首先要好左膠大愛咁講一句：
如果唔係熱愛呢個世界，我點會煩惱去處理理論同實踐嘅斷裂🥹，如果唔係對依家嘅性別討論唔滿意，我點會成日冒住畀人鬧performative male出po講女性主義，如果唔係關心社會，我點會花精力同時間去同一班連邏輯都出事又唔可以理性討論嘅人一次又一次解釋概念，哪怕佢哋嘅思想我幾唔認同都好，我都願意釋出善意同佢哋溝通（但我理佢哋感受會影響到我個人情緒🤣）。
但恕我直言，如果喺經歷過社會化嘅階段後仲覺得「多一根苦一生」，女性一個story容容易易就有好多attention ，咁一係就唔了解女性都有困境，只願囿於自己認知嘅世界之中，一係連複雜少少嘅概念都冇能力理解，將女性當成一個無差異嘅平滑整體，同樣對男性嘅刻板印象同理。同原po本身討拍只講男性困境都算，我仲可以安慰下佢，但問題係佢之後轉咗講女性容易啲嘅刻板印象喎，我唔回應呢樣嘢，指出佢唔妥當係邊到係違背緊自己原則。
第二段，如果你本身對佢或generally有咁樣嘅預設期望的話，咁白水一早就已經變咗做「乜水」(爛😂)。我亦都唔係喺度blame原樓主，每個人成長嘅經歷同接收到嘅嘢都唔同，甚至選擇信咗某d嘢，有意識地或無意識地都好，我都唔會一嚟就否定佢，講自己嗰一套，甚至保持懷疑自己嗰套係唔係一定啱，喺唔同嘅情況要唔要調較一下。所以我係會完全接受佢，亦唔代表我一定完全認同佢，咁我喺呢方面應該比你更左膠大愛。🤣 (This is sarcasm, everybody knows, right?)
補充: 「噓寒問暖」嗰個point，我唔知大家平時接觸邊d kol，我有follow開一d外國嘅influencer，Twitch chatroom又好，ig又好等等，譬如病咗或有咩個人嘅事發生時，佢哋都會收到好多followers嘅祝福同支持，但我相信佢哋亦都收過性騷擾嘅信息，只不過冇公開講，或者過濾咗，將個focus擺返落去支持者到，或者唔多，間唔中收到等情況。但整體個氣氛係好正面，佢哋都會衷心多謝呢d嚟自支持者噓寒問暖嘅說話，所以 (續...
所以原po樓主有呢個認知，其實唔係完全錯，it could be part of the truth。
當然，你可以話，未必係咁，證據就係喺佢原po下面，香港人氣kol個social media截圖出嚟嘅證據，佢哋又冇錯喎。甚至我想講，係唔係淨係得女性先有噓寒問暖先，又唔一定係喎，男人都可以有㗎喎，你可以咁樣challenge佢。但人哋而家處身於喺一個唔太好嘅位置，你challenge佢嚟做乜呢？但好多人將自己嘅個人經歷投射落呢個討論上面，覺得被誤解、被冒犯，要聲討佢，咁樣做對大家有咩益處？一件事，可以有好多個角度，可以有好多唔同嘅情況，原po樓主有佢狹窄嘅角度，但也有一定程度上嘅真實性，亦有一定程度嘅誤導性。最遺憾嘅地方，係大家將件事escalate，小事化大，投入咗好多主觀情緒落去，令到事件一發不可收拾。
如果有咩嘢可以從呢件事裡面學到，就係大家諗嘢要全面、開放一點，然後點樣同人溝通，點樣控制好自己嘅情緒。最重要嗰點係，接受自己係一個好唔完美嘅人，所以做人想虛心、想知點解你咁諗，交換下睇法，尊重每個人嘅意見，尤其係同我哋唔同嘅人(最最最難，亦可能係所有問題嘅其中一個主要根源)。
點解你哋會經常用「女性所有可能入面揀出黎嘅個例」去vs 「已存在specific男性」嘅方法想證明人哋錯，個比較嘅scope都唔啱
咁樣去比點都得架喎，我都可以捉一段網絡上面話男人職場優勢，然後搵個「係女性主導行業入面弱勢嘅男性」話女性講職場天花板係冇腦😂
因為個模式係用想像中度身訂造嘅女性去反駁已經明確嘅男性言行，唔覺得咁樣好bug咩
首先釐清返concept，原po 講自己在受人關心情緒方面係受害者，而女性係受益者，白水回應指女性都係受害者，但佢論述冇話男性有既得利益，佢係話喺父權性別定型之下，男女性都有受害之處。而且同時受益同受害係冇衝突，女性同男性都可以同時係加害者同受害者。
而原po本身講法已經係指涉緊女性同男性群體，相關論述係以偏概全，唔否認有部分女性容易獲取關注，部分男性冇人關心情緒，但都存在不少反例，例如係相對落後地方嘅女性咁，唔可以直接就認為女性群體係容易啲得到attention，或者話男性一定係多一根就苦一生。
Point one 啱啊所以白水咪比人炎上，因為佢直接示範咗男性表達情感會被教育而非被同理，加上自己做住一樣行為仲好意思話係父權先比人笑。
Point two冇意義，人哋又唔係黎做學術證明，個context係表達樓主感覺經驗係男性較難得到女性所擁有嘅關注同理。而唔係定義女性必定比男性易得到關注。
你全地球幾十億女性入面搵一個例子咁佢肯定以偏概全，而同理用全球幾十億男性搵一個出嚟都肯定證明到你嘅講法唔準確。白水自己跳出黎用學術框架dismiss人嘅情緒表達，自然會令自己都比人用學術連埋本來嘅情緒框架judge，但唔代表樓主唔夠嚴謹係問題。除非我哋以後所有人表達情緒都要學術化。
簡單講本來其實只係一個男人呻下情緒，白水自己跳出嚟掉學術用理論dismiss情緒，同時踩埋落樓主本來講嘅問題入面，而自己提父權摑多自己一巴咁解
其實你地係擾亂緊呢個世界，但講到自己好似拯救緊個世界咁，不過左膠都係咁。
唔講以為我係喺19年save hk fb page睇到呢個cm🥹
你點解會有個錯覺覺得黃絲同藍絲係唔同？根本大家對自己爭取緊既野都係半桶水，然後各自用自己既方式爭取「獨裁」
女權只係另一種爭取「獨裁」既方式黎既姐
你唔係真係以為自己係「進步」緊下話？
同意你所有講法，但你抽空左一個Context係講嗰個人嘅身份同途徑。如果今日白水係一個nobody或者係一個無咁多人關注嘅social media account，你所講嘅野係一定成立。但可惜佢就係一個受到許多關注嘅公眾人物，網絡上嘅一舉一動都會俾難以估量嘅人關注，可能佢本意唔係想批判，但好自然地佢任何發言就係會吸引關注因為佢本身就係流量明星。呢種批判好容易就會變質為批鬥即使本意唔係咁，然後我覺得最道德嘅公眾人物應該包埋呢種自覺。