又講番差唔多半個世紀以前，去食西餐，叫個焗豬扒飯，要等20分鐘，上枱嗰陣，唔係就咁由 waiter 攞住出黎擺低，而係由一位打煲呔嘅高級 waiter 用架餐車推出黎，埋到檯邊，先放低隻暖過嘅瓷碟係檯面，然後個waiter左手托住個焗盤，右手用一對羹叉，以好純熟嘅手勢，分五到六次將啲飯轉落隻瓷碟度， 然後將件豬扒放喺瓷碟預留嘅邊上，方便客人進食。睇住個waiter 一路轉碟，啲飯一路出煙， 仲有啲焗過嘅飯嘅香味，令人食慾大增。
好似呢二三十年已經見唔到呢種服務了。唔怪得去快餐店叫焗飯， 都唔係好多人知點解要擺多隻碟。
呢啲咁老餅嘅嘢，大家睇過就算，唔使認真。
係呀以前啲西餐廳係咁架，記得60年代尾我10歲嗰年第一次去灣仔麗都餐廳就係咁樣上焗豬扒飯😅👍
而家講呢啲，識回應嘅都一把年紀
that's the olden days while golden days
經歷過嘅事物，總會有回憶，
回憶裡面有影像，有聲音，有味道
不過就唔見得會係呢度嘅朋友嘅主流回應
BTW， 我今年70歲，三四十年前同女朋友拍多行街睇大戲，少不免有接觸唔同嘅飲食文化，雖然我都係一知半解。
70不大，以現在平均壽命來說，前面的路不短
主流就不大可能，後浪推著來嘛，但總會有人有相約經歷嘅
係呀，五年前老闆問我退休後有乜嘢打算，我答佢話 I am only Sixty-Five! 結果佢叫我留低幫手，而家仲返緊工， 同埋日日跑步。
我細個（60幾年前）去中環安樂園餐廳食焗豬扒飯就係見過你描述嘅情景，果種儀式感永世難忘
我細過你，今年先70歲。60年代返學嘅時候間中都會去比較 Formal 嘅西餐廳食飯，經歷過呢種服務。
當年仲有係檯邊現煎嘅七打牛扒，香橙班戟，同埋西班牙咖啡。同女朋友一齊，覺得好有面子。（其實間西餐廳係西環尾，屬於精品餐廳嘅格局，但個老細應該係喺大場做過，出品同服務都唔馬虎）。
早廿年前，大家樂都有呢隻碟！
我有時見到阿媽同個小學生一齊食焗豬飯，因為當時份量夠多足夠一大一細。
以前去新廣南(上海街) 食焗飯都係侍應轉落碟，而家唔知仲有無呢支歌仔唱。
以前係紅寶石或以上嘅級數嘅西餐廳多數會有，酒店扒房就更加唔使講。
而家可能要去啲老店，一個場有齊Captain, Senior Waiter, Waiter，著曬黑衫， 打埋煲呔嘅地方線可能會有。
呢度有分享 西瓜頭總理去新寧餐廳有呢種服務。有機會可以去試下。
https://www.youtube.com/watch?v=tl49frCLMlE
去紅寶石(偉恆昌) 反而無食過焗飯，不過總統﹑荷里活(舊) 呢啲餐廳都無轉碟🙂↔️
焗豬扒飯唔放落碟，個焗盤熱會辣手，而且會令下面嘅飯過乾。
呢個動作原來係叫做起飯， 好貼切呢，不過唔係做開呢行真係唔知。
我淨係去食飯咖咋，都冇留意到添， 多謝點醒。
無經歷過，但我記得好細個時大家樂會問你要唔要倒出黎
跟住無問就跟隻碟
而家就唔跟碟要你自己問
周打魚湯或羅宋湯
牛油面包
牛扒钣或意粉
西冷红茶式咖啡
雪糕
再高檔啲嘅，上主菜前會有個頭盤，通常係 法式田螺 或 凍魚
晒氣啦，而家大家樂會成兜飯cup轉放係碟比人，然後大把人撐食得大家樂要求咁多做乜。
都係憑三四十年前嘅記憶寫番出嚟咖咋，估唔到咁多人俾like 同留言。你哋鍾意睇嘅話·我就試吓出番多啲啦。
而家講以前精益求精嗰套，好容易會收到嘅回覆係「好食咪得囉」「明咪得囉」「有咪得囉」
妖，你咁樣講一講，以前啲畫面即刻出返晒嚟！當其時仲係同呀爺爺去食，不過係邊度食就忘記了
頂，見到你用個妖字，以為俾你寸，點知，原來你都經歷過😅😅
你講起呢樣，諗起好似係同一間serve嘅串標牛柳又係好正
多謝叔叔分享，真係好想可以親自見識到香港嘅光輝歲月
哈哈，由細到大去快餐店堂食都有跟隻碟，塊扒咁大阻住食飯呀，好自然就放塊扒去碟到切
現在快餐焗豬d 扒太細塊無阻住，未必要這動作都食到飯🤣
https://youtu.be/tl49frCLMlE?si=UiQlnfpmOKFgZXRM
20年前同個老人家朋友去旺角金馬餐廳食焗豬我都係咁問佢。。佢答我呢個係餐廳禮儀同服務，真正嘅焗豬飯係由服務員分落隻碟度比你食，當然果間餐廳無𢳂落隻碟度比我食啦，係自己𢳂落隻碟度食嘅。。講起金馬都執左好耐囉🙄
以前西餐廳出餐湯係用餐布包住個湯再潷湯落去你的
湯碗內。。。
我淨係聽過呀媽講，自己未試過食焗豬飯有人service 。
焗盤咁重咁熱用一隻手托住仲要慢慢分俾人食 佢哋都幾慘幾攰其實