同「香港」拍吓拖
呢啲長假期，出街少啲人，其實最好係留喺香港同「香港」拍吓拖。 出去漫步一下，觀察吓街景，感覺係好似已經認識咗好耐嘅人，拖住手咁樣一齊去觀察、感受、同埋緬懷過去。
尋日嘗試做完gym之後轉過彎去咗加連威老道一直行到尖東好時商場。喺條街度走嘅時候，我發現真係有好多回憶。
記得少年時代好鍾意同爸爸媽媽去加連威老道搵嗰啲服裝舖頭度買衫，好多時候都會搵到好多剪咗牌嘅外國名牌，每一次都好似尋寶咁樣。
又記得我有一個 best friend 佢有一年暑假響尖東嗰頭做暑期工 sales。我成日無所事事都會經過加連威老道走過去佢舖頭度探佢。
我又記得有一段時期，有好多潮人都會去利時商場，最鍾意扮潮人嘅我又鍾意睇古靈精怪嘢嘅我有一段時期最鍾意同朋友去嗰度「蒲」。（講講吓我發現「蒲」呢隻字都已經好懷舊。🤪）
我又記得有大約兩至三年，唔記得同啲乜嘢人會去尖東噴水池附近聖誕報佳音。我仲記得有一年2000年去嘅，嗰一年特別抑鬱過聖誕，一個人同一班唔識嘅人三九唔識七咁去過聖誕。
呢啲長假期，出街少啲人，其實最好係留喺香港同「香港」拍吓拖。 出去漫步一下，觀察吓街景，感覺係好似已經認識咗好耐嘅人，拖住手咁樣一齊去觀察、感受、同埋緬懷過去。
尋日嘗試做完gym之後轉過彎去咗加連威老道一直行到尖東好時商場。喺條街度走嘅時候，我發現真係有好多回憶。
記得少年時代好鍾意同爸爸媽媽去加連威老道搵嗰啲服裝舖頭度買衫，好多時候都會搵到好多剪咗牌嘅外國名牌，每一次都好似尋寶咁樣。
又記得我有一個 best friend 佢有一年暑假響尖東嗰頭做暑期工 sales。我成日無所事事都會經過加連威老道走過去佢舖頭度探佢。
我又記得有一段時期，有好多潮人都會去利時商場，最鍾意扮潮人嘅我又鍾意睇古靈精怪嘢嘅我有一段時期最鍾意同朋友去嗰度「蒲」。（講講吓我發現「蒲」呢隻字都已經好懷舊。🤪）
我又記得有大約兩至三年，唔記得同啲乜嘢人會去尖東噴水池附近聖誕報佳音。我仲記得有一年2000年去嘅，嗰一年特別抑鬱過聖誕，一個人同一班唔識嘅人三九唔識七咁去過聖誕。