黑店！
OroGold依間嘢 我啱啱中咗伏😭😭😭
被強制推銷後要買千幾蚊嘢先走得甩
但其實我超唔想買 但我真係走唔到
我比人圍住我就好驚好大壓力😭😭😭

上網一搵先知係黑店 真係好唔開心
但見到有成功退錢嘅case
想問有冇人有類似經驗

已成功退錢🙏🏻🙏🏻🙏🏻

千幾蚊走到算好好彩，依系列以色列人黑店平時幾十萬幾十萬咁劏！詳情如下：

我係第二個post講過一次，比大家重溫：
又係依啲以色列人開嘅黑店，多數係水魚集中地商業區會出現，海港城朗豪方都有，佢地通常係店度派sample吸水魚上吊，再賣海鮮價護膚品，d skincare全部都有即時效果，因為入面溝左粉底同Dame,有即時調色同短暫緊膚效果，咁佢開完你幾萬蚊skincare會送你免費facial,因為知你係水魚佢再拉你上附近美容院就更易劏到你幾十萬幾百萬大單。佢地依啲牌子嘅營業額好驚人，所以瘋狂地不斷咁開，本質上佢地係攞正牌的電騙😂

想補充啲資訊 我今日奶嘢果間嘢叫NUTONIX 位於中環皇后大道中
有人話佢地有幾間唔同名 唔一定係叫OROGOLD
大家可以嘅都提供多啲其他有賣依個brand嘅店名置頂 比大家睇路

中環呢間佢地成日行半個人出黎
勾人入去
阻住曬條路

真心唔係好明，點解會走唔到
佢搵支槍指住你🤔🤔
我都入過去呢間shop
嗰時又係拎咗佢啲sample
之後佢就叫我入去再試其他product
見到全部都幾千蚊一罌
又係不停叫我買呢樣買嗰樣
我即刻話 「搽完覺得癢癢 地我皮膚敏感唔啱用」
然後即刻起身走人
其實冇人會逼到你買
大個啦 做人面皮要厚啲 唔使驚呢樣驚嗰樣
Be strong 

呢間出哂名啦，總之見到以色列美容品牌全部唔買就安全

Sabon is good🥹🥹

香港揾到既以色列連鎖牌子得呢間正常

小姐小姐, 你個袋好靚呀喺邊度買㗎?😌

：關你鬼事咩 買得起咩你

哈哈笑左😆

次次行過佢都唔Sell我 ～ 想挑戰吓

有次諗緊野比人捉左入去，佢話特別同經理申請買一送一唔可以再托佢手爭🤣🤣🤣 問我邊張卡。

之後我望住佢，起身，施施然後出去頭也不回，完～

我哋已經不停講㗎啦佢俾嗰啲sample係唔可以攞㗎

對付呢啲鋪頭最緊要臉皮夠厚。

唔買唔俾走？即係非法禁錮啦？我一陣就約左人，你試下佢見唔到我搵唔到我會唔會報警？我係你就博佢唔報警喇，咁你先開到單架嘛。

想知你點退到

首先我喺搵返張單打電話俾佢
我嘅語氣係特登講到好嬲好惡
我直接喺個電話話 你哋啲職員強行推銷 我完全唔想買你哋嘅product
離開咗你間店我再上網搵原來你哋黑店 我真係接受唔到囉
我話如果你唔肯退錢 就會搞大件事

跟住可能見到我真係好嬲嘅關係 然後就再打返電話嚟話叫我拎返件產品落去退錢

但建議搵多一個人陪去退錢 我搵咗個炸晒手臂嘅女仔陪我
一個人佢地又可以繼續圍住你

Orogold 中文名係戇居
聽咁講，屈完人買嘢投訴可退錢，咁玩自己間鋪，擺明叫戇居😂😂

以色列店好pk. 之前有間Premier 響Times Square , 個死鬼佬hard sell 我勁貴產品，我唔買佢發老脾。慶幸執咗

你入間舖做咩呀。。。
其實你起身行出門口，佢冇權擋你！

根本對呢啲店員不啾，不啋，哂手夾擰頭，唔理佢，直行直過。

你好叻呀退到錢！！
啱grad嘅時候不諳世事俾佢sell到
非常悔恨 我記得都係$1890左右
係支peeling嚟
但已經買左冇辦法 唯有堅定決心
從此之後 冇人可以sell到我！！！
（之後有次俾人狂sell都冇買到 對方仲發我脾氣 即刻屌返佢轉頭）
冇人可以sell到我！！！！！！！

