香港啲餐廳服務費真係好莫名其妙。掃 QR code 自己落單，水又自己斟，侍應唯一做嘅就係將碟嘢放低，咁都要收加一？有時仲要限時 60 分鐘交枱，食個飯好似打仗咁。幾時先可以取消呢啲唔合理嘅加一服務費？
煮埋俾你食唔係服務嚟？
維持個落單系統穩定性唔係服務嚟？
清潔唔係服務嚟？
覺得加一有問題嘅，去搵啲冇加一嘅舖頭食啦，香港而家大把
但唔該真係唔好講到自助形式嘅餐廳冇提供服務俾客人
你未入去 問佢收吾收加一
收咪走
你明知收 就等於心甘情願比佢屈嫁啦
馬鞍山有間垃圾拉麵店，自已掃 code 落單（我哋有禮貌同店員講，佢叫番你自已掃碼），自已斟水，仲要收 10%服務費 ... DKLM ... 差在未要自已洗埋碗，唔緊要，唔會有第兩次。
加一服務費係西方餐廳文化，但係人地真係會好好招呼，會主動換餐具主動斟水，會介紹Menu推介有咩好食，冷氣凍會帶埋披肩，食完會問你意見，香港就食屎啦，有啲紙巾要俾錢買，飲水要買樽裝水，執笠真係自己申請。
紙巾要俾錢買都係啲客搞出嚟 一張兩張咪算囉，有d成包成包咁樣拎
其實有啲餐廳真係唔使加一
希望唔使加一嘅文化可以宣揚開去
等其他餐廳都慢慢廢除呢啲不平等條約
我講過好多次，香港的服務業只懂駡人，並將責任推給經濟環境差；購買模式改變等因素，但從來不檢討自己的問題！
所以不進則退，俾大陸迎頭趕上，然後又話：人哋人工平嘛！
咁我哋人工貴就可以服務差囉喎？
無服務都算，最谷氣系態度差，黑臉，十問九唔應，要受氣先谷鬼氣😁
所有自己點餐的restaurants,
一律black list.
所以宜家對一d免加一嘅餐廳
通常會包容性高d
例如食物質素麻麻地但都會成日去
其實間餐廳一定要寫有+1，先可以收
唔鍾意可以唔入
佢唔+1，其實都可以直接加價
你最後都係要比，有分別咩？
問題係+1喺menu入面先出現
未入去外面又冇顯示又冇menu
其實～加一啲錢唔會落侍應袋，侍應都係得人工甚至有部分餐廳/酒吧老細會要求袋埋公家貼士（貼士箱）一半or全部
你唔收服務費，佢就喺啲食物嘅價錢嗰度，加返10%其實都一條數
固定加一，即是餐牌上是十元，你心目中可預見為十一元。其實跟他於餐牌上標價十一元免加一同一樣的付出。反而北美那些15%、20%、30%的tips suggestions 仲殺你一個措手不及。
咁你外國都要比小費啵～
咁你唔吊吓外國啲小費文化？
掃QR code我又覺得合理喎，好多人未知自己想食乜就叫咗個侍應埋嚟，慢慢揭餐牌仲要問人哋好唔好食，我心諗：唔通人哋同你講話唔好食咩？仲要分分鐘自己講錯就賴人哋落錯單，掃QR code最好睇過晒冇問題，先最後撳落單。有得俾你自由斟水已經好好，有啲行出去攞隻碗都話你！而且講真，食個飯，使唔使食60分鐘啊？真正食嘅最多20至30分鐘，其餘時間咪喺度碌電話同吹水囉，所以，幫襯一間餐廳之前，睇清楚人哋啲規則，避免爭拗！
講真一句，服乜撚野務費，直接標價果時加撚埋落去啦，原本賣10蚊，直接11蚊囉，整個服務費出黎根本on9
餐廳開門做生意人客落Order , 煮比客人是應該的,
不是服務, 唔煮開乜餐廳？
至於清潔更加是基本要求！
食環署發牌其中一個發牌條件要求, 不是服務, 餐廳夠膽可以唔清潔, 食環會檢控或釘牌！
落單系統每個餐廳不同, 是生財工具, 不是客人要求？
以上幾點都不是服務.......！
仲要比錢喺個手機payme畀埋呢
此類商店一律blacklist
羊毛出在羊身上
取消咗加一都係會響價錢上反映返
核心問題係你講得好啱既用餐體驗差
唔sure，收加一(10%)要向政府部門申請「康文署/民政事務署」，可以問吓議員解答