😆話說我放10日假上咗兩次東張。路人嚟講應該都係歷史上第一人！今年做創作之後好似已經係第三次上東張。😆第一次紅葉！然之後就上個星期尖沙咀救火我拍片，今次就到自己親自變身出動。可惜今次我幫助嘅人其實都真係幾唔抵幫。

TVB黃金時段10分鐘呢啲機會一世都冇一次，比你班自私撚浪費咗咁好嘅機會，夾硬要搞到佢哋協調阿婆比呃點數卡嘅尷尬片頂咗。我嘅行俠仗義比嗰班生意佬當係免費打手咁用，感覺真係好糟糕。

我見到東張西望嘅同事有盡力、警察有盡力！我自己又有盡力！反而係嗰班俾人食霸王餐嘅苦主喺度食花生！我真係好憤怒！你哋嘅自私最後會迎來你哋自己嘅滅亡。我因為你哋嘅沉默所以選擇唔會出庭指證嗰個澳洲人。

我只會放低相關影片同埋口供紙，我唔會再接受警方嘅任何跟進。我唔係嬲警察叫我喺審訊完結之前下架影片同埋叫東張西望唔好播條片住。我見到佢哋都好盡力做！ 我亦都好多謝嗰位我眼見做緊嘢嘅警察都係好盡力好有心機嘅人！

以後我見到啲餐廳有人食霸王餐我一樣會開機拍片，但係我會只撚住個老闆嚟笑！恥笑到佢忍唔住報警為止🤡俾人走數係可憐！但係可憐之人必有其可恨之處

你有keep post, 有報東張，警察先可以拉到佢，就算餐廳吾追究，但係佢個樣已經揚哂，係你範疇已經做得好好👍🏻

因為呢我之前都試過用影片就足夠告得入普通襲擊罪。根本上我唔做證人都夠玩。同埋我係現場放棄咗追究之後先將條片擺上嚟，佢哋捉到佢再做調查之後通知我落口供我簽口供紙之前呢啲片段已經喺網上面流通。我並冇喺簽完之後再發出新嘅片段。

唔知呢位餐廳事頭婆係咪無press charges,純粹知道拉咗個窮鬼就算！

係咪即是啲餐廳老闆唔追究？
題外話：尖沙咀救火嗰個係你🫢？Wow~原來你就係傳說中嘅民間蝙蝠俠？

救火嗰個唔係我，我係影救火嗰個將嗰個哥哥塑造為英雄嗰😆後生10年我都唔會喺K11個reception搬過滅火筒過嚟一個人單拖救火。所以我願意幫佢一把，我相信呢隻嘢去攞到嗰個嘉許信係幫到佢成世。

水能載舟亦能覆舟。我自己知道我係流量巨獸，難得我願意幫嘅人翹埋對手等食花生嘅話，不如直接去食屎啦😆😆😆😆我唔撚幫

有冇呢堆餐廳嘅名單，以後唔會幫襯呢啲餐廳

又唔好咁做！出去跑嘅係東張西望、我、警察。你冇反跑唔准鬧☺️☺️☺️

你哋呢幾日有睇post嘅都知佢哋有幾仆街，浪費時間令啲仆街仆街不如開開心心玩吓好過啦，星期六日過嚟星光大道搵我哋打招呼協會一齊畫畫一齊唱歌一齊玩其實更開心。早啲對個社會好嘅嘢。

咁勁😂😂😂😂👍🏽

🤣我肯定係東張歷史上邊唯一一個一星期，因為兩件事上東張嘅人🤩🤩🤩

放假嘅第二日發生呢件事，最後一日嘅時候發生上面嗰件事。