📌 點解以前嘅香港明星，
共 54 條紀錄
點解以前嘅香港明星，可以紅到打入埋日本／歐美嘅市場，反觀現在既《星》，連香港人自己都唔buy。
其實係有乜野因素，導致個反差今大，反差既意思係在於，實力同個人魅力方面明顯係差左一大截，同時上電視同做明星個門檻又低咗今多。
*希望土生土長既香港人回答
（不會問AI)
其實以前可以打入日本/歐美市場嘅星，好多係香港都被鬧得好甘。香港對自己嘅星從來唔算好友善。
首先以前資訊相對封閉單一，基本上電視播咩都好易入屋 同埋其實以前四大天王哥哥梅姐羅文等等等等都係俾佢地上一輩人嫌棄得好緊要 一樣鬧緊一代不如一代 「小白臉基佬女人形唔男唔女」之類評語從來沒變過
因為以前的星是磿練出來的，能力差小小也生存不到，是市場嚴苛淘汰下的倖存者喜。現在的星是造出來的…
Hard times create strong men🚬🚬
其實我覺得唔係咩能力問題，老實講，有幾多個真係天才歌星明星，一出世就唱得好演得好？上面有幾位講得啱，星係磨練出黎嘅，只不過以前同而家個做法唔到咗，舊時嘅星係默默努力一段時間，未必有好多人見到，但一個機會出現，佢哋就能夠發光發亮。
而家嘅做法，係俾歡衆睇住粒星成長，睇住佢由素人身份參加比賽，到完成比賽出道成為藝人。所以我個人覺得，用一個做咗一段時間同一剛起步黎比較，真係無乜意思。
其實而家呢班，唔係無能力衝出香港，例如好似 mirror 成員 AK ，Alton ，都得到外地認同攞到獎項，所以真係嘗試接受，比 d 時間新一代，佢哋係做得到嘅
利申先，半百大叔，見證過香港輝煌時期，哥哥梅姐陪住成長，會睇四大天王，王菲鄭秀文，而家係 collar 粉絲🙂
因為以前華語地區，係香港政治最穩定，而且係英國殖民地，容易吸收西方文化，係華語地區領先潮流，所以當時市場龐大，就有資源製作高質節目。
但現時香港已沒有這背景優勢，競爭大，市場萎縮，自然冇資源培育巨星
時勢造英雄（唔係貶低香港，有時勢都唔係個個做到英雄）
當時南韓大陸台灣星馬
一律係獨裁專政
根本無空間氛圍做創作
香港得天獨厚
多機會接觸外地文化
自由嘅創作空間做就咗興盛嘅娛樂圈
作品可以輸出到全亞洲
同時亦孕育咗一批天皇巨星
加上六七十年代開始
西方國家接收大量亞洲移民
移民渴求亞洲娛樂以解鄉愁
令香港電影 TVB 電視劇
成為移居海外華人嘅共同語言
唔講香港政治環境轉變
淨係講南韓台灣民主化
中國大陸改革開放
令三地創作空間大增
加上當地政府嘅支持同保護主義
香港嘅優勢迅速減少
廣東話內容被邊緣化
諗返轉頭
以香港幾百萬人
喺當年華人娛樂市場擁有不成比例嘅影響力
而家只係回歸常態啫
嗰個年代，資訊唔發達
仲要亞洲幾個國家玩文字獄（好似依家香港咁），尤其韓國，台灣，大陸，剩係呢兩個地方已經俾好錢，香港娛樂圈拍戲，做show
嗰時香港真係「自由港」，依家呢個名真係歷史文件
係不思進取，拍戲拍劇嘅超過9成垃圾劇情，你睇下tvb有進步過咩？有唔同嘅主題，但最尾都係三四角戀。打燈永遠都係大光燈打全場，廠景佔9成，對白離地，古惑仔講嘢你覺得仲斯文過教書。拍劇嘅你睇下乜撚野海關戰線都拍得出嚟，啲劇情荒謬到以為拍緊cue片，仲有好多嘢可以講…………反觀韓國甚至乎大陸你都睇得出人哋進步緊，港産嘢依家出嚟下下都要賣慘情係咎由自取
講緊實力同魅力上都爭幾遠，啫係做明星嘅門檻係低咗好多。
以前果d咪一樣冇實力。冇互聯網就好似城堡咁，永遠唔知外邊咩世界。
有左互聯網後，變天。
80 90年代，冇實力，但係又做到明星嘅人可唔可以俾1～2個例子。
鄭伊健
都話以前係冇互聯網，香港人永遠唔知其他地方既資訊。
有左互聯網個個轉去追韓星，新移民就追番大陸歌手。
以呢個年代做標準，以前d明星真係吹大左。當然依家競爭只會愈來愈大。
以前明星係band3考第1
有左band1學校出現，大家都知咩先係勁。
你講漏咗以前港星係穩揸東南亞、中國、甚至日韓市場，因為當年得香港娛樂圈最蓬勃，有咁大market share，自然容易擴充，而家度度都有自己娛樂圈，同埋娛樂方式碎片化，個market share分薄哂，加上自己香港人又唔buy，咪去邊都唔討好。