嘩 我上次戴耳機🎧中環行過佢地鋪 鬼仔俾個試用包我 我趕時間行好快 然後say thank you就走咗😆😆😆

佢哋成日請個鬼佬喺度，初初嘅時候話我哋總公司嘅總裁專登過嚟香港，試吓反映，由佢直接向我介紹，黐撚線，如果總裁咁得閒喺條街度做Sales，呢個品牌都幾戇鳩

其實大家係咪真係唔夠惡？點解會比佢說到你買 上樓就話少驚啫 喺地鋪/商場跑走人啦

Lionesse同introstem都係咁樣sell，行過絕對唔可以有眼神接觸

街上送sample 千祈唔好拎

jordan 永安喺Chanel counter轉彎都好似有間，又係有隻男鬼sales

係咪讚你衫/鞋/袋好靚, 然後你就覺得人哋讚你唔好意思就走咗入去？ 除咗派samples, 佢哋最鐘意就係搭訕. 我係當佢哋透明, 避免所有眼神接觸, 扮聽唔到佢哋講嘢. 當佢哋係污糟嘢. 👻

快d搵男人陪你去退貨

又多個post 呢位好彩攞得返錢

呢間野d sales會追出店面捉d客入去🤣好驚嚇

經一事長一智

定力

所有企門口派sample都係

用KPAY 或BBMSL 呢間垃圾卡機既公司多數都唔幫襯

cwb 有好幾間呢啲仆街黑店
每次經過都睥9佢地 好人好姐呃人

日日返工都望住對面啲人點樣俾人劏🤷🏻‍♀️無奈

門口企鬼佬拉客，企後生女人派sample全都是同一類型，
不要拿，不要試，不要入去
基本上不會有麻煩。

大聲呼喝，自己會醒一醒，然後打電話叫朋友

佢地試過用手按住我老婆唔俾走，我去到直接講手，佢地骨折又爆玻璃，佢地都唔夠膽報警

之後我報警，佢地話係自己跌親唔覺意打爛玻璃，又唔肯交cam recording，死都話冇嘢發生

人地唔講道理就要講物理

所有行埋黎sell我既，永遠話：我唔需要！

好多間Log on都長期有個counter類似呢間嘢
嗰日我已經唔理個sales
佢仲係咁吊我尾出晒佢counter範圍
我最後同log on啲職員投訴佢

我每次都唔會理佢

經過呢整店，一定要黑面+又聾又盲。

對佢地nice就會對自己銀包唔住。

如果強迫或拖壓 要人買嘢 已犯法

黑面大大聲，話唔買，再講就報警，要厚面皮，唔好咁care佢講你乜嘢

如果有下次(touchwood)
試下「唔係唔想買，不過 見到你哋班sales咁嘅服務態度 / 請埋d咁嘅樣嘅sales 就覺得你哋d嘢唔得囉」
唔想買就要堅持，product 係掂嘅話根本唔洗點sell

你超唔想買但係走唔到
呢句係咩廢話…？ 對手同對腳喺你度點會走唔到

係咪嗰啲鬼佬買嘢嗰間？

呢d情況一律建議大嗌非禮

呢間野超出名架啦
早排喺屯門市廣場行有個鬼妹見我行過勁大聲讚我件衫靚 問我喺邊度買 跟住我扮聽唔到
有個香港人sales直頭諗住追上嚟翻譯俾我知個鬼妹講乜
我即刻行快幾步扮聽唔到🙂‍↕️

又係呢間野，出晒名🤑💩

聽我講，
企硬唔好take (sample) 嘢

大個女要學識sayno

你尋日先係火星落UFO咩？㸃會仲落撘🌝