香港有樣嘢好奇怪
表面係個人主義、個人功利導向社會
亦係亞洲中數一數二，接收西方文化最多嘅地方
理論上應該要好似歐美社會咁，尊重每個人選擇
但成日係街/係網上聽到類似說話：
「xxx咁高學歷，做xx工嘥晒」
「xxx考咁高分，居然唔去讀醫科」
「xxx搵咁多錢，點解唔買貴啲嘅xxx」
「xxx結咗婚啦，點解你仲唔結婚」
等等..
所以唔好成日話大陸、韓國或者日本點點點
我覺得香港都仲未完全走得出，
中國農村社會嗰種集體主義意識
好多30+以上嘅人，乃至我哋啲gen z後生仔
都係有好多 鍾意用自己有限嘅眼光同認知，
去要求人哋應該點點點🥲
而忽略 並冇尊重過當事人嘅心態同選擇🤔
香港人個種白鴿眼，憎人富貴厭人窮嘅心態絕對全球數一數二
香港只係一個多西方人住嘅地方，但不代表香港人接受西方文化。 其實真正有機會與西方人緊密聯繫接觸的人集中在上流社會中產階級，讀國際學校或者在外貿公司工作的人。這些人口佔少部分。大部分基層小康成世人都未同西人相處過，本地學校也甚少教授西方文化，极其量也只得一科英文，一科西史，可能有些名校會有英國文學讀但唔多。 再者本地教英文的老師半桶水，教得掂正確語法和字詞運已很不錯，惶論傳授西方文化的精隨。再者，香港人去旅行多選日韓台泰，去歐美其實相對少。所以實實在與洋人溝通，文化交流根本少之极少。
唔使太擔心，其實只係演算法，令到某啲極端言論集中咗
我已經係中年管理層，老實講，我今日睇返後生仔，佢哋係有缺點，但係整體而言，我哋這班老坑喺同佢哋差唔多年紀嘅時候，整體表現應該係更差，好多人而家覺得佢哋差，係用我哋今日嘅標準去同佢哋比較。
其實香港有大量大公司會跨部門合作，而大公司請得嘅內地人，普遍質量係非常之高，根本唔會覺得佢哋差。
最後就係一啲乜嘢「咁高學歷，做乜嘢工嘥晒等等」，我又覺得依啲諗法好正常，相等於如果我中咗六合彩頭獎，我買咗架遊艇，我深信好多人見到就會話，如果俾我，我會買層樓／投資等等，又未至於係打壓別人，只係單純代入咗對方角色去思考件事啫。
19才子講咗好耐，小農DNA呀嘛。畀人殖民百幾年，淨係學識排隊同去廁所😂😂然後覺得自己好先進😂😂其實講到尾，頂盡咪高等華人，係唔知點解對眼生係個額頭度
香港的西化只流於表面，只跟隨一些制度規矩如排隊去排隊，保持清潔這些較易跟隨的具體行為，至於些精神層面如敢於表達自己，尊重個人意，西方的普世價值公平公易，公平競爭等全部學不到，所以你仍然在職場上社會上見到很多擦鞋拍馬屁，搞埋堆，走後門的行徑。西方文化，香港人學到個型，學唔到個神。
有冇聽過清末時嘅「中學為體，西學為用」？香港嘅西化係用嚟搵四方錢之用，文化本質一向都幾中式保守。
從來唔覺香港係個人主義🥲
成日有乜事都叫人維持表面和平，唔好出聲，集體秩序優先就真
真係個人主義就唔會咁多馬拍精，一日到黑搞埋堆，搞討好奉承
你有冇研究過歷史，現時社會接觸到大多嘅人以及佢嘅父母 祖上都係文化xx命嘅支持者/ 既得利益者，同七80年代有學識嗰班完全唔同人
我自己為華人
對華人嘅concept唔抗拒
但無論有錢定係冇錢嘅華人
冇內涵嘅嗰啲都係避之則吉
even 我遇得到的普通印度人/ 東南亞人三觀過華人好多

即使80年代，精英只屬少數，大部分人都較少接觸西方文化
我覺得主要係經濟問題
你冇西歐北美嘅經濟水平
就無辦法好似人哋咁輕鬆
其實唔止香港
成個東亞都係咁
人工看似好高
不過 (1) 財富集中喺少數人身上
(2) 好多高薪職位都係靠OT堆砌出嚟
香港係擁有資本主義最差嘅地方同埋中華文化最差嘅本質嘅混合體。
We all need to be renewed in every aspect.
功利主義同個人主義冇掛勾，而且同集體意識更加無關。
香港人反而係睇實用，叫讀醫科做例子
係因為醫科搵錢多同快，穩陣
我嗰啲親戚嘅心態都係咁，佢哋「見高就抬，見低就踩」，真係CLS。
有種說法可能都幾啱 香港冇經歷過實質嘅「改革」「革命」 俾英國人統治 都係跟上頭做嘢 學嘅係表面上嘅規矩同流程
香港人表面好有質素但冇根除過思想上嘅腐朽 信仰都係停留於點樣搵錢 結婚擺幾圍夠晒威水
好多各行各業都仲好似山頭文化咁 冇乜新嘅公司會更替幾十年嘅老字號
好多人唔尊重個人選擇，因為佢地細個不受尊重，尤其老豆老母老師，佢地靠唔尊重黎樹立權威
所以對著老豆老母老師老細就識尊重，對著平輩後輩就唔識
所以我喺泰國生活好舒服完全隔絕哂呢d華人東亞病夫思想，一切歸於純樸自然簡單
考高分 高學歷 收入高真的做乜都得（合法，對世界有幫助的都可以）
同埋人地的決定，收入高但喜歡某個品牌/喜歡買平嘢、考高分走去讀奇怪科/做另類事業、高學歷去了做痴線嘢…真的關你鬼事🤣🤣