香港車圈根本就係一個大型換妻現場。

好多女仔本身係無車嘅。
但係佢哋好鍾意入埋啲車Group。
今日呢個女仔先同巴打 A 拍拖。
過多排佢哋散咗。
個女仔轉頭就同咗同一個群組入面嘅巴打 B 一齊。

就係因為呢啲男女關係。
原本一個好大嘅車友群組。
好快就會因為尷尬而拆開做兩個細群組。
大家原本係兄弟。
最後搞到面阻阻。

最後呢個女仔喺呢邊玩完。
佢又會突然之間同巴打 B 分手。
然後佢就會消失。
再出現喺另一個車Group入面。
繼續重複呢個行為。

其實呢種女係咪所謂 Group Killer？入到一個群組令內部關係惡化，然後滿足咗自己成功感/目的後就接著去另一度繼續搞事

咁點解班仔明知個女仔同過其中一人一齊都要鐘個頭埋去？

呢啲就梗係班仔嘅問題，換個 case，如果呢種女入到一個 group 搞唔起風浪，佢哋都會好快自動消失