28/3 C73X 同一程車口爆兩次

今日又入大埔跑公路，飯後運頭塘里上咗個著住熱愛祖國南無阿彌陀佛 tee嘅嬋嬋，個手機係keep住大大聲咁上車，諗住上咗車識做但可惜唔係，報站機枝咪用得，停燈直接口爆請佢閂細聲。

跟住去到和宜合道上咗半打童軍領袖，企咗晌輪椅位，落到同珍一閂閘個鐘即刻著，以為有人要落車，再閂即刻再著，咁肯定係企輪椅位個童軍坐或挨住個鐘掣，即刻叫佢哋唔好坐住個鐘掣。

由和宜合道運動場上車開始，幾個童軍領袖晌輪椅位愈傾愈興奮，愈來愈大聲，去到大窩口我終於忍唔住用咪口爆：「麻煩咁多位領袖傾計細聲少少唔該」

本來都唔知係童軍領袖，佢哋傾緊乜其實全部聽到晒。以身作則喎🤡

栗子車長噪音容忍度：圖書館

唔係過份都由佢，佢地自己圍內受返算，太嘈傳到上車頭影響到我揸車就真係要x.真係好騷擾

其實嘈唔到我真係唔會走過去同佢一齊睇片聽電話

欣賞你維持車箱寧靜

真係嘈到自己嘈到其他客

可惜我坐車時唔係由你揸，小姐揸住杯咖啡上車司機冇提醒佢，成程一隻手碌手機，另一隻手揸住杯咖啡飲，幾有氣質；四人位兩男女講家庭八卦high到爆，另一個姐姐傾手機呻公司嘢，三個人成個鐘車程未停過冇收細聲，門口位仲有個大媽睇大陸劇，司機一句說話都冇。

我坐車試過😔
平日收工返屋企B2P👉車上一大班參加完旅行團既叔叔+長者 不斷講旅行心得 聲量80分貝或以上
最安靜係坐粵港文巴 D人好細聲傾計👍
好多人愛上短劇 因為短而受大家喜愛😔
已我坐車唔會睇片 開個EXCEL紀錄下街外既貨櫃箱從邊度返黎

Good Job車長👍🏻👍🏻

辛苦晒 😎

有冇叫佢地跳彈床？

大窩口油站嗰段青山公路夠晒彈

輪椅位果鐘位置真係低Q能設計

可能係青少年軍，佢哋啲制服好似童軍

和宜合道近運動場有個童軍中心
同埋好肯定係童軍制服

辛苦晒🫡
如果有多啲車長好似你咁就好喇👍🏻