📌 香港禁電子煙簡直係時
共 53 條紀錄
香港禁電子煙簡直係時代倒退嘅象徵
屌你老味啲成煙臭撚到。。幾年前仲諗住香港終於興電子煙，心諗幾好吖無咁臭，最後仆你個街為咗賺煙草稅禁撚咗
唔好講到咁偉大杜絕啲人攞嚟吸毒，嗰啲人要食大把方法食，而且本身吸毒就係牽涉社會環境問題，真係咁有心就喺心理層面諗計幫佢哋啦
唔好搞鳩電子煙，成煙真係好撚臭，又多濕鳩煙鏟搞到火燭，周街掉煙頭，睇見都炆
有啲人想食煙都只係想嗰刻要嗰淡氣姐，你咁樣逼佢哋淨係可以食成煙，仲影響身心，周圍唔食煙嘅人又辛苦
我作為討厭所有煙味嘅人，純粹盡量企返喺吸煙者角度諗，就算我自己唔理解煙民，會想像到咁有啲人有時可能真係需要吸淡煙呢，我係覺得可以一人讓一步。
成煙真係太臭&好多倖存者心態嘅人搞到火燭，咁電子煙係有減低咗呢方面嘅問題。當然並無減低健康問題，但至少對整體環境已有部份效益同幫助。
個人認為（確實係有少少理想化咗），係要開放返可以購買電子煙具、增加電子煙稅、非吸煙區禁吸食所有煙類、加強執行違規食煙嘅人、多啲兒童及青少年心理嘅輔導服務同埋改善整體教育手法（包括家長、學校同社會）。
十年前加熱煙出現, 煙廠已經有同政府傾過
其實唔止加熱煙電子煙, uber, e-scooter, 等等其他地方普及嘅嘢, 政府望上去都似唔想立法/修改現有法例(雖然有一方面嘅法例好積極啦)。
1997年出嘅八達通, 仲係好用過掃 qr core, 除此之外無咩野跟得上時代, 我地已經係井底之蛙架啦。
btw 煙民, 呢幾日轉左做手捲煙自覺係無咁臭🥹我都好憎自己d食煙位成地煙頭。最好係立法依家2008年後出生嘅人唔可以吸煙
禁哂最好啦，你都識得講食煙傷身心仲要臭
電子煙一樣係傷，只係你覺得冇咁臭就可以接受
如果禁哂就可以減少下一代接觸既機會，對大家都好
成日講全港禁煙啲人，不如諗下可行性有幾高😴😴禁煙唔同禁毒可以一刀切企硬唔Take，嫌棄他人前先諗下佢哋做嘅原因：貪得意跟風合群只佔小數，主要都係大壓力想搵個方法抖啖氣，你估啲煙民唔知害處咩？但佢哋覺得最好嘅減壓方法就係食煙，唔係吹波波可以代替到
其實香港煙民基本上都好守規矩，聞得出架火車頭都係食大陸煙或者萬XX，偏向咩人咩年齡層就係講唔聽個班囉
全球得不丹做到全國禁煙，不丹做到好大機會係佢哋係佛教國家，一生守教規同埋心靈上有寄託，唔使靠煙去抖啖氣減壓；其他國家都係用緊唔同政策一步一步去減低食煙人口，前提佢哋都係多對人民好嘅政策喎。香港而家搞成咁，煙民靠食啖煙有個放鬆出口去生存，佢哋係企定定食又唔周圍扔煙頭嘅，就放過佢哋啦
禁哂火車頭，學日本只可以指定範圍食，二手電子煙一樣害人，總之食乜煙都係害人，禁哂dL樣周圍食就最好
這問題先過阿爺個關，講明唔準香港全禁，一係等中共解體才有望改進。
唔講稅唔稅，我支持全面禁煙
其實電子煙/加熱煙，一樣係有臭味（利申返對唔食煙嘅我嚟講 真係聞過覺得都係一樣臭）
成煙嘅二手三手煙大家聞到會避之則吉
但電子/加熱煙對健康嘅毒害都唔會少，若然無味甚或聞落去係香嘅話會唔會間接地變得 acceptable 更加影響到其他人嘅健康？
禁電子煙唔係倒退，而係 搞咁撚耐都未能確切地全面禁煙/加強禁煙嘅力度同實際執行（火車頭到依家都周圍都係🙂）
