📌 點解HKTVmall
共 56 條紀錄
點解HKTVmall 王維基做頭身分離動物測試啲人會咁大反應？反應大到我以為佢地第一日認識呢個世界。
我哋每日食嘅豬牛羊、救人無數嘅西藥同疫苗，到平時用緊嘅日用品同護膚品，背後全部都離唔開工業化養殖同動物實驗。一邊理所當然咁享受現代醫學同消費文明帶嚟嘅健康同便利，另一邊就對一個有機會帶嚟重大醫學突破嘅科研項目企喺道德高地瘋狂開火，呢種「選擇性道德潔癖」會唔會有點自相矛盾？
其實呢個被稱為「生物保存」嘅研究，真正目的係為咗突破現時醫學界一大樽頸：器官移植嘅黃金時間實在太短 。如果技術成熟，可以大幅延長離體器官嘅存活時間，未來分分鐘可以救返無數因為「等唔切」換心換肝而過身嘅重症病人。
我希望反對既人你本身係一個素食者，同埋千祈唔好去街市，因為我怕你會嬲到暈。更唔好講每日平均殺3000隻豬同羊以上既屠宰場，38隻只係10幾分鐘嘅事。
其實做呢啲動物實驗，
係香港
無論係大學定私人機構
都要交申請俾大學內部動物倫理委員會或者衛生署
等佢地審批
佢地有嚴格守則
確保動物喺實驗途中。如果遇到重大痛苦，或者喺實驗結束後重大嘅痛苦未能逆轉要即時安排安樂死
減少動物痛苦同埋要為動物嘅痛苦作出評估。盡量都係唔可以等動物受痛
但係呢，阿王先生呢個呢
佢嘅動物實驗唔係喺香港進行
因為喺香港hktvmall嘅動物實驗系根本唔會得到政府批准
所以佢就去啲法律守則冇咁嚴格嘅國家度嚟用錢去搞呢啲咁嘅所謂動物實驗
希望你明白呢
喺香港做動物實驗呢係要確保到動物嘅痛苦係受到保障
咁有咩國家可以容許到亂咁做呢啲動物實現其實唔使講得咁白啦，用錢就解決到
器官同頭仲有肢體有咩關係？你個病人係咪要換咗個頭？定係斷隻手唔即刻駁返就死？如果只係研究器官保存，大可以屠宰嘅時候攞出器官做實驗，點解要斬完個頭仲夾硬keep住佢唔死？呢種殺完生冇實際output就係濫殺，點樣同普通屠宰/醫藥實驗比？後面兩者係有output，都已經仲會被critizied 
真心癲 唔知講佢地天真定悟性低 唔知個世界一路係點run先有今日
仲有人同我講同食肉無關係 仲話自己唔食藥😂
到底知唔知自己講緊咩
吓？所以呢個世界一直都係掛個科學研究名就可以不顧道德做毫無意義嘅嘢咁run㗎？
我真係唔知喎，你幾時俾我見識下夾硬搵個被人斬頭嘅人過嚟，睇下點樣令佢不死？
搵個仲生存緊嘅頭顱俾我睇下？
點不顧道德法？實驗講明fullfill左倫理標準，講明不涉虐待，點解要搵個人比你試？定你食開人肉？
你食左素幾多年？你食既動物洗唔洗頭頸分離左先？
企係道德高地審完今晚去食和牛放題？
琴日我仲屌緊佢 今日睇左啲新聞
睇左佢應該係想延長器官捐贈嘅黃金時間
佢唔係將個器官砌落嚟再睇下keep到幾耐
而係器官如果keep係身體入面可以keep fresh幾耐
依家器官移植嘅技術
心離開左身體可以keep到4-6個鐘
佢假設keep係身體入面可以長啲當15分鐘=器官keep係身體入面比起現有儲放方法耐
1. 人嘅器官太短缺
2. Not do harm to patient原則 所以要用動物test
點解唔用器官晶片 應該apply唔到落呢個實驗
係咁2睇左係一堆organ cell係晶片上面
可以test藥物反應 器官捐贈嘅rejection
因為用幹細胞整出嚟嘅Bb 心肌細胞
淨係可以用係lab 唔係放喺人體入面用
3D printing 未用到係心臟移植但係可以surgical planning
比較接近啲嘅有 移除動物/人嘅屍體去整 不過好複製有興趣自己去搵嚟睇
呢個樓主令我充分明白點解學習傳統中國文化咁重要，原來對死亡毫無尊敬之心嘅情況就係樓主呢款
佢地年中出街唔知踩死左幾多隻蟻, 但唔會提
唔通螞蟻就該死?
做對人類有貢獻嘅實驗
同做對人類唔知有咩意義嘅實驗係唔同㗎喎
你答我，人類頭身分離不死有咩意義？
毛孩其實都食肉
牛魚雞罐罐點黎
當然啦人總係有d接受到有d接受唔到， 係有條界
而家器官移植既技術都係由動物實驗開始
世上邊有咁多人比你試做?
如果人類唔用動物實驗,
就唔會有救左好多人既器官移植技術
因為佢哋深信君子遠庖廚
其實只係眼不見為淨，偽善也
話需如此…..但大反應都係僅有嘅思想自由…..世界係點run每個人認知/認同感都唔一樣…..有啲人接受到殘酷血淋淋但有啲人聽到粗口都打冷震⋯⋯如果連反應大都唔得就真係要反應大啦
你講嘅嘢扯開哂個重點. 世界不停進步, 單單講化妝品做嘅動物實驗已經少咗好多, 有好多國家甚至禁止化妝品做動物實驗. 至於食物, 全球素食愈來愈普及. 肉食動物嘅飼養場都受愈來愈多嘅監管, 例如工人唔可以虐打動物. 唔好以為一句為人類福祉就可以點劏點切都得!
