點解大家嘅價值觀完全唔撚同
都可以一齊咗十年
有冇人都係咁😓
有！我係一個放假會有規劃嘅人，佢永遠放假訓到自然醒，我鐘意啲嘢好整齊，佢會整亂晒，我未沖涼唔會上床，佢一返屋企就訓上床，次次嘈交都搞到我好似個黐線佬咁喺度bi-li-bla-la，佢就靜靜係到等我嘈完鬧完，咁樣…我仲炆。佢唔識煮嘢食，但佢整比我嘅雜錦公加太陽蛋係最好食，佢又細到大都有工人照顧，十指不沾陽春水，但係佢會幫我洗衫晾衫執屋，後生嗰陣爛玩，佢係屋企等我，我成日都話佢唔識嗲下我氹下我，但係係我最無助最難過嘅日子佢無離開仲同我講咗句，兩公婆係互補㗎啦。今年第十五年，如果你問我，我哋有無相似嘅地方，我可能真係要認真思考下，不過如果你問我，既然咁唔似，點解唔分開，我會答，我無咗佢唔得。仲有，呢十五年大大小小嘈過過百場架，我哋只係講過一次分手。
1) 好多人為孩子、房子、銀紙而忍。
2) 有啲情侶雖然價值觀好唔同，但願意遷就，而且唔會踩盡/踩過對方底線，呢啲咪可以大家共存囉。(嗰啲完全唔遷就嗰啲，就睇下做唔做到(1)，做唔到就離婚)
有啊，我廿年添。其實人就係要一凹一凸才可以完美的配合。如果兩個都亂就好嗎？
無錯，有時諗2個相同都係好事
睇吓你過唔過到關咁解
其實就算比你搵到價值觀一樣的人，都總會有其他野會唔岩，只不過價值觀唔啱比較容易引發日常問題。
咁其實日常又真係好似冇乜問題嘅。。但當討論到某啲話題就好大出入
諸位，點解價值觀完全唔同都可以喺埋一齊？因為你哋執著緊「價值觀」呢個「相」。
《金剛經》話：「凡所有相，皆虛妄。」你所謂嘅價值觀，其實只係過去經驗、教育同環境堆砌出嚟嘅念頭，本質上係空嘅。當你同對方喺埋一齊，真正連結嘅唔係嗰啲「標籤」，而係因緣。
兩個人可以共存，係因為其中一方或者雙方，喺無意識中做到咗「無我相、無人相」。如果你唔執著「我嘅價值觀先係啱」，亦唔強求「對方要同我一樣」，咁價值觀嘅差異就唔再係衝突，而係如夢幻泡影嘅幻象。
之所以仲覺得困擾，係因為你個心仲「有所住」——住咗喺「價值觀必須相同」呢個執著度。如果你能「應無所住而生其心」，你會發現對方就算諗法同你完全相反，都唔會阻礙到你哋之間嘅因緣流動。喺空性入面，根本冇所謂同唔同，只有當下嘅共處。
好多嘢都係磨合
冇嘢係十全十美
大家互相遷就 就算幾唔夾
就係因為愛 先可以行落去