香港不成文規定
1.只要巴士上層有孖位,就絕對唔可以坐人哋隔離（除非你哋識）
2.除非好多人,如果唔係一個月台幕門一個人（上限兩個）
3.扶手電梯必須左行右企
大家好,呢啲係我近幾個月嘅觀察,並唔代表個個人嘅立場,呢啲都唔係咩不成文規定只係幾個月嚟對香港人嘅觀察,我唔應該用不成文規定呢幾個字。
同時,呢啲規則並唔係一個強制性,市民有自己嘅選擇。我喺呢度表明,我冇批評任何一個人,只係表達近幾個月嘅諗法。
而家港鐵提倡扶手電梯全部企定定，雖然有廣播，但個個都仲係企晒右邊
下次選詞用好啲 😅
不成文規定係大眾意識先會用到
用唔好又會俾人公審嫁
不過見你 pin 即時補返飛就算啦
冇話絕對唔可以坐隔離嘅，
一般民眾會顧慮嘅嘢啫，例如：
- 驚座位太逼
- 隔離條友好臭 / 好煩
- 驚對方顧慮點解要坐過嚟
- 驚變態佬
- 驚俾人話變態佬等等
你講起呢啲嘢香港就同日本有啲似，內心比較多戲，會識得顧慮他人同自己。
上邊落嚟嗰啲好多時候就係冇呢種意識。
扶手電梯上是不可以行走，否則違反香港法例618章升降機及自動梯條例，若果定罪，罰第三級罰款，現時是一萬蚊。在港鐵範圍，若果無合理辯解理由而不左右企，再罰五千元及監禁半年。
今日搭綠van不滿座，居然有位斯文中年男士上車，要跨入去第一行坐入面個位，旁邊女士都即刻望吓後面發生咩事
其實想坐邊個位都係佢哋嘅自由,個位仲係吉就有權坐,係十個客九個都嫌麻煩啫
第三點左行右企以前都有唔係淨係近排先有……你應該講第三點應該係道德人士見到有人（唔係貼紙標籤有需要既人）坐關愛座就公審或眼超超
唔同人孖住坐，我依稀記得。呢個行為叫做。。。。。。（死腦，比啖油，明明到嘴邊） 性交距離。。。唔好意思！！社交距離（x交要乜春距離--負距離最好）大部份凡人都會覺得同陌生人太接近，例如一米以內。會唔太自在，但呢個距離無硬性規定。人多空間少，咪近啲囉，即係搭車咁。多唔多吉位，你唔使問我架嘛。普通人都可以抬頭望下，大量吉位，有個陌生人係要黐埋你坐。你驚定喜丫？我會發揮好客精神，比晒佢坐。同自己講，你仲企得，其實好過好多人。人地需要，比人地坐。甚至，呢班車都可以
1. 如果架車full晒 我唔會理 照坐
2. 未聽過
3. 呢個真 特別係超級繁忙時間
帶住小朋友上巴士最怕見到好多位但全部單丁位，不過只能無可奈何，我單人批馬都鍾意坐窗口位
男廁用尿兜屙尿，除非好多人，如果唔係應該隔一個黎屙
周邊咁多位，仲咩要迫埋一齊，大家都坐得㐛服 .. 唔通迫哂入一個車箱咩！
邊止香港
其實有咩地方啲人見巴士仲有吉位，都會坐埋人哋度/ 兩邊扶手梯都企
大陸部分地方真係會🤣
所以有啲人真係冇呢種意識
佢哋諗法就係：
我想坐嗰個位，所以我坐咗落去。
2 我知邊個幕門最快上到電梯我就揀邊個 理得你有幾人等