📌 2026年真係係一個
共 55 條紀錄
2026年真係係一個好大嘅挑戰，
原本諗住展開新嘅一頁，組織家庭…
樓都睇埋，諗住有個安樂窩。
1月女朋友做婚前檢查發現子宮有問題（雖然我哋冇諗住生小朋友，但首要係佢身體）
好似打咗幾關大佬咁，檢查用咗幾萬蚊…
（原來保險真係好撚有用。
好多人成日開口埋口屌保險，以前我唔理解嘅時候都會屌兩句）
直到女朋友確診子宮癌前病變
超聲波到宮腔鏡，再到CT，全部都claim到，
見到佢個agent提供到情緒價值、關懷備至，搵醫生又陪佢入院，保險出張支票幾萬蚊，都真係幫咗好多
如果唔係我都唔知點攞幾皮嘢出嚟俾女朋友😢。
寧願留返啲錢俾佢補身，開心去旅行好過。
下個月到我哋打第三關大佬，雖然要做手術切咗個子宮同部份宮頸，但唔洗驚 肥寶寶唔會唔要你架，
要乖乖哋休養知唔知？我會一直陪住你架BB👩❤️💋👨
養好身體去睇極光。love you 3000
多謝大家對女朋友的祝福🙏🏻
冇諗過呢個post會出咗去公海。
都收到唔少PM問保險，老實講我唔係專業，唔識咩plan係最好，但我相信各大嘅保險公司都應該係差唔多，啲plan唔會特別差，重點係你買保險嗰個agent，跟得好唔好，同埋佢識唔識醫療團隊，專科醫生可以幫到你？
都有d agent pm我sell單，
主動出擊有時唔係個個like架😹
唔想比人話保險狗可能真係要檢討下。
祝大家身體健康。
我有買保險但少claim .主打claim公司團體保.
政府有政府既好.視乎你做咩手術.我更換器官(心辮)由初初擔心两份醫療(自己+公司)也不夠.多買了一份醫保.但都真的不夠.評估要7O萬.最後心臟科醫生(公司)表示等政府.我都2X年冇事冇幹係可以安心排期.另一位醫生也表示交比政府醫院.佢哋專心化.私家涉及心/肺/腎等.最後幫我寫信比威記.预先安排術前所需.好快就入隊排了两年(疫情期等待).埋單2千內(住了15天).之後我claim 公司
保險claim住院現金.同危疾(更換器官係計危疾)
我老公都有買保險但冇住私家因打999入一個又一個星期.本來去復康醫院又循環去番QE.如是者反反覆覆.根本已經冇私家接手.佢有住院現金保.最後住到近百日.住院現金都夠葬禮用.
保險好嗎？係一份保障only.係一份(安慰).我都相信保險.若然打左和.自己冇事健健康康也是一件好事.不過買左都要久不久update下.唔好主力靠agent .我claim到熟過Agent 自己去申請醫療報告.甚至直接上保險CS搞.
Anyway 祝樓主女友早日康復.健康係無價.
先祝福你同女朋友都健康開心
最緊要手術順利，早日康復
其實唔怪得有啲人會話保險冇用
一來可能真係遇到啲唔好嘅agent
二來其實係值得感恩，只有完全健康嘅人先有資格講保險冇用，我有時都會咁樣同啲客人朋友仔咁講
你能夠覺得保險冇用，值得開心嘅嘅事
到做過手術之後，又會調返轉講
今年記得準時交錢，萬一唔記得交錢失效就麻煩以後買唔返
冇錯呀，真係好彩有買保險。因為家姐做agent，我先買保險，以為後生就唔會有咩問題，係幫我家姐買，點知到頭來係佢幫左我，唔係佢我唔會買保險🥲。(確診左何傑金氏癌四期，全靠家姐幫我揾醫生同攪claim)
P.S 我家姐係個好agent，做左十幾年，熟保單，温柔細心，跟得好足，重有相熟醫生新年都揾到床位，你地有興趣就DM我啦🫶🏻
子宮癌前病變唔一定要做手術，cin3先至好考慮 如果唔係都唔好 因為會令到個子宮頸變得好短
雖然你地依家冇諗住生小朋友 但係唔難保將來會變
子宮頸短會好易小產
利申過來人 同樣做過手術 前年check又病變多一次
最後政府醫生話唔一定要手術先知我比之前個私家醫生誤導左
以為一定要做手術
btw 祝女朋友早日康復
我個時都係港安叫我切做LEEP，未做手術已開價3 萬幾做檢查、驗血、照嘢、雜費，我個時30歲，都想生bb。
我自己走去博愛睇，每半年抽組織
由CIN 3> 2> 1，5 -6年後依家狀況好轉穩定左
現時變返1 年先做柏氏抹片就ok
所以同人哋講 我想做保險某程度上都係想幫人 啲人喺度笑
但係我想講如果個客同我買咗份保險 到咗嗰個時候俾到一筆賠償佢
亦都俾到個安心佢嘅屋企人
講真嗰句 我真係冇幫到咩？
我係有收佣啊
咁醫生冇出糧咩？
所以做呢一行我係真心覺得唔公平
首先祝你個女朋友早日康復
