😒最唔鍾意嗰啲 為咗融入外國文化，然後貶低自己種族、文化、食物嘅人
反之，你都冇必要貶低人哋嘅文化食物，然後抬高自己。唔同嘅地方有唔同嘅文化唔同嘅食物，唔啱你食你唔認同嘅文化唔代表高或者低。你講得好啱絕對唔應該貶低自己嘅種族文化食物，同樣地亦都唔應該貶低人哋樣樣嘢都鬧。
"你唔認同嘅文化唔代表高或者低。" 我好認同，不過我認為文化依然有高低之分
反而係多數未去過外國，就踩外國嘢食嘅多，仲以為自己嘢食世一。
其中一個例子係黃色燒賣，一個二個以為燒賣正宗係黃色，人哋白色係抄錯。結果原來燒賣源自蒙古，原本就係白色，然之後出過市之後，先發覺日本，上海，楊州，潮州，大馬，全部都係白色，白色先係正宗。
最惡毒係，初初笑日本燒賣唔正宗因為係白色，覺得人哋唔係燒賣，後來知自己燒賣先唔正宗，就唔會調返轉話香港啲燒賣”憑咩叫自己做燒賣”
所以下次見到(每年都loop)一定要大力吊柒
好難抬高local既食物喎
永遠都係世界各地做緊和食既奸細。
香港必食係雲吞麵😋
多數係因為自卑先會攪到咁 不過唐人在外 選擇係唔多 你強硬撐自己的文化 佢地就會排你 於是好多人願意做小丑／陪笑跟班 踩自己的民族／國家
有時候有d鬼佬都睇到一頭霧水 心諗我諗住踩中國文化黎貶低你 令你難受 點知你跟我踩埋一份 我都唔知點反應好
每個地方文化都有優劣對個人而言 所以好睇你著重於優還是劣 咁去表達
呢個真，人哋唔起睇得起呢啲人，同埋呢啲人反而係最難識外邊朋友