📌 💫《我終於明我阿媽點
共 80 條紀錄
💫《我終於明我阿媽點解鍾意黎明？》
最近佢演唱會唱《我的親愛》，佢企喺台上面，冇乜特別舞步，就係咁樣行嚟行去，笑笑口咁同觀眾揮手，成個場就已經好high。我突然諗起細個問阿媽，你點解鍾意黎明？係咪因為佢靚仔呀？佢淨係笑冇答我。而家我明，佢鍾意嘅唔止係黎明個樣，係黎明嗰種由內到外嘅溫柔同親切感。
佢唔係郭富城嗰種舞台王者，將每個動作都排到最靚，佢係企喺度你就覺得舒服，好似一個好熟嘅朋友同你打招呼咁。佢嘅魅力係好內斂嘅，唔係要征服你，而係想你笑真心想你開心。五十幾歲嘅黎明，仲係咁嘅樣，呢種氣質冇得扮，係由個底度滲出嚟。兩個都係天王，但一個係王者風範，一個係gentleman紳士，兩個都各有market，只係你鍾意邊種多啲。你阿媽當年又係鍾意邊個？
你講得好啱，本人70後，四大天王中係鍾意黎明，當年白馬王子氣質，而家紳士氣質，歌好聽好切合佢形象（靠選曲作曲填詞），唱功有，自然派。其實唔需要比較，有人喜歡鮮艷奪目，亦有人喜歡清雅耐看。咩年代都好，鍾意就鍾意，唔需要別人明白認同，黎明嘅真我性格，大家亦睇到好耐了。
年長後，近十幾年，四大天王開演唱會，我都會去睇每位至少一次，因為我覺得佢哋4位，各有實力，亦係我個年代嘅傳奇，係香港流行樂壇嘅傳奇，珍惜，人人都會老去，就係佢哋狀態仍好時，我想親身去體驗佢哋現場表演，因為只有現場，先會完全感受到表演傳遞嘅嘢，你而家感受到 ！羨慕你可以現場睇！
幾年前佢嚟我公司拍MV，我足足企咗兩個鐘不停咁望住佢😆佢對所有工作人員都好有禮貌，對啲保安員都唔該前唔該後，直至佢拍完之後，有個工作人員行埋去指住我同班同事嘅方向同佢講，話俾佢知我哋等咗佢好耐想同佢影相。佢離遠點晒頭揮手叫我哋埋去影，我嗰晚真係失眠。 每人影一張合照，但係當時我發咗顛唔記得咗拎啲嘢俾佢簽名，超級後悔😮💨。
你睇佢用老best語氣解釋點解送🥕就知，佢同fans 兩心知！
疫情雖然過左幾年，但最深體會係希望自己朋友身體健康！
我80後，仲要係80頭嗰種，係見證住四大天王全盛時期，嗰時真係會擔定凳仔喺電視機前面睇樂壇頒獎典禮，一年一度盛事，我嗰時好花心，基本四個都鍾意過，哈哈！
我有好多朋友係中環演唱會事故
佢自己行出嚟面對而開始欣賞佢
佢係愈大愈得人鍾意🤩
喜歡Leon 幾十年，佢係一個層次的，好獨特！鍾意佢堅持我行我素，唔會隨波逐流！
佢好有自己立場, 無論歌曲或者電影都好獨特,有自己style嗰隻
黎明超正
至於你話既舞台王者
而家唔跳啦，企硬🤣🤣🤣
我近年先開始識欣賞黎生（而我有個黎嘅資深粉絲好友） - 我自己多少都覺得，以前我係無咁嘅EQ AQ資歷定層次，去理解佢會咁受歡迎咁樣一直被（好多人）愛，背後真係有原因嘅！
還好現代嘅科技，能令佢唔同時期嘅訪問/現場表演/Mvs 等等都能保留落嚟❤️ 令遲咗好幾十年先發現佢嘅好嘅我（定有其他人同我一樣），都可以慢慢 ‘補課’ 😆
然後，我開始好期待下星期二, 同我0個位資深粉老友，一齊去欣賞Leon 演唱會嘅尾場呀❤️
其實黎明細個唔係好溫柔
私下對人黑口黑面
有師姐以前做好娛樂記者
不過都講緊好耐以前
1993年電視劇原振俠，更加係除咗黎明，真係諗唔到比佢更加適合呢種少俠氣質嘅演員，主題曲願你今夜別離去亦係黎明經典
原振俠真係勁型, 不過我最深刻係回到未嫁時, 呢套真心經典
可能到今日idol文化係香港仲未能令全部人理解，但黎明既idol力到而家60歲都仲咁強！佢就係貌似「乜都唔使做」，係台上面笑住唱歌大家就已經好開心！
Leon 有種不可抗拒嘅魅力，不同年代，不同時間都吸引力十足，是因為他帶有童真的真誠，他可以創意無限，時常會給fans驚喜快樂 🎉🎉👏👏😂😂
佢嘅魅力真係好long lasting永不過時嗰隻
黎明當年同劉德華一樣咁紅，係頂流，比城城和學友更紅！在外國黎明係最紅果個
四大天王我都係鐘意黎明，他有一種腼腆和儒雅氣質！本人50 +
我唔明咩叫做另一個係王者風範 一個係gentleman
Leon 企係度 揮揮手 唔使多講 就控制咗成個台成個場嘅氣氛
呢D先係王者風範
嗰時中學行鑽石山廣場行行吓俾啲保安欄處唔俾我哋繼續行，唔知咩事，原來黎明就喺我面前經過，就啱啱喺保安前面，我顎高個頭望到佢真係😳嘩！佢係比平常香港人高，所以係高大靚仔，好少香港人有咁嘅身形。以前細個唔識貨，可能係啲阿媽先識睇男人！😆
林海峰都講過：全香港樂壇只有黎明可以企係度唱晒一首快歌🤣
黎明真係值得一世追棒既王子，親切+氣質，冇得輸！🫶
同意氣質呢家嘢, 真係無形無色無味, 從心而發, 佢入行咁耐仲係咁謙謙君子, 不爭不搶, 靦腆又含蓄, 誠懇得嚟嗰種親和力真係渾然天成😉
都係嗰句
我愛黎明! 我愛黎明! 我愛黎明!
好細個自懂事以嚟就開始鍾意黎明，鍾意聽黎明啲歌，好細個就已經識唱佢啲歌😍
爸爸送禮物比fans希望大家人生就算點黑暗都會有一小眼燈陪住大家，紅羅白係佢中意食，健康，代表希望大家人生要健康同埋充滿光明，唔好放棄人生，貪新愛舊講緊佢自己個人人生，佢心入面中意好多女人，冇一個係最愛，只有中意，長短其實唔重要，重要係真心認真愛過，有付出去對方身上。佢人生都好有意義，真係好精彩。由細睇到黎明大，真係要向佢學習。
冇錯呀，細個時我都係俾佢個溫柔聲線同氣質吸引，靚仔呢樣嘢係大個啲先發現佢靚仔😂😂
我爸爸好令仔，雖然好花心，但佢做人真係好有heart ,are may 係天堂都會好開心，見到佢生活好精彩，都會好感動。
佢而家唱呢首唱到同我當年小學雞睇電視聽佢唱live 一樣，把聲真係咁多年都keep 到
佢個樣、佢把聲再加埋佢嘅氣質，直頭係毒氣，殺你於無形！😍😍😍
4大 當年鍾意城城，依家鍾意黎明，最少有聽黎明，老細近期作個首