化妝品唔係必須品嚟，望週知。
但係，醫藥醫藥技術就必須要動物測試。
最後階段更加係人類（病人）身上！
冇化妝接近十年嘅女人路過！
希望你哋唔好入西醫系統度接受治療！
唔好佔用我呢啲長期病患者嘅資源
偽善突然想做聖人
我養隻貓啲貓糧都係其他動物造出黎 突然又話不必要痛苦講乜撚廢話
望佢地有病唔好食藥 中流感 等死就岩
又話唔好逆天 又話唔需要動物痛苦
最叻一句你冇人性冇惻隱之心
呢壇野懷疑王生對手請打手
但又冇理由咁弱智先係
幾百年前肚痾都會死人 以為人進化到唔怕細菌咩 咪又係前者做研究
咁既然用動物做分離實驗都係合情合理，不如下次用人仲實際啦，一定好快有成果，大家覺得做實驗幫到人甘偉大，你哋唔即刻衝出黎💪🏻💪🏻
我諗大家覺得衝擊個位，係唔expect一個網購平台會做緊啲咁複雜嘅醫學研究，仲要喺業績報告白紙黑字寫出嚟...🫠
加上近年嘅器官移植相關topic已經唔係一般咩自願捐贈咁簡單，大陸啲細路返返學就唔見咗...
一個成世都從商嘅王維基會走去做呢啲實驗，到底係為自己、為背後金主、定係真心為科學🤨
啲水軍對答好叻，講到合情合理咁
金主應該double pay啦
我都覺好殘忍，但而家嘅科技醫學技術好多都係呢d殘忍實驗得出嘅結果去研究同延伸，例如人體研究，我估大家都明我講緊咩研究，唔係到而家唔好話大家唔洗讀bio,做手術，好多藥物嘅技術都未必出到黎，而家人類壽命長，都因為係醫學倡明，無形間其實好多人都間接因為呢d實驗而生存，如果佢講埋個實驗成果可以為人類做到咩，或者因為個結果研究做到隻藥出黎救人先公佈，可能爭議都好大，但會好少少，只係希望人道些嘅方式同埋用動物實驗會係好次要嘅選擇，有得用其他實驗代替當然唔好用動物
禁多人都說晤人道
但我地日日都食肉
我地食的藥物、護膚品，都經過動物測試………自相矛盾😂
原來香港真喺咁多白痴, 佩服.
屠宰動物食用有一點喺文明人要守- 盡量減低動物痛苦時間.
切除動物頭部利用機械維生裝置測試動物幾時先死透,
本質就喺明知會殺死動物, 且盡量延長牠們痛苦(即使巳使用麻醉藥).
更甚者王生公司團隊對生物運作機制無知, 妄想用機械維生裝置代替原動物身體.
一直冇成果要令幾多動物痛苦先夠?
因為重大醫學突破只係面果浸糖衣，底果浸係權貴要活到150歲。
仲有一大堆賣寵物用品既公司出黎抽水，係咁係班傻人post度推廣自己生意，呢班人利用人同情心做生意，人格卑劣
其實同左膠屌美國佬
炸死伊朗班女學生單嘢異曲同工
成堆建制媒體喺度隨風起舞
究竟依家邊個最想王維基死自己諗啦
其實我地用緊嘅所有野
有邊樣同生命可以完全唔相關
科技嘅進步本來就減少咗好多生命嘅犧牲
大家都係共犯 無分高低
嚴格啲講得純五穀豆素+完全唔用藥嘅人
先有資格講
香港都唔係第一次有人要造9黃生，淨係知道個名既由來既人都已經知。所以我覺得一笑置之，不過黃生頂唔頂得住，從來都係靠佢自己
隻燒鵝上枱就係一隻燒鵝，你做咩要話我聽你劏佢果陣佢慘叫啫
邊有咁多道德L, 主要因為係王維基，HKTV, 如果係李嘉誠嘅科技公司，就會有好多人表示，勁/科技突破/可以救多啲人，諸如此類。
研究乜野生物器官之類，幾千萬咁少做得啲乜？
點解由個商人自己拎幾千萬揾人做就覺得做到？
呢啲生物基因乜乜物物，各大學硏究所咁多年都未搞掂，點解佢覺得系佢搞得掂呢？
吾會因為呢件事對佢反感，但成件事奇奇怪怪
叫啲傻閪聖母丟曬啲會係中國買到嘅護膚品化妝品再講😂唔做動物測試唔可以係中國賣😂 一邊用啲大牌子護膚品一邊嘈好殘忍
https://www.instagram.com/reel/DWl1ZIYCUBy/?igsh=dnhnMWQ0bzF1eW13
其實唔一樣。不過我唔覺得一般人接受得到自己要劏一隻牛。
或者至少由頭到尾 睇一次個屠宰過程。
我估我係OK 既。但未試過。
真係好應該 學日本咁，將呢樣野變成中/小學 課程既一部分。
唔係好明點解佢要自己申報呢一啲實驗，其實佢唔係應該已經估到一申報就會有呢啲反應㗎喇咩。
咩係選擇性道德潔癖？有選擇性唔係更好咩？個個都要接受架？點解唔可以矛盾💪