（冇惡意純粹問吓）
其實真係唔係好明點解巴士迷咁鍾意巴士
其實唔單止巴士迷啲飛機 坦克車……. 迷都唔係好明
佢哋話人哋鍾意追星 佢鍾意巴士有咩問題
你起碼追星係追緊一個人你會因為佢跳舞跳得好唱歌唱得好而鍾意佢 你話鍾意啲咩虛擬偶像都唔理啦 起碼你都係鍾意緊佢某個才能
咁如果你鍾意巴士 係咪話緊你鍾意巴士嘅引擎聲
定係巴士嘅獨特香味 啲人鍾意坦克車係咪鍾意佢嘅機油味
（我諗唔到巴士 飛機 坦克車…….有咩Talent）
（重要嘅嘢講三次冇惡意冇惡意冇惡意）
巴士都係汽車嘅一種，有人鐘意汽車嘅外觀、性能、乘坐感覺等。
認真答
（唔討論衝出馬路班細路）
暗底有留意或鍾意巴士嘅都好勁
有工程師律師醫生區議員
我發現應係自細觀察力強嘅小朋友
向外界觀察得多
而巴士as移動街境
好易被留意同接觸好多
亦容易啲成為愛好
另一個correlation係，大家好關心香港都市規劃道路法例城市變遷歷史政治呢堆，或者support小朋友自細觀察周圍力強呢點
冇呀，大家鍾意嘅嘢唔同啫，有啲人覺得偶像喺度跳舞唱歌好青春好吸引，又有啲人覺得啲機械嘢好精細又係另一種吸引；要我解釋有咩真係咁特別咁吸引，我又好似真係解釋唔到😂😂
巴士、地鐵、飛機、坦克都係人類科技嘅凝聚。同時一個城市嘅交通發展、規劃，又融匯咗歷史學同埋城市規劃嘅學問。
點解d人會鍾意畫畫呢？咪姐係拎張紙撩幾筆。但係佢地喺藝術創作嘅時候，會feel到好放鬆好快樂，大把人就算畫技差都照鍾意。
點解d人會鍾意買衫手袋波鞋呢？有得著咪得。但係收集唔同款式可以令佢地得到心靈滿足，甚至社交地位（like限量版、奢侈品）。
點解你會鍾意學生時期某個人，但係佢都唔算特別靚，可能只係佢既笑顏打動咗你。
人類既情感非常之複雜，每個人都會經由唔同嘅方式感受到快樂滿足。再舉個例子，個個都鍾意打機瞓覺啦，但仲係有小部分人真心鍾意讀書甚至自己返工。
你理解唔到既事情太多，但係呢正正就係人類嘅多元性。世界好大，你自己既感受未必個個都認同架。你以為嘅反常，可能只係人哋嘅日常。
我小學鍾意坦克，純粹因為坦克可以炸人，撞人，唔係研究機械嗰種沈迷
鐘意一樣嘢好難解釋，因為你係鍾意佢嘅完全體
但討厭一樣嘢好易講，因係你係討厭佢嘅要素
我覺得你思維上最大既盲點係，覺得一定係要鐘意人，或者人而衍生出黎既才華，但其實一個人係可以痴迷死物，可以覺得飛機呢啲大型工藝品係型、靚，可以鐘意衝上雲霄既動力感等等，世界好大，唔係淨係得人、同人際關係。
鍾意巴士、飛機既人往往對世界更有探索欲、更加鍾意系統性既野、更喜歡觀察世界，通常都會一併鍾意城市規劃、工程、建築、地理地圖。
不如試下思維開闊啲，唔好淨係著墨係人身上。可能佢地會調返轉諗，睇住幾條友跳舞，關心人地私生活，其實都好無聊
我唔係巴士迷。不過我都了解唔到知追星有乜意義啦，你唔鍾意個領域唔會理解人哋
其實好多嘢都講緊會有一班愛好者喺度，只不過巴士鐵路呢兩樣嘢大路啲知道嘅人咪多啲囉，喺香港飛機、渡輪、貨車、甚至升降機或扶手電梯都有愛好者喺度㗎，有啲人愛好嘅就比較表面啲係鍾意影相，你問佢深入啲嘅嘢佢未必識答，但係有啲人係鍾意研究佢嘅機械原理、運作原理之類、好少會去影相，其實有時有啲嘢你本身冇興趣嘅點解釋俾你聽你都唔會明白
