香港茶記好到咁，有韓國遊客去茶餐廳問黑白淡奶茶杯有冇得買，老細答「not for sale」，但見佢哋鍾意之後送左兩套新嘅茶杯比韓國人，韓國人震驚了
韓國人想比錢買，但老細唔收錢，個「No Money」好直白😂😂😂
韓國遊客大讚非常感動，底下都好多韓國人留言係咁讚香港
呢啲係真說好香港故事，輸出香港文化
最緊要係韓國遊客有禮貌唔係貪心兼老馮都想比錢買，香港人係你客氣會比你更客氣，相反一樣….
我老公韓國人，佢未識我之前自己同呀哥去香港旅行，然後搭枱食飯果陣唔識咩係蝦餃只係食完覺得好好食又唔識encore叫，苦惱之際搭枱對香港情侶比左手頭上籠蝦餃佢地食（未食過的）🥺
所有香港fd聽完都唔敢相信
佢仲話比蝦餃呢個過程係冇對話但就feel到果種warm..
香港人真係表面cool內心好warm🥲😭
如果無認錯，呢間係西營盤水街既一間老舊茶餐廳。竟然都有遊客去食😅😂
上次帶日本老爺奶奶去天后一間茶檔食野
埋單既時候 奶奶話想試下用廣東話叫埋單
因為臨場教佢 所以又唔係好識講
開頭都驚老闆會發火 驚阻住佢做生意
茶檔通常黎得快走得快
結果老闆好好耐性 仲教佢講
最後仲係櫃桶拎左疊香港明信片塞俾我奶奶
老爺奶奶成個香港之旅讚不絕口
😝香港獨有人情味就係呢啲
韓國人話鍾意香港奶茶順滑茶味感，唔太鐘意珍珠奶茶奶精味太假
老闆Os：去油麻地上海街 啲餐具舖 買set新嘅 做手信呀嘛～
香港有啲茶記真係好好，上次係西環周記淚腺失控，我真係控制唔到又好唔好意思，但係嗰個唔知姐姐定老闆娘，冇趕我走不單只，用一個完全唔打擾嘅方式安慰咗我幾次，見我包tissue冇曬仲狂喊，又默默遞左包tempo俾我，最後走仲同我講：今晚平安夜有咩唔開心都唔好諗喇，唔好再喊喇，得閒要再嚟食嘢呀。（紙巾都唔收錢）
我都有努力控制，停左又補返個妝，但係成個鐘都係反覆out of control，佢完全冇打擾但有留意我，不時斟水俾我時，冇刻意講任何嘢，只叫我慢慢坐，走個陣唔係佢提我平安夜我都唔記得咗，我會記住嗰個收銀姐姐嘅溫度❤️我知道呢啲情況好多時都無人會理你。
我試過去天后食燒味飯，差唔多食完個陣，有對外國人坐係我隔離，睇左一陣想叫餐但個餐只係中午先有，咁我幫佢同店員講散叫，後來佢問店員可否俾信用卡，店員say no. 正當佢地起身走個時，咁我同店員講我幫佢俾埋，我同兩個外國人講i will pay for you, enjoy! welcome to hong kong!之後外國人問我係唔係local， 我話係，之後就走了。
呢間茶記由細食到大，老闆同老闆娘都好好人，最鍾意坐佢哋呢個位🙂↕️
其實呢，香港人只對x國人例外地衰，因為香港人根性就係照妖鏡，邊個衰格一定雙倍奉還
試過係旺角d咩香港仔魚蛋粉食麵，之後有班後生韓仔食完要俾錢，但間嘢淨係收cash，佢地淨係得e-payment，搞左一輪隔離有個阿叔話，唔洗啦佢地張單我幫佢地埋，之後成班韓仔講晒thank you，香港人就係咁，唔係人地要歧視你，只係你地唔配獲得尊重。
其實而家香港最後資產嘅就係香港人自己本身，留又好走又好，只要個個都做好自己崗位，隨時隨地都可以說好香港，唔會好似啲有權有勢得個吹字。
上一代韓國人其實好鍾意香港文化
發哥、哥哥係佢地眼中係神級地位
我用threads 就係想睇呢d
佢哋出咗下集reels 知道老細唔肯收錢專登去買左兩盒樂家杏仁糖比佢哋 勁客氣🥹🥹
疫情期間，結識咗一個川菜館老細，我非常欣賞佢用嘅酒杯。原來係佢外地旅行
特意訂返來，每次在菜館食飯，老闆都會同我飲杯。好可惜，半年後慘蝕離場。在臨別的1日，送我酒杯一隻，我珍而重之用到今時今日，人情味比酒更濃。