是娛樂文化的改變。 以前tvb 的確好有實力，亞洲甚至美加華人都會睇。以前歌星，明星都係由tvb 捧紅。 有劇做，有勁歌金曲，音樂電影，外國睇晒。 以前娛樂只有睇電視，香港小姐，台慶，勁歌年度獎，人人都趕返屋企睇。 基本娛樂文化或邊個藝人紅都係由tvb 主導。
另一原因係，香港電影的沒落。 以前港產片賣到外國，是令外國人認識的主因。 日本人識jacky chan 都因電影。喺外國紅嘅都是有做電影的。 到今梁朝偉都係因電影而令世界識佢。
第三是韓國娛樂的冒起，它不單取代香港，連最強的日本也取代了。香港明星不受港人歡迎也不意外。 只是香港人近來風氣愛踩自己人，係有點怪。 唔知日本人有無踩返日本明星呢？
現在沒有大台，沒有主導，沒有影響力的港產片，加上網上帶風向，負面留言充斥，香港娛樂圈好難好似以前咁。 其實不單娛樂文化改變左，社會文化都改變了。
其實708090年代有樣嘢都緊要，偶然都有人講，就係呢三十年入面日港，甚至同外國交流都多，當年要入外國市場，除左本身要有質素之外，仲要有當地人脈願意安排配合。
但問題就係香港普遍經營模式都著重短期回報，以前嘅星成功，可以講係傳統娛樂「歌廳」「酒樓」「夜總會」呢啲著重「現場表演」嘅磨練，或當時有好多比賽呢啲遺留嘅成果，但嗰三十年呢類娛樂式微，而當時又缺乏有系統培育人才，然後好多資方都只求短期回期，不求質素，
當時間進入九十年代尾，千禧年代：各行各業都出現粗製濫造，盜版，互聯網興起，日韓台的娛樂行業都進入現代化，有系統咁形成產業，J-POP興起，台灣劇集綜藝興起，到近代K-POP ，而香港開始品嘗到中國市場的大把大把快錢，邊有人會講求質素，無論作品還是人。
原因有好多，以上只係我見到嘅「一小部份」
第二項，真係第一次聽。（長知識）
我可唔可以理解為香港人編曲唔多掂😂
（打唔入其他market)
唔係完全禁，但會無獎攞，所以無人再做
又唔可以話香港編曲廢，係日本太勁
理解理解，或者香港人唔多接受到其他類型嘅編曲風格。
你要寫日本嘅style 又唔夠班og黎。
香港人都唔buy，點解又要響地鐵巴士大廈外牆網路電影廣告全方位出現要我地睇？
你嘅意思係商業價值好大，同埋事實上有一大班受眾？
（可以直接多少少，小弟唔太聰明）
某電視台旗下明星只是小眾人追捧，但佢地好似無處不在但其實幕後老細用錢推砌
指李二叔用錢，用係邊個身上？全娛圈知道旗下最紅嘅係粉絲經濟。
你講果d打入歐美日本既都係5隻手指數得晒，但真正紅既得成龍一個
以前歌星明星是多年磨鍊出來，全是揼石仔得來，哥哥，妹姐，校長，無一不是長期努力而成功，今天所謂歌星，全都是靠媒體吹捧出來，影幾輯相，化個潮妝，咁就歌手！
以前香港演藝圈很多熱錢流入，現在資本去哂韓國大陸，係人投資香港演藝圈
原因好多，不過各位要注意香港文化輸出最輝煌嘅年代亞洲其他地區仍然係以反共產主義名義行威權統治之實，而政治自由同影視文化藝術創作力爆發有正相關，and it speaks volume
你睇下香港成個產業搞咩先啦
你呢條問題同點解之前八達通領先全球一樣
冇所謂架 純粹係香港好野唔少但做唔到輸出個背後原因係咩
-有冇人做＆做完有冇錢賺。
-有冇可以極影響到國際既香港人做過文化輸出
-香港現在本土既文化，其實係乜野。
（作為香港人我都唔係好答到）
冇自主地方邊有資金敢all in推
推去國際代表緊啲咩形態
我都唔知 不過真好野應該會留得低
我buy, 應該係部分人buy, 大部分心唔buy
以前亂咁彈結他都冇片重溫，又低清。依家唔同，又高清又慢速，要求高好多。唱錯一次都記成世。咁高標準下生存到既歌手一定勁過以前d歌手。又要識改編又要識樂器。
講起以前
喺56k 上網年代, 我有個同學中四時已上網揾低清片學踩滑板~
呢件事諗返起都幾熱血....
Kamtel
出道第一日、個個話fresh 處啊！
第一個食頭啖湯啊！ on 999!
D有錢佬唔潛規則唔簽。
自己有咁多雞又唔正正經經去叫。
搵鬼唱咩。
跟本就係班既得利益者搞死香港