我甚至見過歐美國家有馬桶愛好者添
因為我鍾意人類，而巴士呢一種form嘅公共交通工具真係好有趣；你諗吓，巴士係一樣唔需要路軌去行嘅人為移動載體，理論上佢有某一啲嘅路線，但都係理論上可以冇任何路線，一切都係睇你點定義。
我覺得巴士呢一樣嘢，除咗係對人造物嘅物質欣賞同敬畏之外（始終「巴士」係本質先於存在），去觀察呢一種隨時會可能有微小甚至巨大不同嘅「嘢」，已經好有趣了。
你有冇試過巴士臨時改路，有冇試過喺呢一個一同流動嘅載體裏面發生一啲好特別嘅事情？（對你而言好特別或者好重要就可以）咁到底若干年之後，你喺同一路線嘅時候，你又會覺得點樣呢？
所以我真係好鍾意巴士。
每個巴士迷都唔同未必答到你，但係答案有勁多個有啲係鍾意車型有啲鍾意路線，咁啲車唔係每日行同一條線咪有好多種組合可以追囉，同埋有好多係影相或者拍片嘅。所以整體嚟講我唔會覺得巴士迷係極度單一狹窄嘅興趣，實在太多方面
你問呢個問題其實好自然，而且問得幾有趣。你係想了解嗰種「非人類」迷戀背後嘅心理動力——點解有人會甘熱衷於一部機械，而唔係一個有情感、才華或者故事嘅人。
其實，所謂巴士迷、飛機迷、坦克迷，都係一種「物件愛好者」（object enthusiast）的文化現象。佢哋嘅「鍾意」唔一定等於戀愛式嘅鍾意，而係一種**專注、研究、沉浸嘅興趣**。
一個比喻：追星嘅人覺得歌手「跳得好唱得好」係精彩；巴士迷覺得一架巴士「線條優美行得順」都係精彩。只不過一方欣賞人類演出，另一方欣賞工程設計。
> 換句講，佢哋唔係戀住啲交通工具，而係戀住人類創造呢啲工具時嘅匠心、美學同歷史。
每樣嘢都有 Nerd, in a good way, 人有唔同嘅喜好其實好平常，只要唔好惡意影響到其他人就無乜大問題。可以冷門，但唔可以邪門。
Capabilities of tanks and jets? If you don't know anything about that, go watch some YouTube videos asap. I guarantee you'll be a fan afterwards
每一架野都有自己既特點
唔同部件Achieve 到唔同效果
巴士如是，坦克如是，飛機亦如是
你會唔會話唔知啲跑車迷鐘意啲架車啲咩？
我入巴迷坑 純粹鐘意機械 以前白板年代每架車都有唔同嘅坐感同聲 仲有唔同機械配搭
每個波箱唔同嘅轉速tuning 都令我入坑
我係鐘意嗰啲水箱波箱油壓高轉聲
所以我對而家啲電車(BED AED)完全冇興趣
飛機係工業結晶
你淨係研究國泰A330 頭批同尾批已經好大分別
可以研究航線、機艙服務、飛機設計、甚至飛機張凳都有分別
Who doesn't like tanks? Big armored box with big engine makes things go boom
又咁講，我都唔明成班麻甩佬為咗個波追嚟追去有咩好睇
其實好難解釋，可能鍾意引擎聲？車身？路線？等等，所以真係好難解釋