話就算

學術討論咩？唔想跟佢哋果套咪答句知道咪算

我公公, 婆婆, 爸爸, 2個姑姐都有can, 醫生亦講係家庭遺傳

Haha u re beloved one💞

做人，同做學問，係兩回事。搞清楚就識得回覆，而唔係post上尼問人自己講錯乜

你好好心機，俾我就唔會同佢拗
佢哋根本覺得自己啱
係你細路仔唔識世界
我父母都會咁
所以唔聽最好😂

除咗微波爐會致癌，仲聽過啲中年人堅持微波爐有輻射🤣🤣🤣

睇到ugly忍唔住笑左

「你看你爸幾ugly」😂😂sorry 笑左