禁煙條例, 由始至終都冇解決過執行問題🤦🏻♂️
試想想, 係巴士站見到人食煙, 打去控煙辦投訴, 控煙辦派人來, 犯人早已上車走得遠遠了, 控煙辦來到見唔到有人食煙, 收隊返歸, 走左之後繼續有犯人係巴士站食煙, 無限循環下去😖
明明當加熱煙係普通煙草處理咪得
18歲以上先買得
收稅
正苦無一樣野係做得好😒
其實政府禁電子煙 咪造就更多人買番真煙食🤡
你估啲人真係會走去介煙咩🤡
係應該禁晒傳統煙同電子煙，電子煙既二手同三手煙仲毒過傳統煙，禁係應該的
又想收稅，又唔比加熱煙納入稅網，又要想市民健康，唔好加重醫療負擔，但又唔禁煙，又要做雞，又要拎貞節牌坊
我建議任何煙類產品只可以有屎味，食完就臭過屎坑，相信幫到戒煙
我贊成煙草加至 1000 蚊/ 包，一土完全禁電子煙，完美解決。
紙煙好臭 你聞到會知道你食緊二手煙 電子煙可以係無味/其他味 你聞到果陣未必知道你食緊二手煙 可能覺得係某啲人嘅香水 電子煙同真煙一樣都係有二手煙 重點係點解唔一視同仁 包括但不限於電子煙合法化 宣傳教育另類煙草嘅害處等
作為唔食煙嘅人，電子煙的確係比較好嘅折衷，全面禁又不切實際
如果係咁好為市民健康著想
唔該禁埋下邊呢d
酒
超高糖肥仔水
超致癌燒烤野
你真係大愛 呢啲害人害己行為嘅人 你都企喺佢哋嘅角度諗🙂🙂👍🏻👍🏻你唔企喺吸毒嘅人角度諗？佢哋都係想逃避現實姐？。？
咁你知唔知點解佢哋會想逃避現實呀？你又理解到幾多？我本人強烈反對吸煙吸毒，自己原生家庭亦有呢啲人存在，更加能夠理解佢哋，所以文中都有講需要喺社會環境、心理輔導服務方面加強下，而唔係好似你咁一句劈落嚟逃避現實就當佢哋嘅全部感受，毫無價值
痴線 要考慮埋佢原生家庭 咁世界上無人要坐監啦 「佢細個無人教 值得諒解」 「佢無錢先去搶嘢 值得可憐」 做錯就係錯 唔通去到18歲都仲可以「他只是個孩子呀」就得咩 世界上都有好多人好慘 唔通個個都食煙吸毒？。？唔好合理化好喎 呢啲嘢毒害人就係毒害人 咁都要諗埋佢背景 不如我生存埋佢嗰份？。？
痴線，我作為喺呢啲家庭長大嘅人，都好憎呢種諗法嘅人，做乜要老奉人同情你成長環境？
所以我意思就係話加強心理方面嘅服務同教育囉，唔好覺得自己喺不正常家庭長大就等於只可以沉淪
查實我諗呢，我同你諗法係接近㗎，只係嗰一瞬間角度唔同少少姐，唔好咁啦
我覺得教育方面當然有不足 但家長教育都真係需要 唔好將啲嘢外判出去比政府或學校
你原生家庭有不良習慣嘅 你都可以堅持到唔學佢哋 我都非常欣賞 （啱啱有碌下你啲回覆🤣😂）
煙草稅佔香港每年稅收50-60億
你班蟻民想玩全面禁煙，正苦就會喺你份糧度攞返，到時唔好問點解薪俸稅入息預繳寬減少左咁多，隨時連寬減都無鳩埋，某啲低鳩能阿凡達成日話香港低稅，跟本唔撚係嗰回事，啲稅實則就係隱藏左喺你日常消費同自置物業內藏的魔法稅項
本身轉食加熱煙就係唔想咁臭，
而家又禁，話有害咁咪全面禁囉
又唔得，政府食得屎
因為太空油姐 全街都係電子煙 根本分唔到邊個食緊太空油，政府做野最中意一刀切 全部禁哂 最方便快捷
你估真係為你健康著想？就係知d人甩唔到貴貴都要買但電子煙斷左佢煙稅條米路在加下太多人走水貨返黎佢地冇水抽
最慘係，大陸周街都開曬門店可以買。。。 之前禁shisha ,但又話要做中東遊客🤣