又講番差唔多半個世紀以前，去食西餐，叫個焗豬扒飯，要等20分鐘，上枱嗰陣，唔係就咁由 waiter 攞住出黎擺低，而係由一位打煲呔嘅高級 waiter 用架餐車推出黎，埋到檯邊，先放低隻暖過嘅瓷碟係檯面，然後個waiter左手托住個焗盤，右手用一對羹叉，以好純熟嘅手勢，分五到六次將啲飯轉落隻瓷碟度， 然後將件豬扒放喺瓷碟預留嘅邊上，方便客人進食。睇住個waiter 一路轉碟，啲飯一路出煙， 仲有啲焗過嘅飯嘅香味，令人食慾大增。
好似呢二三十年已經見唔到呢種服務了。唔怪得去快餐店叫焗飯， 都唔係好多人知點解要擺多隻碟。
呢啲咁老餅嘅嘢，大家睇過就算，唔使認真。
步驟：
1. 拎豬扒出嚟放響碟；
2. 然後將飯倒落碟；
3. 盡量撥開啲炒飯，俾蒸汽走；
4. 放置炒飯期間可以切豬扒；
5. 你嘅焗豬扒飯可以食得，切好嘅豬扒可以連炒飯一啖放入口，正。 😀
有人話叫焗豬扒飯俾多隻碟，甚至幫考慮客人起凡係服務同儀式感，
呢樣嘢上咗年紀嘅朋友應該好有印象，
講西餐嘅儀式感，我又有試過：
40幾年前同女朋友喺一間小型嘅西餐廳，點咗個七打牛扒餐，
個餐湯係法國洋蔥湯，要等成20分鐘，上到檯真係好香，好熱，飲湯都用咗20分鐘，
到差唔多飲完湯，個 captain推架wagon埋黎問我哋件牛扒要幾成熟，然後就係檯邊煎俾我哋，一路見一路調味，淨係聞啲香味已經係一打享受，而件牛扒嘅份量真係夠兩人食，
食完main course, 個甜品有時點“焗雪山”，有時係“香橙班戟”，個 Captain 又推架車仔埋黎，睇住啲點著咗嘅糖漿同Rum酒由高處淋落個焗好咗嘅雪山度，or在我們面前用就同糖漿煮班戟，過程中啲酒同糖漿會有少少著火，都蔚為奇觀。
仲有個餐飲，可以加錢轉特色咖啡，我會點杯西班牙咖啡，個waiter係我哋面點著啲威士忌，用黎燒熱隻杯，先落咖啡，睇到我目不轉睛。
之後幾年嘅大日子都有再去，次次都好enjoy。可惜幾年後老細舉家移民就冇咗啦。
呢個係舊時廣東人o既傳統
以前d西餐廳講o既係「一乾三濕」
即係飯、湯、汁、三色豆 四樣
無論你食焗豬飯 焗牛脷飯 都一定要上齊呢四樣
如果你食焗豬飯 最正宗最傳統o既食法應該係先拎豬扒同三色豆去隻碟
之後將啲飯同汁撈埋啲 食幾啖飯 含一啖三色豆
一野噴落個小二身上
「hi! 咁難食點食呀! 」
咁個店家就知你係行家 會打番個7折比你
對我呢個飯桶嚟講
呢隻碟用嚟裝豬扒
方便食晒啲飯先再食😋
正常情況下
鐵兜係焗盆，唔會用嚟食飯
侍應要將焗盆裏面嘅嘢轉落隻碟到畀客人食
但係兩件嘢都上曬去枱面我就第一次見
呢個似係快餐店出品，店家俾隻碟你要你自己“起飯”。
that is a must
方便一邊品嚐豬扒一邊品嚐飯
佢擺錯位囉
焗嘢全部下面都要放隻碟㗎啦，個兜200度咁熱點傳菜呀
如果食客想移下兜飯個位，移隻碟咪冇咁容易燙到手囉
快餐有托盤畀你自己拎，求其放隻碟畀你都只係儀式感
睇圖
https://zh.wikipedia.org/wiki/%E7%84%97%E8%B1%AC%E6%89%92%E9%A3%AF
細個嘅時候做過餐廳暑期工，焗豬扒飯送到去個客張台之後，仲要係佢面前將個焗飯d豬扒同d飯放番好係果隻碟到。就好似你去飲，個侍應用兩隻匙羹夾d乳豬去你個碗咁將d豬扒同d飯重新排好係隻碟到。
以前餐飲貼心文化
會因怕太熱客人食唔到
同怕比個兜辣到客人
會有侍應向客人面前
成個飯從兜起落碟度
不過而家都好少見到
好多時都要問佢攞碟
呢間店貼心呀
正路三隻碟
一個成份入爐
一個隔熱墊住入爐碟
第三隻比你連一二碟反轉個飯
先開始食