😂講真星期二晚玩到凌晨，星期三仲要返工，可以點樣去呢
谷票房我都明，要買戲飛先入到場我都明；但係harsh到要27號之後嘅五張飛，即係話之前就算謝票場10刷都唔計
如果真係想谷票房嘅，不如再出謝票場/ 加紀念品啦
如果真係想與民同樂嘅，不如開live算啦
如果真係想搞活動嘅，咁不如揀返一個紅日大家第二日唔使返工可以嗎？😂
雖然都算係谷票房活動，但其實計過都唔係谷到好多錢。戲飛平均$80/張，5張 = $400。根據往績個場大概容納180個觀眾左右，扣除番10個演員，即係170人左右，其實都只係谷到$68000票房，根本比唔上龍芳CP一個週末謝票場嘅票房。所以古生搞呢個活動應該都係志在同fans有個一齊睇大結局嘅集體回憶啫
希望大家明白，4月7日係一個特別嘅日子：就係尋秦記劇集大結局，喺呢日做活動有一個sentimental 嘅紀念意義，只不過 it happens to be 星期二而唔係周末而已。如我冇記錯，以往公開嘅謝票場全部都係星期六、星期日，周末要返工嘅都去唔到，今次活動踫啱係平日，希望大家唔好咁大負面反應。🙏🏻🙏🏻
就算係都唔一定紅日先搞得啦～大把係粉絲都唔係放紅日放星期六日架，有時閒日搞都唔過份啦
真呀😭 同埋你又唔係睇波，睇波所有人都係第一次睇，然後好想有個氣氛就話啫；而家係全世界都睇過套嘢，其實係想有個溫馨嘅Reunion咋嘛，如果係相聚嘅話係咪有啲正常啲嘅時間可以處理？
同埋可不可以不要在深夜高歌⋯⋯⋯⋯⋯ 利申都愛天命最高，但係凌晨一點大合唱真係冇一個位係合理
因為劇集果日大結局，都係俾個理由嚟搞多次活動.....
呢個谷票房方法真心勁。要你睇多5次，仲要去奧海城消費多$100，仲要名額幾多都唔公佈，淨係一句換完即止。即係隨時付出完幾百蚊仲要得個吉，妙呀。
根本就一路都當你哋On9仔女，但係你哋又不斷科水咁唔繼續玩鳩你哋仲可以喺邊度搵水魚？係你哋當古天樂係寶啫，佢所做嘅一切咪又係榨乾榨淨你哋班人，佢當你哋傻仔傻女咋！
😂咁坦白講追星又唔自在呢啲嘅，係覺得個安排可以合理啲啫，劏都想畀佢劏得入肉啲呀嘛
Marketing 應該都衡量過local + 內地+海外 fans 對謝票場嘅熱情同消化能力已經去到尾聲，票房好難再谷過億，所以將重點放係收官之作，畫下完美句點。
買長者飛嚟應對佢要3月27日或之後嘅飛尾呢個換領辦法，佢冇講長者飛唔得喎。
🥹 其實谷票房真係冇所謂，但依個食相真肉酸左啲，樓上有朋友計完其實仲要咁做法都唔係谷到好多
大家唔好以為今次係最後一個活動先，呢個只係一個活動，明白大家都好想支持 今次去唔到既大家，等下次再支持，兼我覺得大家可以放心破億票房實會有普天同慶嘅活動，大家目標一致破億先💪🏻💪🏻
一堆水魚 其實套野拍成咁有9000萬已經要知足了 搞咁多野做咩…..埋尾咁樣衰