#柴灣人警世 #柴灣新翠商場三哥

今日去新翠商場三哥食嘢，個體驗好差。

我哋去到嗰陣，其實完全冇人講過入面唔可以坐，又冇封住。見出面全部滿晒，就坐咗入面。點知坐低之後，完全冇員工理我哋，連張單都冇俾。等咗大概兩分鐘，我哋唯有自己行去收銀叫人俾點餐紙。

點知個職員竟然話：「就算俾單你哋，都係出邊啲枱啲單，唔會俾返嗰張枱啲單喎。」語氣已經好唔客氣。之後仲要大大聲講：「依度不開放，要出去坐喎。」成件事好似我哋做錯咗咁，超尷尬。

再講空間問題。我明白員工要食飯、休息，亦都見到當時有送貨哥哥嚟。但問題係——啲貨根本冇用嗰啲枱嚟擺。現場起碼有5-6張四人枱係空住嘅，冇用嚟擺貨。反而之後見到4-5個員工，一人霸一張四人枱休息。

你話人手不足，但又同一時間咁多人休息，仲要霸晒啲位，咁客人點坐？安排真係好有問題。

仲有，「非繁忙時間不開放」呢個講法都好奇怪。客服話繁忙時間係12-2點啦，但我哋4點去，成間舖都係冇位，但入面完全唔開放。完全冇彈性。當時仲見到有幾組家庭因為要搭枱直接走人。其實我地都唔係第一次遇到，去咗幾次所謂非繁忙時間（但係出邊冇位）都係唔開，同店員反映都係冇用。

上網睇Google評分得2.5星（算係最低嗰間😂），留言一堆都係投訴服務差、趕客、唔開放座位同食物質素。講真，睇完就覺得原來唔係第一次發生。仲要之後聯絡客服，對方一直避開「點解唔開放座位」呢個問題，只係不停話人手不足希望理解，完全冇正面回應。

總結：態度差 + 管理亂 + 完全唔彈性
柴灣人自己小心 🙃

@tamjai_samgor @tamjai_samgor @tamjai_samgor

比日資收購左就無好過
Backlist喇

新翠呢間嘢垃圾嚟㗎喎，上次等個餐等咗半個鐘係咁催佢，佢話出緊
點知吹咗兩次先同我哋去睇，原來漏單😂
嗰時已經講緊係半個鐘頭後
吹第一第二次都冇諗住幫我哋去睇

果幾張檯其實係平行空間，火星人先坐得。。。

有客入黎只會叫人搭出面嘅檯。。。點都唔會開放果幾張檯，因為樓面只見得兩至三個囉

我都遇過幾次，每一次個態度都好差…越嚟越衰

呢間係咁，長期唔夠人，但又唔請人

個度長期得一兩個樓面，廚房係大陸人吾知係咪外勞做嘢好垃圾

唔好傻啦，俾日資公司收購左，更加多規矩過以前。啲員工連扮禮貌都費事~

同埋唔夠人又點，對老闆冇影響架，你唔做，頂唔順，大把人爭住做。

今次CS扮道歉都冇

沒有CS的，我幾年前投訴 ，佢哋Facebook會無視，除非你報東張啦

員工食飯空間都要俾你話，佢地係咪要企係度食俾個位你先正確

食過就知幾差，個度平行空間有冇員工食飯或者出面多人到冇位都唔開，剩係叫你排隊等或者搭枱

咁多負皮😹

立即走。

呢間真係差到爆

試過坐着入面，無人會埋來落單，要走出去揾人。

美孚嗰間三哥都係咁，早兩年食過一兩次，都以後不吃了，三哥Apps都不要了。

柴灣食乜都好差㗎啦

冇人手封起一部份好正常
俾你入去坐又投訴冇人招呼
吾俾你入去 又會話有位都吾俾人入
點都你贏🫡

我去過咁多間三哥都唔夠人手㗎啦，但大部分都好友善同有耐心。其他三哥出邊冇位都會彈性處理，俾顧客行入少少坐

但係依一間唔俾你坐之餘，又惡又西…

更何況，我哋之後有幾組家庭顧客入咗嚟，員工都係叫佢地一係搭枱，一係出去等…

好耐冇去過呢間嘢

去譚仔食仲好

問佢入面係咪比鬼坐，唔開放比人坐

應該係就執嘅先兆

任何一間三哥都一樣難頂！

食另一間三哥

只能講一句老細請唔夠人囉，
但係我見到個牌暫停開放？？

拍枱走啦