📌 同男朋友同居咗就嚟
共 50 條紀錄
同男朋友同居咗就嚟10年
琴晚互相講咗不滿後，我就出咗廳瞓
其實如果佢出嚟氹我我係會返入房瞓
不過自己偷喊完，諗返起呢10年大家嘅性格不合
我覺得係時候要放手
今日返工一路諗究竟我應該返阿媽到住定係出去租屋好
頭先打左俾媽咪，諗住開玩笑問佢我返嚟住好冇
但係問完佢喺邊之後，佢話屋企有我嘅信，問我幾時返去拎
我停咗十幾秒，唔知點答
眼淚就流落嚟，我問唔出口
我唔想佢哋擔心我
我應該點好
成個過程爸爸係廳都一定聽到👂🏻⋯⋯
有時都好多謝佢地好多事情知道左就算
唔會再問落去。
只會問我聽日想食咩早餐😭😭其實我都3x
多謝咁多位陌生人既鼓勵😢
我返左去了🙏🏻
原本我執晒野諗住去租三晚酒店
睇完你地留言我又鼓起勇氣打俾媽咪
今次係爸爸聽電話
佢問我係咪今晚返去拎信 係既話佢就煮多兩個餸 食埋飯先走
我話唔知呀......我以為係媽咪聽電話...
聽到爸爸把聲 我更加講唔出口
講多兩句我ee哦哦咁話我可能過黎訓覺
佢話你咪訓完先返去囉！...又忍唔住喊
然後索鼻涕聲俾佢聽到，問我係咪病左
我強忍住喊聲扮鎮定話無事，唔知點解釋咁同佢講都係唔返啦就cut左線。
隔左陣媽咪沖完涼打黎第一句就問
係咪返屋企食飯，食既話就煮蕃茄蛋湯俾我
我問我張床乾唔乾淨，佢話上次家姐個仔先訓完！
仲話拎張新被俾我😭
其實我爸媽唔會問長問短既類型
每次打返去就問返唔返去食飯
有時覺得佢地好需要陪伴
有時覺得佢哋只係關心我地有冇食飽飯
我食完飯沖完涼就走去問碌緊抖音既媽咪
我係度住好無 佢問我點解 笑住問住厭左果度呀？
我開玩笑咁答佢係呀 唔想住果度啦就走左
隔左陣佢入我房 坐喺我床邊 好認真咁問我
你做咩話係度住？你地嗌交呀？
我笑住答佢係呀，分左手啦，做咩呀？你唔捨得佢？
佢答我傻既！點會！就出咗去
媽媽好錫你，係你永遠最大最堅固嘅後盾。
我係一位媽媽。如果有一日，我嘅囡囡仔仔受咗委屈，我希望佢哋第一時間想起我、想起溫暖嘅家。
唔需要怕媽媽會擔心、會難過，因為媽媽只想好好抱抱受傷嘅小朋友。
如果我個女係咁， 我係寧願佢乜都同我講， 唔駛怕開口， 因為我地先係一家人，無野重要得過一家人
好明白你 睇到我都眼濕濕🥹
上年5月我發現一齊左9年結左婚半年嘅前夫出軌
我當下就買左張機票過幾日就飛返屋企（嫁左出外國🙂↔️）
飛機準備起飛前先同我媽咪講話我一陣就返屋企啦 返黎陪你過母親節
佢問我點解咁突然嘅 但係我唔敢同佢講真相 只係話掛住佢 諗住比個surprise佢
翻到屋企後我都係扮無野咁同佢相處 佢仲私底下問我妹家姐係咪有事 而我之後忍吾住同佢講晒所有野
佢聽完第一句就話 你係我個女黎架嘛 你返黎我一望到你嘅樣我就知你一定係有事
當下真係喊到收唔到聲 覺得我都31歲了 仲要阿媽擔心 好對佢唔住
呢個故事冇老豆呢個角色係因為佢前幾年過左身🥲
但係以佢嘅性格佢一定係即刻叫我離婚然後搬返屋企住 （好掛住佢❤️）
好慶幸發生事情嘅呢一年屋企人都好支持我 令我知道無論我做咩決定都好 佢地只要我開心就得
而我同前夫都拉拉扯扯左好耐先終於係上個月成功離婚 🎉 身邊仲好多人恭喜我😂
所以樓主你之後都會過得好架 加油加油
我以前都係唔想阿媽擔心，成日話過得好好。其實一d都唔好。
離開個男人時，都有諗過自己搵屋住。最後我都返左屋企。仲係家姐細佬一齊幫我搬野返屋企。嗰晚阿媽仲唔訓住等我哋返去。
知道我要返去，佢已經準備好晒被舖毛巾畀我沖涼。
相信我，屋企係你最大後盾。
如果你只係勉強的開心，不過早d放低開始搵返你嘅幸福。
我淨係搬屋有幾個星期冇屋住，同我媽講話帶埋隻狗返屋企住一排，我媽即刻話住幾耐都得！返去嗰日我媽都準備好晒乾淨毛巾被舗😭😭媽媽真貼心，有媽的孩子真是永遠寶寶☺
我老公出軌我第一時間同阿媽講，得到全家支持，而家不知幾開心，母女關係都好咗。如果你媽媽係正常錫你嘅媽媽就放心講啦，你唔講你媽仲擔心
你爸爸媽媽唔會多問，但係關心你飽唔飽已經係表達左佢地對你嘅愛😭🩷就算已經10年，佢地仍然隨時歡迎你返屋企真係好sweet
返屋企啦，屋企人先至係你既避風港，如果一齊10年都仲有未磨合到又大家都接受到得過且過既地方，真係要諗諗，想要自己開心定係又嘈交過日子? 但係嘈交都係溝通既一種，幸福既野，外人既意見好難代表一切，取捨既野，有得有失，自己先係最清楚個個啊，老土個句啦，人生有幾多個10年?
