📌 去紅館演唱會，好興
共 55 條紀錄
去紅館演唱會，好興奮
就算山頂都仲見得清楚
但而家既演唱會，
好多都去啟德主場館！
係有氣氛，但個場太大
根本主角都睇唔到
仲要好貴！
有冇人同我一樣鍾意紅館睇show多啲？
鐘意紅館都冇用, 一場萬幾人同一場幾萬人
以前得紅館就話要馬拉松式咁開姐
依家有個大場個個都想大場
至少唔洗唱咁多場先
遙遙相望的紅館叫山頂位
咫尺天涯的亞博叫「大銀河位」
望塵莫及的啟德大場根本就係「雲端位」
（高、遠到入咗雲層咁）
紅館正好多，起碼臨入場前嗱嗱聲去小食部買支嘢飲都唔使唔要個蓋
買啲嘢咬吓咬吓都唔知幾開心
開啟德嘅，唔該唔好諗住而家做一晚等於紅館做四晚咁好抵
票價係應該計返演唱者同觀眾嘅實際距離
啟德好似外國果啲場地咁
只感受氣氛，粒星似粒豆
但紅館個場起碼都立體啲
山頂都見到個人影🤭
直情係，唔中意追求場地大😂
仲有最唔中意企位，寧願喺電腦搶位😂要鬥早排隊真係好折磨😂
紅館就係正，山頂都好看，同音響都正些。睇過一次啟德我相信不會再去睇，感覺沒有紅館正。
各有各好啦。
氣氛真係睇歌手，舊年啟德睇Coldplay 坐到山頂d人都好high，謝霆鋒就睇到訓得著
梗係紅館好啦, 又近地鐵站, 散場仲有特別巴士, 坐39行都可以睇到曬成個舞台, 呢啲就叫世一喇
啓德場館雖然國際級……但啲飛售價又貴，坐位視覺又遠離舞台，堅揾觀眾笨柒！
紅館係最好，舞台多機關，聲又靚啲
人人都睇得清楚
最緊要交通方便！
紅館真係無可代替
但啟德真係仲衰過亞博Arena
（無論主場館定體藝館）
我😂😂
上次去完啟德. 完場又餓又攰
仲要百萬行feel 先去到MTR🤣🤣
紅館廁所好舊好窄好少格。
啟主啲廁所又新又大又多。
我揀啟主。
紅館is the best ! 肉眼睇啓德粒星只會變咗粒「米」無論貴飛平飛。
啟德先無氣氛，根本聽人唱歌，唔係聽歌手唱歌，紅館先氣氛好
我未睇過啟德,但係亞博,九展,中環海濱同紅館比,最好都係紅館
Yes. 紅館大約萬人最好。主埸館4-5萬人，俾成千蚊坐五樓.
開紅館就更加買唔到飛🙂↔️無可能叫個個開10幾場
張敬軒The next20紅館演唱會世一🙂↕️😎👍👍👍
yes 紅館世一, 起碼對眼望到個歌手而唔係入場望 mon