20260323 10:30a.m.
荃灣海之戀商場對出海旁往有線大樓方向
有請好心人幫我大大力推🥲🙏🏻萬分感激

我已經唔係第一次見到呢個呀叔，上一次係2026年3月2號早上10點30分左右，佢用同一個手法。第一次見佢嘅時候，佢將電話夾喺腋下，但鏡頭係對住我，加上佢個神情好怪、不停望住我，我先開始留意。

今日3月23日同一時間又喺同一個位置撞到佢，今次佢將電話放喺腰間，一樣電話鏡頭對住我。我都係見到佢個樣十份鬼鼠，先發現佢嘅動作。我一回頭望佢，佢就即刻拎起電話睇，好似睇相咁。

第一次我仲唔太肯定係咪偷拍，今次就好肯定，所以我跟住佢，用電話錄低佢個樣留證據。但佢完全冇停低問我做乜，亦冇質疑我，反而一路繼續行，佢分明知道我發現佢偷影我。

我知網上好多人未必明白，甚至會話我幻覺、太敏感。但我真係成日遇到呢啲偷拍嘅人，心裡面陰影好大，對鏡頭超敏感。最無奈係明知被人偷拍，卻咩都做唔到，真係好無助，(🤬🤬🤬同埋第一次俾同一個人偷影兩次我真係好撚嬲💢)

希望大家出入呢一帶留意同小心此人。如果佢係你嘅親友，麻煩你幫我問候吓佢：我到底有啲咩好影？

可能呢個人係精神有問題 盡快離開 別呈強

不是呈強，我都就快被這些偷拍狂逼到有精神病了，曾多次被人偷拍包括裙底，這些經歷一直揮之不去，每次遇到這樣事情全部都會再次浮現腦海😞🫩