冇辦法太多Hater太多人誤解
受惠嘅人唔會將個agent喺社交媒體推出
但係大部份對保險有誤解嘅人就真係會喺社交媒體度大聲講保險有有幾討厭😫
我有個客突然想癌嚴重嘅糖尿病，再加埋心臟病保險做手術賠咗佢260,000心臟病130,000全賠
佢都唔知幾感激保險
請教，你個客係買咩保險？
女朋友買咗一份好普通的自願醫保，有公司醫療，切除子宮同子宮頸嗰個比較複雜，嗰啲什麼雜費嗰啲爆晒，應該要2份保險先夠
我地都係買基本意外同住院，保險係有用，當你出身體出左問題但係又未死得果隻，我同我老公都各自做過腳嘅手術，佢重建十字韌帶，我就半月板撕裂，全部claim足，包括手術後做物理治療。我當年買保險都係怕左呢啲婦科病，因為實在太coomon，btw 祝你女朋友早日康復🫶🏻
本人不是賣保險，但我買咗高端醫療，手意外受傷，復雜性骨折，政府手術效果不佳，之後轉去私家醫院，前後2次手刮50萬，保險理賠9成，剩返嗰二萬幾墊底費就公司保險cover，買咗保險，有咩事俾自己多個選擇，如果無買嘅話，硬食政府
我有買保險。之前全靠買左保險。所有檢查都唔駛錢。私家做，快。但最重要係我保險經紀，佢係我老友老公識左好多年。連佢太太(佢不是經紀)都幫我手搞掂左。非常感謝佢同佢老公。我身體才知道咩事。幸好最後係冇事。
係呢啲時候保險真係幫到好多
而你女朋友保險經紀真係好
呢啲時候比到足夠情緒價值 同支援好緊要
我果個經紀除左態度唔好 會怪我之前唔upgrade 個plan 問多句都嫌煩 之外
都算係咁，最重要clam 到錢
我奶奶後生買咗保險，到70歲發現有cancer，賠咁廿萬比佢，就要佢加保費，之後就下下都話claim唔到，嬲到cut咗佢，佢自己一路供既錢都唔止哩個數，只係比返個本金佢，仲未計通脹😅
切除子宮代表無月經，即係會有收經後的徵狀。。同埋之後都要食荷爾蒙藥。。。真係要諗得好清楚，會唔會有其他方法去解決呢？anyway ，祝福佢早日康復，加油💪🏻💪🏻
想問下你女朋友幾多歲？切咗成個子宮好大件事，因為對身體會好大影響的，同埋後遺症都多
如果唔係真係確症癌症，會建議你地問多個醫生拿多個意見
保險唔係唔好你要識買唔好買埋啲儲蓄型買消費型就得，啲agent會同你講買消費型浪費金錢，但係消費型你可以用$1000去買到20,000,000嘅保障。
都想問下27歲仲未買保險，來緊可能幾年後出國生活既話應該點配置好，暫時未有好穩定既人工，同時都唔知自己身體有冇小毛病
首先祝你bb早日康復
睇完成篇嘢都有個疑問點解幾皮都拎唔到出嚟？結論就係唔可以因為買樓，搞結婚搞到自己一舖清袋
多謝你分享呢件事出嚟
亦都希望你同女朋友 關關難過關關過
休養半年至一年就可以康復㗎啦
唔使擔心💪🏻
完成晒西醫方面嘅治療
如果需要調理身體等等嗰啲
我介紹過好勁嘅中醫師俾你
私底下俾個折你地
我行內處理好多呢啲嘅問題
所以好清楚西藥嘅副作用
有時有啲嘢西醫係解決唔到，但中醫可以
有需要你就再DM我啦
祝樓主女友身體健康，早日康復🫡多謝分享，每份工作都有佢嘅用處，希望香港有越來越多好嘅agent🙏
Agree保險好有用
但我想問吓點解你哋都打算結婚又話睇樓，但係又話唔知點攞幾皮嘢出嚟俾女朋友？
好sweet!! 你真係一個好好嘅另一半，祝你女朋友早日康復，甜甜蜜蜜🫶🏻🫶🏻
我自己都係買咗份高端醫療
又係子宮有事手術claim 左25 萬，危疾都claim咗50幾萬
你女朋友cin 幾？ 未必咁多要切晒成個子宮架wo, 除非佢已入侵埋子宮入面
希望你女朋友早日康復，身體健康，開開心心迎接之後嘅美好生活🫶🏼
你係一個好男人。希望女朋友早日康復。你地一齊執子之手 與子偕老。
咁醫療保係幾有用
不過你幾皮野都話唔知點攞到又買到樓？
俾晒酒席，婚紗攝影，層樓都俾咗錢。
就嚟清Q晒㗎啦，如果BB要用錢醫 我會賣腎
祝早日康復❤️🩹好開心見到threads有呢啲post🥹❤️
不幸中既大幸係咁岩做婚前檢查check到, 祝佢早日康復!
唔claim 比您，下年點加您保費
anyway 祝身體健康
又真…年年都加😩但一日有能力，都會繼續幫佢供份保險🤟🏻
大家都要身體健康啊。
祝 早日康復 同埋 stay sweet! 👍🏻👍🏻
🤣🤣🤣
其實提醒身邊人買咪得
唔一定要做agent
啱呀，啱呀
而家最緊要感動到條女。
享受呢一刻