1/4 8:00pm update

其實2/3夜晚我已經報過愛協
但係到而家都無人update 過我有無follow
我今日中午去過青衣愛協問
佢再留低我電話同豬肉檔地址
今晚大約八點（我7點左右已經到附近，當時望入去唔見貓貓）
我喺附近等到8點（因為佢大約8點會收工（自2/3起，我經常會不同時間經過，所以知道佢收工時間、亦知道收檔之後貓貓喺入面）同埋店裏面仲有另外兩個員工，到8點拉閘前其他店員會走先，咁會淨返上次我同佢傾過嘅一位男店主鎖門，得返佢一位我比較敢行過去同佢講嘢）
佢當時踎喺入面地板整緊嘢，而貓貓就喺左邊架上；
我直接行入去同佢講：「我係上次問過你貓貓嘢果位，你好呀，唔好意思我想問，你當時話係會帶貓貓返屋企」男店主：「係呀係呀，一陣我收工會帶佢返屋企㗎！」我：「其實我之後都經過好多次，我知道你唔係，我亦都見到貓貓係留喺度；我唔係義工，我唔係要做d咩，只係⋯⋯不如我送一個大d嘅籠比貓貓吖」男店主：「唔使，我哋有籠喺度呀」而期間我一直同緊貓貓玩（👇🏻圖）貓貓叫城城、男仔、大約半歲，而男店主亦多次以地滑、淋水等請我走，佢強調佢哋好錫貓貓，而我亦只好離開🙏🏻

報東張，報媒體啦

你做得好好，為貓貓爭取好啲生活，因為貓貓值得被善待和愛護，欣賞你

有籠又點？咁細，有籠就大哂？

佢收工咪睇下佢有無帶貓番屋企囉，無咪即係講大話囉，無又話有，人地比籠你又唔撚肯要，但自己塞佢入飛機籠，又唔塞帶佢番屋企，怕佢整污糟自己屋企？咁你又要隻貓留係度？
邊間豬肉檔咁仆街？

搞錯 人地都話送個大籠俾貓貓囉😑😑😑又唔洗佢俾錢仲想點啊

@hkanimalnews

好瘦，豬肉檔對佢好得邊，成日咁多貓仔可以比街市，佢地起邊到拎到貓仔呢？

好可憐嘅貓咪，點解舖頭貓唔可以有好嘅生活😭希望有媒體可以跟進貓貓情況🙏🏻

貓貓嘅眼神好無助，好想人帶佢走

Good job

或者搵個雙層籠俾隻貓住。