首先，多謝爸爸媽媽警察哥哥姐姐叔叔姨姨 前幾日比個係功課輔導班識嘅"friend"介紹去做兼職，以為係去公司面試，點知上到去完全唔係嗰回事，而係傳！ 銷！ 騙！ 案！（ 附上地址：九龍灣企業廣場7,8,9,18樓） 上到去先帶你參觀下會所，跟著會帶你去到一個open office（其實就係一堆枱枱凳凳，勁很吵）然後就會有人同你講一個PowerPoint，跟著就會叫你俾錢啦，然後繼續話介紹更多人俾你識，話分享賺錢心得，但係其實個個都係老作嘅（之前聽過心理學上人的眼睛望向右邊時係發揮緊創造力，即係作故仔，個個得一兩句係真嘅），完左仲叫我第二日再上去多次喎，咁我緊係唔上啦。 頂，枉我真係當佢係friend，之前傾計仲同佢講過屋企著邊，佢第二日見我唔覆message no show去左我屋企樓下喎，頂我嗰時勁驚，好彩有爸爸媽媽撐腰加上報警落左案，之後都追返哂D錢返嚟（感激） 只能夠講經一事漲一智，警察姐姐都同我講世途險惡，唔好太易相信人，終歸係未夠成熟。