同男朋友同居咗就嚟10年
琴晚互相講咗不滿後，我就出咗廳瞓
其實如果佢出嚟氹我我係會返入房瞓
不過自己偷喊完，諗返起呢10年大家嘅性格不合
我覺得係時候要放手

今日返工一路諗究竟我應該返阿媽到住定係出去租屋好
頭先打左俾媽咪，諗住開玩笑問佢我返嚟住好冇
但係問完佢喺邊之後，佢話屋企有我嘅信，問我幾時返去拎
我停咗十幾秒，唔知點答
眼淚就流落嚟，我問唔出口
我唔想佢哋擔心我
我應該點好

媽媽好錫你，係你永遠最大最堅固嘅後盾。
我係一位媽媽。如果有一日，我嘅囡囡仔仔受咗委屈，我希望佢哋第一時間想起我、想起溫暖嘅家。
唔需要怕媽媽會擔心、會難過，因為媽媽只想好好抱抱受傷嘅小朋友。

抱抱
我都係一位單親媽媽 👵🏿養大
我同佢地講有乜嘢，媽媽撐你

但懷疑唔係每個媽媽都係咁諗

無錯，媽媽任何時候都會好擔心自己仔女，唔理幾多歲都好❤️❤️❤️