首先，我想澄清：我哋唔係任何代表，我亦冇呢個資格。
見到有人喺呢類 Post下面Tag我哋「出嚟駁嘴」，其實已經唔係第一次。我真心覺得呢類行為好幼稚，對解決社會問題完全冇幫助，只係喺度挑起矛盾。
而因為我老公係華裔，令到某部分非華裔覺得我係「華裔代表」，覺得我一定係偏幫華裔。其實，我又憑乜嘢幫任何一邊？我理得人哋係咩種族，我永遠都唔會企喺「做錯」嗰邊。

我之前見到有本地媽媽出 Post，話佢小朋友被非華裔小朋友打傷，我即刻留言支持佢報警。
我咁講，係因為我覺得做錯事就要負責任。我唔會因為對方係非華裔就盲撐。

但最無奈嘅係：
❌ 有人做錯事（好似今日亂拋垃圾），我哋就被 Tag 出嚟「交代」，好似我哋要為全族裔孭鑊。

❌ 講道理、支持法治，就被非華裔話係「華裔代表」，好似我出賣咗大家咁。

我想問：點解做一個是非分明嘅人咁難？

請停止呢種標籤遊戲，你哋想睇嘅「駁嘴」我冇，我只有「是非黑白」

好幼稚。。。。。。我講tag你地果推

所以我先決定一次過講清楚，唔想再喺呢啲幼稚嘅遊戲度浪費時間。

完全唔明呢啲人咩心理
我哋呢啲喺正「中間」嘅
啲排外毒男乜都要我哋孭，好似做錯事嘅係我哋；
啲畀佢哋恰到對生活無晒信心嘅非華裔，又覺得我哋為華裔嘅誤解解釋，係「偏幫」佢哋

是其是非其非真係咁難？
既然某啲華裔覺得自己係「高人一等」，咁諗嘢做嘢時文明返啲，符合番自己幻想嘅自我人設、又係咪好難做到？

我好希望有時會有其他人出聲，話畀呢啲排外毒男知，佢哋喺網絡咁樣係好影衰香港人
雖然我好清楚，我咁樣諗都係奢想….

真係。最無奈係我哋明明係用"人"嘅是非觀去睇件事，但人哋永遠只係用"標籤"去睇我哋。好似無論我哋點解釋，都總會有一邊覺得我哋係背叛者。見到你都明呢種無力感，起碼我覺得自己唔係孤單一個喺度講道理。
最荒謬係點解我哋要為咗一啲我哋完全唔識、亦控制唔到嘅人去交代？如果因為同族裔做錯嘢就要我哋揹鑊，呢種邏輯同古代嘅"連坐法"有乜分別？我哋首先係一個獨立嘅『人』，有自己嘅腦同是非觀，而唔係任何族裔嘅公關。

壞人不分種族

就係咁簡單。如果每個人都明呢份道理，就唔會因某人嘅行為，而要成個族裔出嚟交代或者孭鑊。

我想像到你處境好無奈
好似因為你嘅種族、出身、家庭就被歸邊/標籤
其實你都係一個獨立個體
有自己嘅睇法、代表亦只係自己
但其他人就將你盲目標籤，彷彿你嘅背景就係原罪咁
但我覺得你嘅睇法好合理 只係啲人淨係focus你嘅背景然後人身攻擊你
咁對你好唔公平

我以前都認識一啲非華裔嘅小朋友
知道佢哋學中文係好困難
所以見到你可以用中文字流利咁表達睇法
我係真心respect
睇你嘅po亦睇到你好地道 好關心香港發生嘅事 比起某啲所謂嘅香港人更香港人 所以我絕對覺得你係真香港人

希望你唔好俾啲說話影響到你
相信有唔少人係支持你🙏🏻

多謝你明白我只係一個獨立個體，而唔係任何族裔嘅代言人。你提到我嘅中文表達同埋對香港嘅歸屬感，對我嚟講係好大嘅肯定。其實我只係想做一個是非分明、真心愛呢個地方嘅人，好開心你會睇到我嘅努力，亦都多謝你幫我平反。我會繼續堅持做返自己，唔會輕易畀啲標籤影響到。 Thank you 🙏

我都感覺到你言談間有種好firm嘅感覺
但路過都想幫你打吓氣
始終呢個社會、呢個時代太多人批評
太少人表達肯定
而你嘅立場 思想 同背後嘅努力都係好值得欣賞
所以我必須留個言 為你打氣🫡

日日都有華裔作奸犯科，佢咪又係靜過外太空

所以好多都喺因為Propaganda、有新聞價值、有流量、有noise有得嘩眾取寵。
E.G. 有女人撞車就話 「又喺女司機」，呢類咁嘅 敘事方式 加深社會分歧，助長低劣文化圍爐。
有心人就將複雜問題簡單化，簡單問題複雜化，用標籤同情緒就可以帶班brainrot 遊花園。

又喺呢啲垃圾新開假account

呢類 Account 嚟嚟去去都係嗰幾招，除咗標籤人同埋喺度引戰，完全講唔出道理。

就係，對人唔對事好過分，正一混帳。

正如佢個名uncletalkshit，把口臭過屎係正常。隔住手機都feel到佢陣除。

睇條友個名都係d雙失，食飽飯無野做到處挑事既毒L,其實可以不理

其實世界係咁分黨分派,你想獨善其身係好難.你想發表意見,總有人會說不同意,如果係少數或者唔合理,不必理會.

無知真係可以破壞好多嘢！做好自己就算，呢啲人咁做，只會顯得佢哋更加無知、無聊。每個種族都會有好人壞人，啲人成日以為自己好有道德，但係佢哋做出嚟嘅行為，往往係比佢哋批評嘅人同事，更加卑劣同無知。

想回應就回應 唔想回應就無視佢地

其實種族真係完全唔影響件事
但無論係平時啲人講嘢 甚至係新聞報道
都好鍾意寫非華裔(早幾年仲係咁寫南亞裔)
啱就啱錯就錯㗎啦
唔通佢係香港人我就即刻原諒佢咩😓