［心事台］👧🏻女投稿

同男朋友一齊咗6年，我哋平時都仲keep到好sweet，每個禮拜都會做2-3次，其他方面佢真係個好男友嚟，都好錫我。

但佢扑野時好鍾意錄影/影相，當正自己av導演咁。其實我真係好唔鍾意佢咁做，已經傾過幾次，但佢應承咗唔會再影之後隔多排又會繼續。為咗唔俾我發現佢就喺後面偷影，我發現咗嗰陣真係好嬲。

雖然我信佢唔會外流＋我會逼佢 delete晒啲片&相，但我真係覺得好噁心好唔被尊重，依家漸漸搞到我好抗拒同佢做。

我仲好愛佢，但性癖不合嘅情況下係唔係分手好啲？

#香港 #hkig #心事台 #感情台 #情侶

唔駛問啦
過多一排就見到你自己做啲外流group 女主角

相愛果陣梗係乜都得啦
萬一你地不愉快分手
你點保證唔會外流？
你點保證佢唔會用呢D 片要脅你？

都唔好話分手
如果跌左電話 比人hack 到擺上網
你仲有無面見人？
你屋企人會唔會比人笑到面黃？

拜託 唔好咁蠢 咁易信人
幾愛都好 都要保護自己

更何況

你係唔中意被人影！

你講到佢係好男友，
點解你唔中意既野，佢都要繼續做？

佢多次偷拍，唔尊重你，仲搞到你抗拒做愛。
就算你愛佢，但佢連「唔好偷拍」咁簡單嘅界線都守唔到，仲要呃你。
呢個唔係性癖問題，係誠信同尊重問題。

建議認真考慮分手。
因為一個人長期唔尊重你嘅身體同意願，
唔會只係床上咁簡單。長痛不如短痛。

下次叫佢含住假撚再幫佢拍片 睇吓佢明唔明白你嘅心情

呢d 真係好on9 🙄

不如你先下手為強，叫佢俾返d片你, 你自己開only fans acc，賺一筆先算

真係愛你就唔會拍片
幾小心都好 總有漏洞 會唔小心分享咗比人哋, 或者比人hack咗
拍得片就預咗會"唔小心"流出
同埋預咗佢會攞呢個嚟要脅唔俾你分手
呢個癖好似係當你工具多過想同你一生一世
一係就光明正大拍片上 Fans club, 一齊賺錢, 如果兩個都享受被拍攝嘅...~

你拍返片轉頭 攞主導權

如果佢肯俾你用假狗通佢後門同拍埋片，咁忍咗佢，以後一齊拍片。

信佢要驗腦

唔信。。無片無真相。。。

如果你覺得嗰 1% 咁困擾你嘅, 就分手啦

張柏芝接受訪問時，被問到點解會肯拍閃卡，佢話當時信任希哥唔會外流。希望你男友唔好攞手機同電腦去修理啦，唔係就大鑊😅

分手😊

任何人任何事都冇所謂百分百保證，愛嘅時候當成全世界；唔愛嘅時候當成廢棄物🤡

一開始就要no啦...佢upload左上網賣 你都唔知啦

幾顛，佢露賓周無蝕，你露樣露三點就輸哂。