📌 🆘 聖保祿醫院門診護
共 45 條紀錄
🆘 聖保祿醫院門診護士態度超惡劣！
私家醫院收你一萬幾千，換嚟嘅竟然係大聲喝罵同不耐煩？
尋晚9:15，我帶工人姐姐去聖保祿醫院門診，因為佢切親手要檢查。
護士檢查完話：「要縫針，最少要一萬元。」我即刻話OK。
跟住佢話要叫骨科醫生嚟縫，但醫生最快都要等1個鐘。
我屋企有個1歲大BB，平時全靠工人姐姐照顧，BB見唔到姐姐根本瞓唔著。我心急問姑娘：「可唔可以叫醫生快啲嚟呀？時間唔早，我哋想快啲搞掂返屋企。」
點知姑娘即刻大聲同唔耐煩咁答：「醫生喺屋企嚟，最快都要一個鐘！」
我禮貌地再問有冇其他方法，個姑娘更大聲、更惡咁重複：「最快都要一個鐘啊！」
我唔想再嘥時間，只好話：「好啦，照等啦。」
填表格嗰陣，姑娘喺我面前不停催：「填好未呀？填好未呀？」
我明明已經喺佢面前寫緊，佢仲係咁催，我真係燥撚到爆。我忍唔住話佢：「我而家咪填緊囉，你衣家咩態度？」但佢哋完全冇理，繼續冇禮貌。
醫生終於到咗，我再問另一個姑娘實際收費大概幾多（因為只知最少一萬，想了解下有冇類似個案大概收幾錢），點知佢即刻不耐煩爆句：
「咪講咗囉！又唔係我收你錢，價又唔係我報，你問醫生啦，唔好問我！」
我去私家醫院，就係因為畀貴錢，想有好啲、體貼啲、快捷啲嘅服務。
點知換嚟嘅係呢種惡劣態度、大聲喝罵、不耐煩催促，完全冇同理心。
聖保祿醫院，呢個就係你哋門診護士嘅服務水平？
收費咁貴，病人同家屬竟然要受呢啲氣？
希望醫院管理層認真正視同改善門診護士嘅服務態度，唔好再畀其他病人受同樣委屈！
有冇其他去過聖保祿門診嘅病人或家屬有類似經歷？
歡迎下面留言分享，一齊要求醫院改善服務！🙏
#聖保祿醫院 #門診護士態度差 #私家醫院服務 #香港醫療 #病人權益 #縫針
填表果1 part佢話你可能算衰，但剩低果2part包括催醫生同要人quote實價感覺似你嘅問題多啲。
首先人地答咗話醫生返緊嚟，大約要1個鐘，你就迫個細嘅要人地催人，即係你搏人比人鬧。人地已經講到明趕緊返嚟，你仲要叫人快啲因為你個仔要瞓覺，你諗吓咁講法離唔離譜。
另外，價錢私家正路都係睇用幾多嘢同做幾耐幾複雜，到做完曬先講到要收幾錢，但你就問啲咁空泛嘅問題叫人點答你？縫10針走得定傷到神經線傷到骨要再搞？未睇之前姑娘又點會答到你？況且人地已經盡答咗你個約數大約1萬咁上下。呢2 part明顯係你有問題多過個護士，至於催form態度差係衰呢part，但你亦無交代你份form係填咗3分鐘定30分鐘，係你列到份form搞咗幾耐前甚至連呢點都好難下定論係咪真係個護士錯曬
多謝你嘅意見，我理解你站係護士角度嘅睇法。
我當時只係因為屋企有1歲BB，工人姐姐唔喺度BB完全瞓唔著，所以先問吓可唔可以叫醫生快啲嚟，呢個應該算合理嘅家長擔心，而家唔係要求醫生即刻飛過嚟，而係希望盡量快少少。我冇大聲鬧人，亦冇無理取鬧，只係禮貌問咗兩次。
至於問價錢，我只係想了解『大概範圍』同『有冇類似個案』，因為醫院話『最少一萬』，但私家醫院收費差異可以好大。我覺得作為病人家屬，有權問清楚大概會幾錢，唔係問『準確到幾毫』。姑娘如果唔清楚，可以話『要等醫生檢查完先知』，但當時嘅回應係『咪講咗囉，唔好問我』，態度明顯好差。
填form嗰陣，我係喺佢面前即刻填，佢連續催咗幾次『填好未？』，我已經話緊『我而家填緊』，呢個的確令人感覺好不耐煩。
我承認每件事都可以有不同角度，但整體服務態度（尤其係私家醫院收費貴嘅情況下）確實有改善空間。希望醫院可以聽到更多聲音，正視門診嘅服務問題。
多謝你留言。
「工人姐姐唔係度 BB完全訓唔著」
睇你呢句都諗到你係邊類型既女人
醫生唔係24小時stand by的確搭車都要時間，收費係醫生開。姑娘的確話唔到事

我意思私家都要等😅點解會覺得睇私家可以唔使等呢？樓主好似覺得自己俾左錢/屋企有事就大曬🤣
估唔到有生之年見到太陽玩thread!! 全個銀河系都圍住你轉呀
你問姑娘可唔可以快d, 你代入去如果你係姑娘， 你會唔會打比醫生叫佢揸車揸快d, 因為有人切親手又想快d返屋企？
St. Paul’s 呢幾十年我睇醫生都要等！ 少人就唔洗等！ 自從多咗大陸人就小幫襯！
今天的香港, 任何場景都充滿内地人, 我無必要都唔會出街
呢啲賤人狗仗人勢 一定要投訴 都唔知憑咩咁嘅態度。
唔識尊重人，唔炒都要搞到佢一身蟻
態度真係好差，政府都好過佢哋，樓主向醫院投訴比較有效
急到咁去睇公立急症啦，同護士講你有個1歲BB等緊工人返去，叫佢派cat 3俾你，仲有公立急症收費清晰，冇隱藏收費，唔使係咁問
以前係入面做過 唔止護士態度差 其他部門都好差 仲玩小圈子杯葛 見到啲sister就死狗咁款 呢間野表面風光人工出手低撚過HA
正常，廿年前，工作關係要找私家醫院合作，去過St Paul同養和，St Paul啲人個鼻全部人向天嘅，養和高佢幾班但對我哋十分客氣有禮貌
應該係管理層嘅問題
終於有人講，呢間野啲姑娘態度閪到仆街，無論點樣對佢好禮貌，佢都係咁閪
St paul醫生同姑娘態度都的確係私家當中比較差，可能客太多同管理層唔重視客人滿意度 。港島區我地都寧願去港怡 。
私家係咁，要考慮營運成本，唔會隨時有各科嘅專科醫生駐院
睇急症直接去公立急症室，乜科嘅專科醫生都有
聖保祿醫院，我都有類似嘅經歷，護士態度真係差到頂點！
躁冇用
直接投訴
唔好口頭
Email 先有記錄
佢個場可能真係做cheap左，不過師兄你同護士解釋件事嘅時候可能要直接同佢講BB好需要工人姐姐，想醫生儘快處理好。你拋出個要求，就等佢地接波。
你如果只係要醫生快啲返，佢會將你歸類做一般躁底無耐性嘅香港人，直接黑你面。 溝通真係一門藝術來架。
想之前condom 穿左
同男朋友半夜去st paul想拎事後丸
登記個陣 一聽到我地係黎做乜
就超級大聲 勁惡咁話
我地呢度係天主教/基督教醫院！無事後丸！
說好的病人私隱？！
同埋就算信仰不同都無需要咁惡？！