我想真係confirm分手先通知老人家，如果返去瞓幾晚又唔分手好似要佢哋白白擔心我咁，同埋好似比佢哋知道我平時原來唔幸福？
我明
我都試過問「我搬返來住好唔好？」
媽答「邊有位俾你呀而家？」
🥲
我同居4年分手，分手後自己同呀妹搬左出嚟住2年，好好咁過渡左同調整左自己情緒，我同我媽關係好好，但我媽屬於好關心既類型，無形中會比左壓力我，所以我揀左搬出去先，3月頭全新既我已搬返去呀媽到😆
如果經濟許可，可以自己搬出嚟住一個死約，過渡自己情緒先🥹，因為搬左返去，會成日為左唔好令老人家擔心而收埋自己情緒，會仲辛苦🤥
好彩你無註冊結婚, 分手啦！對下落你同佢應該行吾到落去
人間有愛post 黎 希望樓主感受到家人既愛之後快啲振作
世上有好多種唔同類型嘅父母，你爸媽都係愛子女心切嘅類型，佢哋不斷重複問同一個問題，就係想你答：「好啊！今晚返嚟陪你哋食飯，順便攞埋信。」簡單一句，勝過千言萬語，又點止煮多兩個餸，九大簋都有得你食😆
經濟許可就獨居一排先再同阿媽講
我都係咁，pick up返生活先開到口同媽講分開左
佢唔出黎氹你已經係態度～
我就會自己搵屋租，我硬頸
如果你真係覺得呢個世界有一樣嘢叫做完美夾嘅話，咁你咪去追求
如果你認為呢個世界唔完美，但係可以接受唔完美嘅話，咁你咪同佢再溝通
主要係你而家到底知唔知你想要啲咩
其實同居已經可以知道條路係咪可以一齊行落去，十年先發覺唔work一係搵專家幫你地做輔導，一係立即放手挺起胸堂繼續自己嘅人生，人從來都係一個人來一個人走，唔好將感情同婚姻諗到月球咁大，一個人都可以好精采
五好收埋內心感受，相信父母永遠最錫自己，男朋友老公怎會，性格五合，早分為妙，好過第日後悔！回家吧
你都起咗放手念頭，好難收返。
直接同媽媽講，你比佢估估下佢先仲擔心，言談間佢可能feel到唔對路，但又唔知乜事就會擔心。分手咪分手，返去住咪返去住，佢見到你個人完完整整就唔駛點擔心。
係囉，見到個女同埋準備嘢食俾佢，阿媽會放心好多。我都支持樓主返屋企住一排先。
返屋企有強大後盾,如真系性格不合就重新計劃自己人生！
同男朋友嘈交，執左5大袋野返屋企，係樓下見到媽咪，佢問我係咪同男朋友唔岩，我話係，佢無再問啲咩，仲好快返左上樓幫我拎架車仔落黎幫我推返野去，仲打埋電話叫老豆落黎幫我搬野，上左去，佢地咩都無再問同講，屋企人永遠最好……不過我好令佢地失望，過左幾日，我又搬返啲野返去🤣🤣🤣🤣
抱抱
過來人表示，屋企人先係你永遠最強後盾！
曾經一樣好徬徨，唔知點同父母開口，唔想佢地擔心亦都唔想麻煩佢地，不停自己死頂🥺
我仲好記得我爸幫我搬到啲嘢到門口（父母離咗婚好耐唔會見面），佢話唔入去啦，之後雙手夾住我塊面話冇事嘅，得閒食飯！ 跟住行走，我望住我爸背影都即刻喊咗出嚟🥲 我入屋見到我媽一晚執清咗嘅房又再喊🥲
就係覺得好感恩，至少仲有父母，朋友都有好多關心
抱抱你，明白你果種可惜，10年真係好長嘅時間，不過你明白真係夾唔到然後斬欖，係一個好勇敢嘅決定！
你之後嘅路一定會慢慢變好，有更好嘅事會發生，遇到更好嘅人，最重要係你識得點樣對自己更好。✨✨
祝福你💕
同ex一齊8年同居7年嘅過來人🙋🏻♀️
性格不合係唔會磨合到的，咁辛苦為咩呢？依家分手，好過你結咗婚之後因為你頂唔順而離婚
有能力就獨居吓先，你覺得你ready好再同媽媽講
加油！💪🏻
其實唔明，唔想佢哋擔心，你唔講出心底話俾父母知，佢哋估估下，仲擔心。係父母，一定開心接你返嚟瞓，始終係一家人
報喜不報憂，任何環境都可以嘗試去訪問一下嘅，訪問完先算？🙌🏻
作為一個媽媽
將來我女真係打番黎話返黎住好無
我一定會答佢
屋企緊係仲有你張床la
你幾時番黎呀 .
天大地大 有屋企人做後盾係好重要
同媽媽講句，我掛住你呀
我番黎喇 .
阿媽一定明 .
家是最好的避風港，有乜事一定要同屋企人傾，佢哋一定會支持你