📌 黎緊會香港去英國 要
共 36 條紀錄
黎緊會香港去英國 要北京轉機
想問下用BNO可唔可以係北京轉機的？ 🙏🏻🙏🏻
1. 只得 BNO 嘅話香港機場已經唔俾上機
2. 整個中國境內都唔承認 BNO 係合法證件
3. 香港人中國過境必須回鄉證，香港出境唔清楚，回程英國機場都要有回鄉證先上到機，有聽過 case 係就算英國冇回鄉證照上到機，去到北京都會 deport 你返英國🚬🚬🚬
1. 北京轉機唔使回鄉證 （親友試過）
2. BNO + 特區護照比香港地勤，英航、國泰都可以（親身經歷）
有朋友12月搭完Air China返香港
喺Heathrow用BNO+HKID過到
因為過境轉機24小時內唔使入境再check in多次行李就唔使用回鄉證
佢1月返嚟倫敦經四川轉機等超過24小時
香港地勤先至問佢有冇回鄉證
原則上唔得，但聽過人講ok，建議你帶定回鄉卡，萬一BNO唔得都仲可以用卡
謝謝 想用bno係因為唔洗整eta...有諗過可唔可以香港離境用特區護照 到英國入境用bno
我答你啦，早兩個星期係香港飛倫敦，北京轉機，如果有Bno,有要連埋特區比地勤check in,去到北京轉機時show 特區就得，但如果你直頭唔想show BNO,就用特區申請ETA,咁咪唔駛煩
好奇有冇香港人用非BNO其他外國護照入境中國? 有冇被要求取消"香港籍"
攞回鄉證，北京落地用。
攞定本特區護照，show 畀北京地勤用。到英國落地用bno 就得。
多謝指教 其實係咪可以出境hk用特區 入境uk bno🤔
出香港境只需身分證，護照係畀地勤確定你去得到目的地。
以我知成日大陸機會成日誤點
隨時畀大陸政府捉咗返去你就麻煩喇
而且我記得大陸機應該會行俄羅斯領空隨時會畀人撃落嚟
啱啱19/3因為Qatar取消航班，訂咗HU經北京到曼城嘅回程。
香港check in我用BNO passport，太太用特區，兩個都有被地勤要求出示回鄉咭。
到北京轉機閘口，職員問我有冇特區護照，話佢部機scan唔到BNO passport，反而話回鄉咭冇用。之後過X光機，反而就係BNO得，特區唔得。
我個人嘅經驗，最好有齊兩本passport。
另外過X光機個陣，要攞哂佢列出嘅物品，尤其水，充電寶，及雨遮等，否則會要求你搵返出嚟再過機。
我都係俾qatar取消🥶臨時臨急買左張未過萬既🥲🥲 你地買機票係用邊本戶照？🙏🏻
自己用BNO，太太用SAR。不過頭段香港到北京，可能因為係HX嘅機，做唔到online check-in，應該都冇所謂。
答返你個問題，BNO同北京轉機完全唔關事
1. 你離開香港用HKID，你轉機期間唔入境的話連回鄉證都唔需要有
2. 就算你真係會入境，唔理你有幾多本其他護照，你都係用回鄉證，因為中國籍香港居民就只可以用回鄉證，even你有特區護照都要用回鄉證
利申：幾個禮拜前喺北京轉機飛返London，用英國護照check in，有喺北京用回鄉證入境再出境，完全無任何問題
我英國飛香港北京轉機，坐南方航空。買機票嘅時候填bno passport number 南航官網無顯示任何問題，credit card 顯示錢照過數。
臨飛當日online check in 南航官網完全搵唔到我任何資料，member account 無，email 都搵唔到機票，好似所有購票記錄完全無存在過一樣。打航空公司電話，cut 我線。
咁我勁panic 去到機場櫃檯問，航空公司職員（白人）要我show 特區護照同回鄉證，佢先人手幫我改同check in （好彩趕得滯無執袋，乜7證件都帶哂出門）。我問點解買果時無提示passport 有問題，佢話所有中國航空公司都係咁，唔會認bno , 收咗錢唔等於會出機票俾你架，要in person 問。我話如果我無第二本護照同回鄉證會點？「Then your ticket is wasted」（輕挑～）
北京機場轉機過安檢果時都要再check 多次特區護照同回鄉證。我無離開過機場的。
可以用bno喺香港check-in﹐但需要用回鄉證入禁區（除非你排人手通道就可以BNO+身份證）﹐北京轉機唔影響﹐就算你要入境中國大陸都係用回鄉證。
試過上年貪平東方航空上海轉機去北海道，回程北海道返上海果程機delay接唔到原本夜晚7點幾果班機返香港，佢知你有帶回鄉證二話不說即刻話最尾夜晚果班9點幾機無位，包酒店接送連早晚餐叫你聽日飛，遲過我check in但無帶回鄉證果d拎香港特區護照嘅就可以轉到最尾班機即日返香港。純分享 ～
你班人唔洗咁好心, 自己冇常識唔緊要, google下都唔肯, 問下AI又唔肯。直接覆佢可以, 冇問題, 我試過就得
得還得
但遇著高智能地勤可能會花多少少時間
建議早啲到機場